موسوعة الرش الكاملة

[Angel of Death]

السلام عليكم,
أكيد طبعا كثير مننا قبل ما يشتري بندقية له بعد ما يختار البندقية اللي ناوي عليها يقف أمام خيار أصعب, و نوع و عيار الرش.. عشان طدة أماحبيت أعمل موضوع عن كل أنواع و أحجام و الفرق ما بينهم من حيث الإستخدامات و الطاقة بتاعت كل نوع..

الأعيرة:
بنادق الضغط يتم إنتاجها بأرعة عيارات و هي كالأتي:
1) 4.5 مللي أو 177. بوصة أو ما يسمى في مصر "نمرة واحد"

2) 5.0 مللي أو 20. بوصة (ليس متوافر في مصر)

3) 5.5 مللي أو 22. بوصة أو ما يسمى في مصر "نمرة إثنين"

4) 6.35 مللي أو 25. بوصة أو ما يسمى في مصر "نمرة ثلاثة" لكن وجودة نادر جدااااا لو كان موجود أصلا



الفروق: نمرة واحد دائما يكون أخف و بالتالي أسرع بكثير عن باقي الأعيرة. لكن لأنة سريع يفقد دقتة كثيرا مع البنادق المتوسطة و القوية في قوة القذف. ذلك لأن غالبا تقترب الرشة إلى سرعة الصوت أو تكسر حاجز الصوت Sound Barrier مما يؤدي إلى إنفجار الموجات الصوتية Sonic Boom مما يؤدي إلى تشقلب الرسة مئات المرات في الثانية الواحدة و هذا يخرج الرشة تماما عن مسارها الأولي. يكون الرش نمرة واحد ضعيف في إسنخدامه للصيد في حيث إنه خفيف الوزن جدا و غالبا ما يصيب الطير بدون قتلة لأن الرشة تمر عبر جسد الصيد بدون تدمير أو تمزيق الأنسجة الحيوية. عندما يزيد حجم العيار يزيد الوزن و تقل السرعة و ذلك يزيد التلف في الأعضاء لزيادة الطاقة الحركية في المقذوف.

الطاقة الحركية:
الطاقة عشان تتقاس يا أساتذة ليها معادلة و هي كالأتي:
kinetic energy=½ mv²
خليني بقى أفصصها لحضراتكم.
أولا Kinetic Energy هي الطاقة الحركية. يعني كمية الطاقة بتاعت المقذوف عند قياس السرعة (خلي بالك أوي لأن مع تغير السرعة,تتغير الطاقة بناء عليه)

ثانيا: M أو Mass هو وزن المقذوف. ففي حال نمرة 1 (4.5 مم) فهو: 0.42-0.65 جرام حسب شركة التصنيع. أما بالنسبة لنمرة 2 (5.5 مم) فهو: 0.865-0.138 جرام أيضا حسب الشركة المصنعة.

ثالثا: V² في حيث V هي Velocity أو سرعة المقذوف و v² يعني مربع السرعة أو (السرعة x السرعة)

رابعا: دلوقتي لو طبقت المعادله ديه على الكرال مثلا اللي سرعة نمرة 1 (نأخد متوسط الوزن اللي هو 0.5 جرام أو 0.0005 كيلو جرام) 315 متر في الثانية تلاقي إن طاقة القذوف
kinetic energy= 0.0005*315*315*0.5
kinetic energy= 24.806
(خلي بالك تقسم الوزن على ألف عشان المعادلة ديه للكيلو جرام مش جرام)
دلوقتي يلا نجربها على رشة نمرة 2 (نأخد المتوسط الوزن اللي هو 0.112 جرام أو 0.00112 كيلو جرام ) سرعة الكرال مع نمرة 2 240 متر في الثانية مثلا
kinetic energy=0.5*0.00112*240*240
kinetic energy= 32.256

كدة إحنا عرفنا إن الرشة تمرة 2 أقوى كثير من نمرة 1 ..

خامسا:
ديه بقى أهم حتة. قوانين الفيزياء بتقول إن المقذوف الأثقل بيخسر سرعتة أسرع كثيير من المقذوف الأخف. يعني لما الرشة توصل لهدف على بعد 50 متر ممكن تلاقي الرشة نمرة 1 سرعتها210 متر/الثاني و نمرة 2 سرعتها 125 متر/الثانيه. هنا بقى عشان تختار أيهم أفضل ليك يبقى لازم نقرر المدى اللي أنت هتصطاد منه. لأنك لو هتصطاد في مسافة قريبة يبفى تاخد نمرة 2 وش عشان في المسافة القريبة نمرة 2 هتفرتك أبو و كمان أم الصيد. بس لو حضرتك عاوز بقى تعمل قناص و بتاع (زيي كدة بالظبط عامل فيها قناص ) يبقى عليك بنمرة 1. لأن نمرة هتحتفظ بسرعتها أكثر من نمرة 2 بكثيييييير لكن قد تفقد الدقة لخفة الوزن....
برده نوع الرش بيفرق.. عندك الرش المدبب زي الماستر بوينت, و ده قدرته على الإختراق رهيبة بشكل مرعب. و عندك الهولو بوينت و ده مجوف, لكن لما يرشق في صيد بينفجر (مش بنار يعني و كدة, لكن الراس بتفرد على الأخر و حجمه يزيد أضعاف و البطريقة ديه بيدمر أكبر عدد من الأنسجة اللي في الصيد) لكن قدرته الإختراقية ضعيفة..
سيتم مناقسة أنواع الرش العامة في قسم لاحق.

سادسا: كل شخص لي عيار مفضل له و مش بيعرف يعيش من غيره. يعني ممكن واحد يحب الهولوبوينت نمرة إثنين جدا و مش بيستخدم غيرة, و ممكن واحد ثاني يستخدم الماستر بوينت نمرة واحد و مش بيعرف يعيش من غيرة. اللي قصدي أقوله إن في الأخر كله بيرجع لي تفضيلك الشخصي و الطريده اللي هتصطادها لأن كل ما الطريدة تكبر كل ما تحتاج عيار أكبر.

الأنواع:
1) Match Pellets أو Wadcutter: و هو رش مسطح الرأس و يستخدم في مسابقات الرماية حيث أنه عند الإختراق يترك دائرة كاملة الشكل بحيث تسهل المعاينة. لدى هذا النوع من الرش دقة عالية جدا في حدود 10-30 ياردة (8-28 متر) لكن أبعد من هذا تبدأ الرشة بفقدان دقتها لأن الهواء يبدأ بتغيير مسار الرشة لكبر سطحها.


2) Domed Pellets: و هو رش لدية رأس على شكل قبة و يستخدم في جميع الإستخدامات و الصيد خصوصا. لدى هذا الرش دقة عالية جدا جدا حتى على أطول المسافات بسبب رأسة المقببة التي يجعل الرشة في قمة ال‘نسيابية حيث أنها تنزلق عبر الهواء بدون معارضة من الهواء. هذا الرأس أيضا يعطي الرشة قدرة ممتازة للإحتفاظ بسرعتها و مسارها (يعني الرشة مش هتنزل كثير على المسافات الطويلة) مما يجعلها رشة قوية جدا عند الإرتطام بالصيد و تقتلها فورا.


3) Pointed Pellets: هذا النوع من الرش يكون لدية رأس مدببة و يميزة القدرة الخارقة في الإختراق. يكون هذا الرش جيد مع البنادق الضعيفة و متوسطة القوة لكن مع البنادق الأقوى يعطي نتائج سلبية حيث إن مع السرعة العالية يفقد توازنة لشدة إنسيابيتة لأن أية فروقات كمية الهواء و لو كانت ضئيلة جدااا تدفع الرشة إلى إتجاة معين.


4) Hollow Point: هذا الرش يتميز برأس مجوفة دائريا. يعطي هذا التجويف الرش ميزة أنه "ينفجر" في جسد الصيد. بكلمة أنفجر أقصد أنه عندما يخترق أي مادة أكثر كثافة من الهواء يحقن الهواء المحبوس في التجويف إلى الجسد مما يتسبب في إزدياد حجم الرش 3 أو 4 أضعاف الحجم الأصلي بسرعة فائقة مما يشبة الإنفجار. يتسبب هذا الإنفجار في إزدياد كمية الأنسجة التي يتم إتلافها لأن الرشة تكون أكبر بأضعاف حجمها الأصلي و يتلف مساحة أكبر. أيضا لدى هذا الرش دقة عالية جدا بما يساوي Domed Pellets. لكن لإسنخدام هذا النوع يجب أن يتم بإستخدام بنادق متوسطة إلى عالية القوة لكي يتم توفير السرعة الكافية لإنفجار الرشة.







معلش أنا في قمة الأسف على الطول لكن قلت مينفعش مقولش الكلام ده لزملائي في منتدى الصيد في مصر.. الموضوع مجهود شخصي 120%.. أرجو التقييم و التثبيت عشات الكل يستفيد.

ممنوع منعا باتا نقل الموضوع لأي مكان أخر.

تحياتي,
محمد قطب الدكماوي

[Angel of Death]

7 مشاهادات و ولا رد؟؟ إية يا جماعة الموضوع وحش ولا إية..

[besho]

مشكووووووووووووور ونفسي في الhalow

[Angel of Death]

المشاركة الأصلية كتبت بواسطة besho

مشكووووووووووووور ونفسي في الhalow

ربنا يخليك يا بيشو يا باشا..
و لية هو مش موجود في مصر..

[Champion]

ايه الجمال ده
احلي تقييم

[Angel of Death]

المشاركة الأصلية كتبت بواسطة champion

ايه الجمال ده
احلي تقييم

و الله يا باشا ده حضرتك اللي جميل.. :d

[Kased]

موضوع جميل يا باشا
يا ريت الباقي يعني ايه المتوفر في مصر و عيب و ميزة و سعر كل نوع
و كمان مين الي ينفع مع البنادق المنتشرة في مصر
و تقبل التحية

[Angel of Death]

المشاركة الأصلية كتبت بواسطة kased

موضوع جميل يا باشا
يا ريت الباقي يعني ايه المتوفر في مصر و عيب و ميزة و سعر كل نوع
و كمان مين الي ينفع مع البنادق المنتشرة في مصر
و تقبل التحية

الله يخليك يا فندم.. و إن شاء الله لما يكون عندي خبرة كافية هاعمل كدة يا فندم.. ما تنسانيش في التقييم بقى و النبي..

[Kased]

طبعا احلي تقييم و كمان يا ريت يثبت

[adel152]

موضوع مميز ومجهود ممتاز يستحق التقييم.
تحياتى.

[Angel of Death]

المشاركة الأصلية كتبت بواسطة kased

طبعا احلي تقييم و كمان يا ريت يثبت

يا رب الإدارة تسمع..

[Angel of Death]

المشاركة الأصلية كتبت بواسطة adel152

موضوع مميز ومجهود ممتاز يستحق التقييم.
تحياتى.

و الله شرفتني يا أستاذ عادل.. المهم الموضوع عجبك يا فندم..

[waleedrahmy]

الله ينور
وتسلم ايديك
علي الموضوع الرائع جدا

[adel152]

المشاركة الأصلية كتبت بواسطة Angel of Death

و الله شرفتني يا أستاذ عادل.. المهم الموضوع عجبك يا فندم..

بعتلك ايميل.

[Angel of Death]

المشاركة الأصلية كتبت بواسطة adel152

بعتلك ايميل.

أحلى و أجمل شكر ليك يا فندم.. و فعلا وجدت أشياء رائعة.. باقي إني أرجع مصر..
♥ بلدي ♥

[Angel of Death]

المشاركة الأصلية كتبت بواسطة waleedrahmy

الله ينور
وتسلم ايديك
علي الموضوع الرائع جدا

الحمد لله إنة عجب حضرتك يا فندم..

[waleedrahmy]

المشاركة الأصلية كتبت بواسطة angel of death

الحمد لله إنة عجب حضرتك يا فندم..

حضرتك
الموضوع فعلا مميز جدا
وفي رايي كمان انه لابد من تثبيتة

[ابو مروان]

اعلى تقييم_وارجو من الادارة التثبيت لان موضوع الرش فعلا موضوع مهم موش اى رشايه تنضرب مع اى بندقية_العلم اتقدم زمان ما كناش نعرف الا رش البرج وعين الشمس_هههههههههههه

[Angel of Death]

المشاركة الأصلية كتبت بواسطة waleedrahmy

حضرتك
الموضوع فعلا مميز جدا
وفي رايي كمان انه لابد من تثبيتة

ربنا يخليك يا فندم و أهم حاجة إفادة السادة الأعضاء..
على الله الإدارة تسمع يا فندم

[Angel of Death]

المشاركة الأصلية كتبت بواسطة ابو مروان

اعلى تقييم_وارجو من الادارة التثبيت لان موضوع الرش فعلا موضوع مهم موش اى رشايه تنضرب مع اى بندقية_العلم اتقدم زمان ما كناش نعرف الا رش البرج وعين الشمس_هههههههههههه

يا باشا ده حضراتكم اللي علمتونا الحاجات ديه.. ربنا يخليلنا حضراتكو و يخليلك إبن حضرتك اللي زي الأمور مروان

[احمد زكى]

موضوع وشرح اكثر من رائععععععععععععععععععععععععععععععععععععععععععععععع ععععععععععع

[احمد زكى]

موضوع وشرح اكثر من رائع

[Angel of Death]

المشاركة الأصلية كتبت بواسطة احمد زكى

موضوع وشرح اكثر من رائع

يا باشا ده حضرنك اللي رائع و الله.. يشرفني إن الموضوع عجب حضرتك يا فندم..

[bekhet]

موضوع جميل وفية معلومات حلوة
ولكن فى تصحيح صغير هو أن
وزن الرشة نمرة 1 فى المتوسط نصف جرام
وزن الرشة نمرة 2 فى المتوسط جرام
أما بالنسبة للأرقام الى حضرتك قولتها فهى صحيحة ولكن وحدتها الجرين وليس الجرام
الجرين وحدة أمريكية خاصة بوزن البارود و الطلقات وخلافة
الجرين يساوى 0648. جرام
يعنى مثلا رشة نمرة 2 وزن 14 جرين تساوى 14*0648. = 9. جرام يعنى حوالى 1 جرام
وجزاك اللة خيرا على الموضوع

[Angel of Death]

المشاركة الأصلية كتبت بواسطة bekhet

موضوع جميل وفية معلومات حلوة
ولكن فى تصحيح صغير هو أن
وزن الرشة نمرة 1 فى المتوسط نصف جرام
وزن الرشة نمرة 2 فى المتوسط جرام
أما بالنسبة للأرقام الى حضرتك قولتها فهى صحيحة ولكن وحدتها الجرين وليس الجرام
الجرين وحدة أمريكية خاصة بوزن البارود و الطلقات وخلافة
الجرين يساوى 0648. جرام
يعنى مثلا رشة نمرة 2 وزن 14 جرين تساوى 14*0648. = 9. جرام يعنى حوالى 1 جرام
وجزاك اللة خيرا على الموضوع

الحمد لله إن الموضوع عجب حضرتك يا أستاذ بخيت.
أهه ما أنا عارف إن الجراين= 0.6479 جرام.. و الأوزان ديه بالجرام .. 16*0.6479= 9 جرام.. مع إني شاكك في الوزن ده لأن لما بمسك الرشة بحس إنها أقل من 2 جرام مع إن الحسابات بنطلع 9 جرام.. أكيد أنا ماليش في حكاية الأوزان ديه و إيدي مش مظبوطة..

شطرا جزيلا على المناقشة الشيقة..

[bekhet]

اللة يخليك ياباشا
بس فى صفر إنت ناسية
وزن 14 جرين تساوى 14*0648. = 9. جرام وليس 9 جرام لأن الرقم الى ضربت فية ناقص صفر داخل العلامة العشرية فأعطاك نتيجة كبيرة مضروبة فى 10

[Angel of Death]

المشاركة الأصلية كتبت بواسطة bekhet

اللة يخليك ياباشا
بس فى صفر إنت ناسية
وزن 14 جرين تساوى 14*0648. = 9. جرام وليس 9 جرام لأن الرقم الى ضربت فية ناقص صفر داخل العلامة العشرية فأعطاك نتيجة كبيرة مضروبة فى 10

أهههههه... صحيح يبقى أنا قرأتها غلط.. شكرا جزيلا يا فندم على تصحيحك الأكثر من رائع؟؟ و أنا على فكرة هصحح الموضوع حالا.. :p

[bekhet]

المشاركة الأصلية كتبت بواسطة angel of death

أهههههه... صحيح يبقى أنا قرأتها غلط.. شكرا جزيلا يا فندم على تصحيحك الأكثر من رائع؟؟ و أنا على فكرة هصحح الموضوع حالا.. :d :p

جزاك اللة خيرا وشكرا لموضوعك الجميل

[Angel of Death]

المشاركة الأصلية كتبت بواسطة bekhet

جزاك اللة خيرا وشكرا لموضوعك الجميل

ربنا يخليك لينا يا باشا.. شكرا لحضرتك إنك صححتلي الخطأ المهم ده يا فندم..

[عبووود]

رووووووووووووعه ... محهود رائع يا كبير ...
جزاك الله خير

[Angel of Death]

المشاركة الأصلية كتبت بواسطة عبووود

رووووووووووووعه ... محهود رائع يا كبير ...
جزاك الله خير

ربنا يخليك يا باشا.. و الحمد لله إنه عجب حضرتك..

[salas0010]

موضوع ممتاز متعوب عليه وتستاهل كل الشكر والتقدير يا استاذ محمد
بس ليا ملاحظات على ارض الواقع
حضرتك قولت
) Match Pellets أو Wadcutter: و هو رش مسطح الرأس و يستخدم في مسابقات الرماية حيث أنه عند الإختراق يترك دائرة كاملة الشكل بحيث تسهل المعاينة. لدى هذا النوع من الرش دقة عالية جدا في حدود 20-10 ياردة (18-8 متر) لكن أبعد من هذا تبدأ الرشة بفقدان دقتها لأن الهواء يبدأ بتغيير مسار الرشة لكبر سطحها.

معظم الصيادين بيستخدموا الرش الماتش ده وبيصطادوا به ويقفلوا أهداف من مسافات قد تصل الى 30 متر يبقى ازاى يبقى فقدان النوع ده من الرش للدقه نظرا لتغيير الهواء مسار الطلقه كما ذكرت حضرتك
اظن ان التغير ده فى المسار بيكون غير محسوس يعنى بالمصرى كده الطلقه لا تنحرف كثير عن هدفها هل اعتقادى صح ام خطأ ؟
ولك منى كامل التقدير والاحترام

[Angel of Death]

المشاركة الأصلية كتبت بواسطة salas0010

موضوع ممتاز متعوب عليه وتستاهل كل الشكر والتقدير يا استاذ محمد
بس ليا ملاحظات على ارض الواقع
حضرتك قولت
) Match Pellets أو Wadcutter: و هو رش مسطح الرأس و يستخدم في مسابقات الرماية حيث أنه عند الإختراق يترك دائرة كاملة الشكل بحيث تسهل المعاينة. لدى هذا النوع من الرش دقة عالية جدا في حدود 20-10 ياردة (18-8 متر) لكن أبعد من هذا تبدأ الرشة بفقدان دقتها لأن الهواء يبدأ بتغيير مسار الرشة لكبر سطحها.

معظم الصيادين بيستخدموا الرش الماتش ده وبيصطادوا به ويقفلوا أهداف من مسافات قد تصل الى 30 متر يبقى ازاى يبقى فقدان النوع ده من الرش للدقه نظرا لتغيير الهواء مسار الطلقه كما ذكرت حضرتك
اظن ان التغير ده فى المسار بيكون غير محسوس يعنى بالمصرى كده الطلقه لا تنحرف كثير عن هدفها هل اعتقادى صح ام خطأ ؟
ولك منى كامل التقدير والاحترام

لا لا, حضرتك صحأنا كان قصدي لحد 30 ياردة للأسف كان خكأ كتابة و أنا في قمممة الأسف, و شكرا لتصحيح الخطأ يا فندم.. لكن يفضل في الصيد إستخدام الهولوبوينت Hollowpoint أو المقبب Domed لدقتهم على المسافات الطويلة, يعني من 45-50 ياردة و أنت طالع.. مرة ثانية, شكرا جدا جدا جدا للتصحيح يا باشا, و أشكرك على إهتمام حضرتك.. و سيتم التصحيح..

[elsayed elghitany]

موضوع جميل جدا من انسان متفاني جدا جدا

[salas0010]

المشاركة الأصلية كتبت بواسطة angel of death

و أشكرك على إهتمام حضرتك.. و سيتم التصحيح..

استاذى لقد اخجلتنى بذوقك وادبك الجم جعله الله فى ميزان حسناتك وانا اللى فى غايه الاسف لتقصيرى فى شكر حضرتك وليه الأسف (كلنا اخوات) . وصدقنى جشع التجار له تأثير كبير فى كل شئ يخص رياضه الصيد يعنى لو الصيادين ركزوا او كثر طلبهم على نوع معين من الرش تكون النتيجه ان نوع الرش ده ثمنه يرتفع ضعفين او ثلاثه اضعاف انا فاكر ان علبه الرش كانت ب 20 جنيه وكانوا بيقولوا غاليه كمان... المهم اخى تابع مواضيعك المميزه ولا تحرمنا منها

[Angel of Death]

المشاركة الأصلية كتبت بواسطة salas0010

استاذى لقد اخجلتنى بذوقك وادبك الجم جعله الله فى ميزان حسناتك وانا اللى فى غايه الاسف لتقصيرى فى شكر حضرتك وليه الأسف (كلنا اخوات) . وصدقنى جشع التجار له تأثير كبير فى كل شئ يخص رياضه الصيد يعنى لو الصيادين ركزوا او كثر طلبهم على نوع معين من الرش تكون النتيجه ان نوع الرش ده ثمنه يرتفع ضعفين او ثلاثه اضعاف انا فاكر ان علبه الرش كانت ب 20 جنيه وكانوا بيقولوا غاليه كمان... المهم اخى تابع مواضيعك المميزه ولا تحرمنا منها

يا فندم حضرتك مقصرتش في الأسف ولا حاجة, هو أصلا حضرتك هتتأسف ليه, أنا المفروض أتأسف للخطأ الفادح ده.. و أشكرك للتصحيح مرة ثاني و زي ما حضرتك قلت, "كلنا إخوات" و الله يا فندم التجار ملهومش ذنب, لأن هما بيشترو الرش بنفس السعر ده من المستوردين, يعني هما مالهمش دعوة, بل بالعكس التجلر اللي في المنتدى هنا بيعمله عروض بيكسرو فيها الغلاء إلى حد ما... أيم زمان كانت أيم العز يا فندم, أنا والدي بيحكيلي إن الرمسيس على أيامه كانت كثيرها ب30 جنيه :o
تخيل 30 جنيه؟؟؟... أخيرا أحب أقول لحضرتك طالما الموضوع عجبك يا فندم, أنا كنت عامل كمان موضوعين أفيد من ده كمان (موجودين في التوقيع يا فندم)
http://www.egypthunt.net/showthread.php?t=30113

http://www.egypthunt.net/showthread.php?t=30140
دول برده مهمين جدا و كلهم دسم (دسم معلومات طبعا هههههههههههههههه )
شكرا للتصحيحك يا فندم و جزاك الله خيرا و ربنا يباركلك يا فندم..

[darkshaft]

موضوع اكثر من ممتاز و يستحق احلى تقيم.

[احمدفتحىمحمد]

البندقة الكرال اية رايك فيها ونوع الرش المناسب ليها اسمة اية وشكرا اخى الفاضل

[Prince_of_myslef]

جزاك الله خير يا برنس

[Angel of Death]

المشاركة الأصلية كتبت بواسطة darkshaft

موضوع اكثر من ممتاز و يستحق احلى تقيم.

ربنا يخليك يا فندم.. أي حاجة عشان أفيد السادة الأعضاء..

[Angel of Death]

المشاركة الأصلية كتبت بواسطة احمدفتحىمحمد

البندقة الكرال اية رايك فيها ونوع الرش المناسب ليها اسمة اية وشكرا اخى الفاضل

أهلا بيك يا فندم في منتدى الصيد في مصر و شكرا لقراءة الموضوع و أتمنى يمون عجب سيادتك
أولا:
الكرال يا فندم بدأت تتصنع في 2007 و نزلت مصر 2010. يعني بقالها في مصر حوالي سنتين. الكرال يا فندم بقت من أشهر البنادق في مصر إن لم تكن أشهرهم. أيضا الكرال عليها طلب عالييي جدااااا و تداولها رهيب في مصر.. السبب إن مواصفات الكرال جيدة حتى مقارنتا مع الكبار زي الديانات و ال bsa الجامو. الكرال هي نسخة عن الجامو شادو 1000 و هي من أكثر البنادق مبيعة عالميا و شركة كرال إختارت البندقية الصح للتقليدها. لما أقول تقليد مش أصلي شغل صيني, لا يا باشا أنا بس قصدي خده الشكل بتاع الجامو... سرعة الكرال هي 305 م/ث و 240م/ث حسب العيار, و على فكرة السرعات ديه هي بداية الهاي باور.. أما السعر رائع حوالي 1200-1300 جنيه مصري.. لكن لما تشتري الكرال لازم هتعمل عليها شوية تعديلات عاجلا اما أجلا. التعديلات بسيطة, لكن أثرها كبيييييير. التعديلات هي تغيير جلبة و سوستة و قاعدة و بتكلف حوالي 300 جنيه.. لكن بعدها هتبقى مدفع.. ممكن برده بدل ما تجيب سوستة عادية تجيب تايتن و هي شركة عالمية رائدة في سوست البنادق و السوستة ديه هتكثر من قوتها بمراحل و هي سوستة رائعة على فكر بحوالي 250 جنيه.. الكرال هي رائعة بالنسبة للسوق المصري نظرا لتخلف الأسعار.. لكنها أيضا جيدة جدا جدا جدا جدا جدا بالنسبة لأي حاجة سواء سعرها أو خصمها و أنا عن نفسي إن شاء الله هجيب واحدة كمان أسبوع إن شاء الله..


ثانيا و الله يا أستاذ فتحي, كل بندقية ليها رش مفضل ليها حتى لو نفس الموديل. يعني ممكن لو عندي كرال تكون بتحب الجامو ماستر بوينت, لكن الكرال بتاعت حضرتك تكون بتعشق الجامو هنتر؟؟ السبب في ده لأن كل جزء في سلاح في يختلف عن مثيلة في قطعة أخرى.. أيوة الفرق صغييييير جدااااااااااا لكن موجود و ده السبب إن كل بندقية ممكن تفضل نوع رش معين.. الحل إن حضرتك تجرب بنفسك.. و لو عاوز تسهلها على حضرتك شوية ممكن تسأل ملك الكرال أستاذ عادل عبده و هو ممكن يسهلها شوية عليك يا فندم..

[loverlover]

مشكور اخي الكريم على المجهود الرائع
لك مني خالص الاحترام والتقدير
تقبل مروري

[Angel of Death]

المشاركة الأصلية كتبت بواسطة prince_of_myslef

جزاك الله خير يا برنس

ربنا يخليك يا فندم.. قليلا منما عندكم يا فندم و الله..

[Angel of Death]

المشاركة الأصلية كتبت بواسطة loverlover

مشكور اخي الكريم على المجهود الرائع
لك مني خالص الاحترام والتقدير
تقبل مروري

عفوا يا أستاذ.. أهم حاجة إنه عجب حضرتك

[Mega]

موضوع جميل جدا خاصه للناس الخبره اللي زي حالاتي...................ما انت فاهم بقه
هههههههههههههههههههههههه

[MBadr]

موضوع رائع وجهد مشكور علية يستحق التقييم وارجو من الادارة تثبيت الموضوع لتعم الفائده

[Ahmed Boshnak]

موضوع تحفة بجد الله ينور ياباشا ونرجو التثبيت وجزاك الله خيرا

[Angel of Death]

المشاركة الأصلية كتبت بواسطة mega

موضوع جميل جدا خاصه للناس الخبره اللي زي حالاتي...................ما انت فاهم بقه
هههههههههههههههههههههههه

الله يخليك يا باشا.. أكيد طبعا الخبرة اللي زيك بيحتاجه الحاجات ديه تسلية بس.. هههههههههههههههههههههه

أي حاجة عشان أساعد الناس اللي لسة بتبدأ يا باشا...

[Angel of Death]

المشاركة الأصلية كتبت بواسطة mbadr

موضوع رائع وجهد مشكور علية يستحق التقييم وارجو من الادارة تثبيت الموضوع لتعم الفائده

و الله ده حضرتك اللي رائع يا أستاذ بدر..

[Angel of Death]

المشاركة الأصلية كتبت بواسطة ahmed boshnak

موضوع تحفة بجد الله ينور ياباشا ونرجو التثبيت وجزاك الله خيرا

بنورك يا أستاذ.. و يا رب الموضوع يتثبت عشان الفائدة تعم..

[aymank2]

موضوع ممتاز تسلم ايدك.

[Adel hunter]

موضوع جميل ومفيد
الف شكر