إلى حزب الكنبة

[ahmed6394]

المشاركة الأصلية كتبت بواسطة bodygard 34

والله انا شايف ان كل اللى طالبين الاعتصام واللى عاوزينها دايما والعه لسه بيتصرف عليهم من اهاليهم.. لكن لو بيشتغلوا ويعرفوا قيمة القرش بييجى ازاى ماكانوش تبنوا الاتجاهات دى.. واوعى حد يقولى هو فين الشغل ده واحنا نشتغل.. لأن طول ماهى والعه كده بفضلكوا طبعا طابور العاطلين فى ازدياد ونمو واسألوا العاملين فى السياحه اللى شركاتهم خفضت عمالتها للنص عشان مافيش سياح جايين ومش عارفه تدفع رواتب.. واسألوا جهاز العاشر من رمضان وجهاز 6 اكتوبر كام مصنع قفل فى المدينتين دول من بعد الثوره.. واسألوا اصحاب المحلات فى مصر كلها الحال ايه..وانا منهم.... خليكوا مولعينها كده لحد ماتخرب خالص وندبح فى بعض على رغيف العيش ولحد ماأهاليكم تقولكوا مش عارفين نصرف عليكوا..وحسبي الله ونعم الوكيل

بجد حسبى الله و نعم الوكيل فيك لأنك ساكت عن الحق لمصلحتك و ده اكبر شئ مودينا فى داهية لأن امثالك عايزين ياكلوا و يشربوا و بس و الباقى يتحرق و لما إحنا فعلاً اهلينا بيصرفوا علينا يبقى ننزل ليه و نتعب ليه و يطلع عين أهلينا ليه و نضرب و نتسحل و نتحاكم عسكرياً و فىالأخر امثالك الجهلاء يتهمونا بالخيانة و العمالة و السفاهة يبقى بجد ملعون ابو الجهل الى يعمل فى الناس كدا حضرتك انا لما بكون فى التحرير بقابل الفقير الى مش لاقى ياكل و بقابل ناس مرتبها لا يقل عن 15000 ج شهرياً و الاتنين عايزين حق البلد و حق الفقراء و ليس مثلك أهم شئ عندك مصلحتك