اول واحد اعملة صورة هوة طبعا الجنرال

[Consul]

المشاركة الأصلية كتبت بواسطة درويش51

هاتها وانا هخليك احلى من توم كروز ههههه بجد هظبطها بس ابعتها على الايميل حتى

الله يكرمك يا أبو الكرم...والله ما قصرت أخي العزيز الأستاذ درويش 51...ده العشم برضو...كلك ذوق والله...كلامك ده صغرني عشرين سنة...بس كمل جميلك بقي بالمرة وشوف لينا علاج للسكر والضغط والقلب وآلام الظهر ( الديسك بعيد عنك ) ووجع الأسنان...ورعشة ايدي (بيقولوا زهايمر )...وضعف النظر...وقلة السمع...مش هأوصيك والنبي...روح يا شيخ ربنا يبارك لك...أنا معتمد علي الله أولا ثم عليك تشوفلي علاج للحاجات دي وأهه كله علي الكومبيوتر...أنا سامع إن برنامج الفوتو شوب بيعمل معجزات...وبالنسبة لشعري الأبيض أنا مش عايزك تفكر أو تعول هم خالص...أنا هأصبغه...لازم الواحد برضو يكون حساس وعنده نظر حتي لا نثقل عليك...المثل بيقول...لو كان حبيبك عسل ما تلحسهوش كله...ما تنساش بس تدعي لي ربنا يقويني ويثبت يدي وأقدر أصبغه كله مرة واحدة...أحسن ها تبقي فضيحة لو قدرتش أكمل...خالص تحياتي واحترامي للجميع...