تدمير الحمام بال Diana 52

[sokar_jax]

معشى فيل كلمة النتا مصطادة دة كلو حرام لان الحمام دة بتاع ناس وباين اوى انو بلدى وجمعيات ياعنى مش حمام برى راجع نفسك اصطاد اى حاجة الا حمام الناس

[طلعت بخيت بسكالس]

المشاركة الأصلية كتبت بواسطة sokar_jax

معشى فيل كلمة النتا مصطادة دة كلو حرام لان الحمام دة بتاع ناس وباين اوى انو بلدى وجمعيات ياعنى مش حمام برى راجع نفسك اصطاد اى حاجة الا حمام الناس

والله برافو عليك ياأخ سكر وبالرغم من أني مافهمتش أول 7 كلمات في المشاركة بتاعتك لكن عجبتني جدا؟؟؟؟؟؟؟؟؟؟؟؟؟؟؟
حد بقي والنبي يرد علي الراجل ده .................................................. .................................................. .............................................
أنت فين ياعم كاريزما ياللى متعلم الصيد أمبارح وبتصتاد حمام الناس ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[Gamo]

المشاركة الأصلية كتبت بواسطة طلعت بخيت بسكالس

والله برافو عليك ياأخ سكر وبالرغم من أني مافهمتش أول 7 كلمات في المشاركة بتاعتك لكن عجبتني جدا؟؟؟؟؟؟؟؟؟؟؟؟؟؟؟
حد بقي والنبي يرد علي الراجل ده .................................................. .................................................. .............................................
أنت فين ياعم كاريزما ياللى متعلم الصيد أمبارح وبتصتاد حمام الناس ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ههههههههههههههه

خلى عنكو يا رجالة انا لها


بص يا سكر بيه

اولا / كاريزما ده انسان محترم وما يطلعش منه العيبة وانا اعرفه من مواضيعه ومشاركاته

ثانيا / بخصوص الحمام ده مفهوش حمام لا بلدى ولا جمعيات ده كله حمام برى ولو افترضنا
انه فيه فرد والا تانين بلدى

ده بيبقى حمام طفشان وما بيرجعش لمكانه تانى اوى بتبقى خلفة مخلطة بلدى على برى

ثالثا / الحمام الجمعيات عمره ما يسيب مكانه ويطفش لانه ذكى جدا وعليه مخ ما اقولكش

رابعا / فية طريقة احسن من كده ممكن تشارك بيها وتنتقد زى ماانت عايز

أأمل ان تفيد وتستفيد يا مستر سكر

[charesma]

معلش بقى يا استاز طلعت
اصل انا لسه بتعلم مبادى الصيد جديد فاسمحونى هههههههههههههههههههههههههههههههههه
بالنسبه للحمام ده يا اخ سكر ده كله حمام جبلى لسبب واحد وهو ان مافيش حمام بتاع ناس بينزل ياكل من مصنع للقمح فى الشارع
لأن ده معناه ان اصحابه مش بيحطوله اكل لأان لو اصحابه بيحطوله اكل ماكانش نزل ولمعلوماتك كمان ان حمام الغيه او حمام الناس زى مابتقول كدا مابيسيبش المكان بتاع الغيه بتاعه ويروح فى اى حته كدا ده بيبقى قريب جدا من مكان الداير بتاعه
واقولك على حاجه كمان لو فعلن ده حمام ناس والناس مش بتحطله اكل ولأ ميه وسايبينه كدا ومش مهتمين بيه يبقى بجد حلال صيده وكمان على فكره برده انت بتتكلم فى نقطه الألوان بتاعت الحمام او انواعه انت عمرك ماسمعت مثلأ ان الحمام ده بيتزاوج من بعضه الجبلى والغيه
لأن فى حمام كتيررررررررر جدا فى المصنع مقيم فيه وبيبات فيه وكمان حمام غيه زى مانت بتقول ومش بتاع ناس عارف ليه؟؟؟
لأنه هربان من اصحابه لأنهم مش بيحطوله اكل وبيجى المصنع يعيش هناك ويتزاوج مع الحمام الجبلى فهمت ولأ لسه اللمعلومه ماوصلتش

[noricawy isa]

انا مع الاخ سكر وطلعت في الرأي بصراحه مش معنا اني معايا بندقيه وفرحان بيها اني اتشطر علي حمام الناس وباين قوي قوي انو حمام بتاع ناس عيب يااخ كاريزما وقبل ميكون عيب فاهوا حرااااااااااام لان ده ملك ناس مش ملك سعادتك ولا جنينتك هيا - معندك ياخي مليون مكان تروح تصطاد فيه - عيب يااخ كاريزما قوي اللي انتا عملتو عشان مش جدعنه اوي ولا شطاره وكمان فرحان وحاطط الصور - لااله الا الله _

[charesma]

اولأ انت كدا شكلك لم تقراء الموضوع من اوله ومش فاهم حاجه نهائ
لأن انت بتقول ان انت مع استاز طلعت واستاز سكر
اولأ استاز طلعت زعلان من الى قاله الأخ سكر فى حقى
تانيا الأخ سكر لما عمل بحث على النت اتضح ان الحمام ده جبلى
وكمان من غير البحث ده انا مش محتاج انى اعرف الفرق بين الجبلى وبتاع الناس
ولو انت حبيت ترد على الموضوع تبقى اقراء الموضوع الأول وافهم ايه الى مكتوب مش ترد كدا وخلأص
وكمان لما تحب ترد ياريت ترد بشكل احسن من كدا او ماتردش خالص .

[noricawy isa]

ياكاريزما قبل ماالاستاز طلعت يكلم وينتقد الاخ سكر شوف هوا قال ايه ( فينك ياعم كاريزما ياللي متعلم الصيد من يومين وبتصيد في حمام الناس) وبعدين الحمد لله انا بعرف اقرا واكتب ونا خريج لغات اصلا مش محتاج انو حد يقولي اني افهم الموضوع ومتكلمش وخلاص - انا عارف وشايف ايه اللي بيتقال واللي اتقال - والحمد لله انا مش محتاج حد يعدل علي اسلوبي لاني عارف بعمل ايه.

[hassan_11176]

السلام عليكم بلاش تصطاد الحمام ده لانه بلدى وانت كده بتشيل وزر كفايه اليمام يا زعيم