استغلال التجار

[محمد مصطفى عبدالرءوف]

لسلام عليكم أعضاء المنتدى الأفاضل

حبيت أعرض عليكم تجربتي في شراء مسدس صوت لأكشف بها التجار المستغلين الذين قابلتهم في البداية ذهبت إلى المنتدى الدولى للصيد والغطس اللي عند تقاطع شارع شريف مع صبري أبو علم بجوار وزارة الأوقاف، أخويا كان اشترى من عنده مسدس صوت بروني 85 يوم 29 يناير بـ1500 جنيه ومعاه علبة طلق تركي بـ 250 جنيه .. ولأنه مكانش عارف الأسعار فاعتقد ان دا سعر المسدس العادي.. المهم لما رحت لقيت البروني 85 وصل 1800 ، والبروني p4 وصل 2000 والطلق وصل 400 جنيه وبعدين نزله تدريجيا على مدار كذا يوم لغاية لما وصله 250 تاني.. والايكول جاكول دول السريع سعره كان 3000 وبعدها بيوم واحد كان 3200 جنيه .. أه والله 3200 جنيه، دا بالاضافة إلى المعاملة السيئة من أصحاب المحل وهم 3 أخوات على ما اعتقد.. فلما سألته ليه 3200 دا انا اعلى سعر سمعته للمسدس دا كان 2000 وفي ناس لسه بتبيعه 1200 و 1500 .. شد المسدس من ايدي وقال روح اشترى من عندهم دي الأسعار اللي عنده لو مش عاجبك مع السلامة
وعملت جولة على المحلات علشان اشترى فزادت حيرتي.. منسي عنده الكيمار الايطالي وهو نوع محترم بس سعره بين 2500 - 3000، والبروني P4 عامل 2000 ومش عنده، والايكول السريع عامل 2500 .. زائد أنواع تركي وايطالي تانية اسعارها من 1500 وانت طالع ..
فتح الله اللي في عبد الخالق ثروت .. المعاملة جافة تماما وبيدخل الناس بالدور اتنين اتنين.. وساعات مش بيرضى يدخل حد وبيبيع من على الباب ويديك المسدس في كيس بلاستيك من غير علبة ولا أي حاجة معاه.. وحجته في دا انه اتسرق في الأحداث.. ومش بيشتغل في الايطالي اساسا.
محلات بوندي أبو ضيف .. عنده أنواع تركي مش منها الايكول السريع .. والبروني p4 كان عامل عنده 1500
ميشيل عازر اللي في العتبة .. رغم ان المحل صغير وزحمة إلا أنه كان أرخص الأسعار في الأول.. مبدئيا هو مش بيشتغل في التركي بس البروني عنده انا جبته يوم الخميس اللي فات ب1200 بعد الفصال لأنه كان عاوزه بـ 1300 والطلق الألماني بـ200 جنيه العلبة .. لكن النهاردة الاثنين 7 مارس رحت مع واحد صاحبي علشان يجيب البروني p4 من عنده وصل 1750 ومش بينزل فيه جنيه .. والبروني الجاب عنده بـ 1500
المهم أدركت أن أخويا اتضحك عليه، لما دخلت على المنتدى دا ، وبفضل الله والاستاذ بدر أكرمه الله عرفت الفرق بين الأنواع وأسعارها الحقيقية ، واتصلت بالاستاذ هشام سمير لأشتري منه البروني والايكول السريع بسبب بسبب بعد المسافة وعدم توفيق المواعيد لم يكتب لي لقاء هذا الشخص المحترم جدا .. وإن كنت مصر على لقائه لأشكره، انا جبت بروني p4 ب1200 من عازر زي ما قلت.. وجبت الايكول السريع ب 1400 بعد فصال من فتح الله والكلام دا الأسبوع اللي فات ..
النهاردة نزلت مع صاحبي فتح الله مش عنده ايكول سريع خلاص .. وعازر والمركز الدولي للغطس زودوا الأسعار بشكل جنوني
أرجو من كل من تعرض لاستغلال من التجار الجشعين كشف أسماءهم حتى يستفيد أعضاء المنتدى من التجربة ومحدش يشتري منهم ..

[بدر]

الاخ الفاضل
انا حاسس انى فى كوكب تانى من الاسعار اللى حضرتك بتتكلم عنها ومعلش محدش بيتعلم ببلاش
وانا عن نفسى فى كل امور الحياه عندى نظرية انك ماتشتريش حاجة من اول محل حتى لو عجباك على الاقل تعرف الدنيا والاسعار لان دة حصل معايا اول مرة اشترى مسدس صوت ومكنش عندى خبرة وطبعا لما دخلت عند فتح الله جامعة الدول حس انى زبون وكان عايز يدينى الايكول السريع ب1800 جنية ودة قبل الاحداث بكتير
قدر الله وما شاء فعل . تحياتى

[juDge911]

ياجماعه احنا ليه بنكرر المواضيع كده نشر الموضوع فى قسم واحد يكفى وكل الناس بتشوفه ليه نكرر المواضيع بالشكل ده