وداعاً للسوست ووجع الدماغ

[scaner]

فكرة عبقرية وكنت انا والله بفكر فيها واخذت رأى الاستاذ جلال كمان وانا باجيب سوستة السلافيا (رمسيس نمرة واحد ) وكنت ناوى اجرب الموضوع ده بتعديل بستم مساعد شنطة السيارة والذى يعمل بنفس الفكرة ,,,,
بس كده خلاص انا كمان فى الطابور وحاجز اثنين بس المهم الانتاج يبدا
وبالتوفيق ان شاء الله

تحياتى واحترامى للجميع

مجدى فهمى

[هشام سمير]

المشاركة الأصلية كتبت بواسطة scaner

فكرة عبقرية وكنت انا والله بفكر فيها واخذت رأى الاستاذ جلال كمان وانا باجيب سوستة السلافيا (رمسيس نمرة واحد ) وكنت ناوى اجرب الموضوع ده بتعديل بستم مساعد شنطة السيارة والذى يعمل بنفس الفكرة ,,,,
بس كده خلاص انا كمان فى الطابور وحاجز اثنين بس المهم الانتاج يبدا
وبالتوفيق ان شاء الله

تحياتى واحترامى للجميع

مجدى فهمى

بسم الله ما شاء الله حضرتك وصلت بالظبط للفكره فعلاً تقنية العمل مشبه جداً بالبستم المساعد للشنطه
واحنا تحت أمر معاليك

[sghr220]

السلام عليكم و رحمة الله و بركاتة
صديقي و أخى الأستاذ هشام أنا لا أستحق فعلا كل هذا الكلام و انما السعادة الحقيقية في زيارة أمس كانت في التعرف عليك و على والدك (الحق يتقال ناس فى منتهى الكرم و الذوق) و أحب أبشرك بأن المقاسات و الرسومات المبدئيه انتهت و جاري البحث عن المواد المناسبة للتصنيع.

أما لأستاذنا جلال بك خليفة فهو أخ أكبر لي و لكل أعضاء المنتدى و الراجل فعلا لا يتأخر عن أي مساعده أو استفسار و بصراحة انا كنت عملهالك مفاجأة و اتمنى ان الجاز رام يتشرف في بندقية ولا اتنين من ترسانة سعادتك.

لأعضاء المنتدى المحترمين دة تلخيص لمزايا الجاز رام عن السوستة بتركيز شديد:

1. صالح للاسخدام 45000 رشه تقريبا بدون ضعف فى القوة او الحاجة لصيانة أو تشحيم.
2. يمكن التحكم في قوة البندقية بتغيير حجم الغاز (في حدود تحمل باقي الأجزاء طبعا).
3. الفرق في السرعة بين كل رشه و أخرى 2-3 قدم في الثانية و بالتالي ثبات ممتاز في منحنى المقذوف و تحسين دقة النشان (فى السوستة 5-10 قدم).
4. انخفاض ملحوظ جدا في رد فعل البندقية لعدم وجود احتكاك بين السوستة و أي اجزاء معدنية أخرى.
5. الاستغناء عن عدد لا بأس به من الأجزاء الداخلية لتبسيط التشغيل و تقليل الأعطال.
6. انخفاض كبير في صوت البندقية لغياب صوت صدمة السوستة مع باقي الأجزاء.
7. يمكن الأحتفاظ بالبندقية في وضع التعمير لفترة كبيرة بدون المخاطرة باضعاف السوستة.

أما بالنسبه للطابور فلا داعي له لأن عملية الفك و التركيب لا يتعدى زمنها في معظم البنادق ساعة واحدة فقط و بعدين كلكم حبايبي و انشاء الله يتعملوا كلهم مره واحده. و دعواتكم معانا لنجاح الفكرة و الانتهاء منها بدون اصابات .
و دى صورة توضيحية مبسطه لفكرة عمل الجاز رام.