للمخطوبين فقط….!! العزاب مايدخلوش

[Karim Eid]

المشاركة الأصلية كتبت بواسطة consul

بارك الله فيك أخي الحبيب...أنا مش خاطب ولم يسبق لي أن خطبت...بس ممكن بعد إذنك أشارك بمداخلة صغيرة...أشكرك حبيب قلبي إنك سمحت لي كلك ذوق والله...وما تستغربشي آه أنا متزوج لكننى لم أخطب...تزوجت بسرعة وبدون خطبة...إتسرقت بعيد عنك وأنا لسة صغار وزي القطة المغمضة...أخدوني من الدار للنار...وبالتالي لم أرى أو أشعر أو أحس أو حتى أشم رائحة هذا الكلام الغريب العجيب الذي تقوله...بالنسبة لي كأنك مخلوق فضائي وجاي من كوكب تاني...لا أستطيع أن أفهم كلامك أو أستوعبه...ودعني أقتبس من كلامك وأرد عليك...((فإذا كنت لم تتزوج بعد, فهذا الكلام كله لك…إحنا لسة فيها وعلى البر...لعلك تلحق نفسك وتستوعب الدرس وتتعظ وتسمع الكلام وتبتعد وتنجو بنفسك وتهرب من العقربة…وإذا كنت قد تزوجت, فهذا الكلام كله كان لك فات أوانه وراحت عليك…تستاهل إللي جرالك لأنك مالحقتش نفسك و لم تستوعب الدرس أو تتعظ أو تسمع الكلام لتبتعد وتنجو وتهرب وسلمت نفسك للعقربة تتعشي بيك...ما تنساش تعصر على نفسك ليمونة وترش شوية ملح...وإشبع قرص يا جميل..))...وعلى رأي المثل الشعبي: إللي عايز الدح...ما يقولش......عال ما إنتوا كلكم شاطرين أهه وعارفين...إلحقوا نفسكم بقي وإنسوا الدحدوح...تقبلوا مروري...مع خالص تحياتي...

دحدوح ايه بس يا سيدة القنصل انا كان ليا كلمة بس لازم اقولها
طبعا حضرتك بتقول انك اتجوزت على طول
بس ده كان زمان ايام لما كانت الحريم بمعنى الكلمة حريم يعني لاموأخذة في الكلمة البنت متطلعش من البيت الا على بيت جوزها على طول فعلشان كدة كانت الناس بتتجوز وهي مطمنة
لكن دلوقتي انت لازم تخطب علشان تعرف البير وغطاه
البت دلوقت علشان تعجبها لازم مايكونش في جيبك مش اقل من الف جنيه في الخروجة الواحدة وهات عندك بقى دباديب في دباديب
فكل زمن مختلف عن الزمن الذي يليه او يسبقه وكل زمن له عادات وتقاليد
يعني زمان كان البت اللي تمشي ببنطلون ومسقطاه ولابسه جزمة بوت لحد ركبتها لو كانت من الستينات او التمانينات كان هيقولو عليها دي جاية من الفضاء
فدي وجهة نظر ليس الا
ولكني اعشق واحترم الزمن القديم وعلشان كدة انا مش هتجوز من البلد دي اقصد القاهرة
انا هروح اتجوز من البلاد الارياف احسن اهم يعتبر محترمين والبت كبيرها 10 جنيه وتبقى فرحانة
ههههههههههههه
وبعدين انا اتحداك لو لقيت بنت من بتوع النهاردة دول بتعرف تعمل حاجة من دي(غسيل وتربية عيال وتشيل البيت وتحافظ على الولاد وتبقى ست بيت بجدواهم حاجة انها تعمل اكل يرم العضم وتحس انك لو عاملالك فرخة اكنك كلت خروف ههههههه) لكن المواصفات دي متلاقيهاش الا في البنت الريفية وبالمناسبة للكل ابقى تعالى تف على تربتي لو لقيت بت من بتوع النهاردة بتعرف تعمل اكل
ده احنا الصيادين بنعمل اكل احسن منهم
هههههههههههههه
وعلى فكرة بقى علشان ابقى صريح انا لما انوي بأذن الله الجواز هتبقى الانسانة اللي هتشاركني بيتي وعيالي دي لازم يكون ليها مواصفات خاصة واهمها التدين والاحترام
الرجو ان لا يكون كلامي اتخذ منعطف خاطي وان تكون رسالتي وصلت بالمعنى المفهوم

وتقبلو مروري وتحياتي للجميع