عندى مشكلة فى الامن العام وطالب مساعده

[ehab98]

يا نهار ابيض .. الواحد مش عارف البلد دي هتتغير امتي

قوانين عقيمة و تراثية لا تتماشي مع تطور البشر

انا اصلا اتعلمت الادب و كنت شاري يا دوب حتة موبيل اندرويد من علي النت لا رااح ولا جية و كنت هسيبة و مش من كتر الزهق

كنت شاحنة عن طريق dhl قعد شهر يخلص اجرائات و ال dhl اخر ما زهقو بعتولي الورق بتاع الموبايل علي البيت و قالولي موبيلك في المركز القومة لتنظيم الاتصالات

روح خلص ورقة انت من هناك

و شهادة وفحص و اكتر من مشوار و صرف عليا حوالي 800 جنية شحن ومصاريف تخليص

و هو كان تمنة اصلا في بلادة 200 $

من ساعتها و انا قلت الي يشتري حاجة من علي النت و يحاول يدخلها البلد دي يبقي مجنون


احلي حاجة الي ضحكتني قوي و انا بخلص اجرائات الموبايل دة لقيت هناك راجل كبير في الجهاز القومي لتنظيم الاتصالات قاعد بيخلص ورق و الي فهمتة انة ورق طيارة بلاستك من الي بتطير بالريمود كان شريها لعبة لابنة من علي النت

و انا داخل عند مهندس الفحص لاقيت ورق الطيارة دي داخلة و انا موجود .. قالهم "اية دة دي طيارة بالريمود احنا مالنا بيها .. دي تروح للاسلكي"

انا قولت يا نهار اسود الراجل اتمرمط علشان حتة طيارة بالريمود

معلش طولت عليكم و يارب ييسر الحال و تقدر تفرج عن البندقية بتاعتك