رحلة قنص الــ( صقر )

[القبطان المصرى 77]

المشاركة الأصلية كتبت بواسطة هشام سمير

حبيبى قلبى هانى باشا
بالنسبه للصوره . فانا مبحبش اكتب كتير بس مش خساره فيك
المضحك انه بيطلق عليه الاسمين
دا صقر الشادوف . او حدأة الجناح الاسود
دا بينتمى لفصيلة الصقور ومش حدأه اسمه العلمى caeruleus elanus... بالمناسبه هو طائر جارح مفترس متخصص في صيد القوارض والفئران وللاسف يا جماعه بيصعب جداً ترويده وتربيته بالرغم من امكانيته الهائله واكيد كلنا كصيادين بنشوفه
هو يطارد فرائسه من الفئران فوق الاراضى الزراعيه عند قدره غريبه على الثبات فى الجو بالمناسبه يقال انه احد مخلوق نظراً فى الكره الارضيه
يعيش هذا الصقر بشكل حصري تقريبا على الفئران ، هو العدو اللدود يا عم هانى و المفترس المتخصص في الفئران في المناطق الريفية
يقتنص فأرين أو ثلاثة فئران يوميا و قد قدر بما لا يقل عن ألف فأر في السنة و قد يصطاد في اليوم الواحد ما يقارب ما لا يقل عن 14 فأر صغير!
و للأسف الشديد يتعرض للقنص والصيد من قبل الصيادين لسببين هو بريء منهم الأول علي انه حداة ذى بعض اخوانا فى المنتدى ما بيقولو و هذا خطا كبير فهو ليس بطائر الحداة المعروف الضار و ثانيا انه صقر و لكنه أيضا لا يصلح للتدريب زى ما قلت فى بداية كلامى او للتحنيط زى القبطان ما هو محتاجه و قد تجده يباع في سوق الطيور زى سوق الجمعه بسعر قليل للغاية بينما أقرانه بالآلاف!
خلاصة الكلام يا جماعه الصقر دا فى طريق للانقراض ادوية ابادة الفئران مش عايزين احنا كمان كصايدين نشارك فى ابادته لانه مفيد جداً ومن اشد المخلوقات عمل موازنه فى الطبيعه
انا هعمل له موضوع كامل عنه اهداء للقبطان
دى صوه له

ياسلااااااااااااااااااااااااااام
الكبر كبير برده ياجدعان
تسلم الايادى والله يا استاذى العزيز
وعموما بعد كلامك ده عن ان الطائر ده ممكن ينقرض قريب
ان شاء الله دى اول واخر مره اصطاده
وفى انتظار موضوعك الجميل ياكبيرنا بفروغ الصبر