جاهل يطلب المساعدة

[حسام]

أهلا بيك يا أستاذ عمرو و ربنا يحمينا و يحفظنا ونصيحتى لسعادتك انك تدور على حاجة تانية تحمى بها نفسك غير المسدس الصوت التقليدى فهو ساعة الجد مش حينفع لكن الأهم من السلاح هو سرعة البديهة وسرعة التحرك فى المواقف دى وعلى فكرة انت لو لابس خاتم فى ايدك ممكن تدافع بيه عن نفسك بضربة واحدة فى وجه المهاجم تعطله عنك تماما بس هى مش فكرة خاتم الفكرة هى استخدام الوسائل المتاحة ايا كانت فى التوقيت المناسب فممكن يكون معاك مسدس حقيقى ومتعرفش تطلعه لأن المهاجم سبقك بالتهديد وممكن يكون معاك مفتاح فى ايدك وتضربه فى عينه وتبعد عنه بأقصى سرعة فالمشكلة الحقيقة هى عدم استخدام المتاح فى حين اننا نتطلع للمزيد مما هو فوق قدراتنا المادية وأهم حاجة متاحة هى عقلك وعليك السلام