مشكلة في ظبط النيشان

[eng.amg]

المشاركة الأصلية كتبت بواسطة karimemam

السلام عليكم و رحمة الله و بركاته

أنا عضو جديد معاكم هنا و لسه شاري بندقية كرال ماجنوم من يومين.
عندي مشكلة في النيشان, أنا ظبطت اليمين و الشمال كويس لكن الرشة دائما ما بتكون فوق الهدف مع إنني جبت النيشان الخلفي لتحت خالص و مع ذلك الرشة لسه فوق الهدف.

إيه الحل من فضلكم؟

الكرال كدا.. ودا في الرماية بوجه عام.. لذلك التدريب علي الرماية بيكون بسلاح معين ولما تغير السلاح بتتدرب تاني علي السلاح الجديد

يعني:::::

علي الأهداف القريبة لحد 20 متر حضرتك بتضرب تحت الهدف شوية يعني أسفل (الصفر التكتيكي) يعني سن نملة الدبانة علي فتحة النشينكان الخلفى أسفل الهدف مباشرتا.. وبتعرف من الرشة التانية أو التالتة مقدار الإنحراف فبتظبط إيدك

ولما بيكون الهدف علي 50 متر بتضرب علي (الصفر التكتيكي) يعني سن نملة الدبانة علي فتحة النشينكان الخلفى علي الهدف مباشرتا

وطبعا علي 100 متر مش لازم ترفع النشينكان الخلفي.. متهيألي كده عرفت إلي فيها.. حترفع سن نملة الدبانة شوية عن فتحة النشينكان الخلفي وتحطه علي الهدف

أما تحريك النشينكان الخلفى صعود وهبوط فقط في حالة الرماية المتكررة علي أهداف بعيدة مثلا والبعد شبه واحد

ومنصحش بكدا علشان مع الإستخدام حتعرف معامل الإنحراف في كل بعد بتضرب عليه

وطبعا (الصفر التكتيكي) لكل سلاح متغير حسب نوع السلاح ومداه وقوة إندفاع الطلقة... مش حتجيب بندقية هاي باور الصفر بتاعها عند 50 م زي بندقية رمسيس مثلا الصفر بتاعها 20 م
أو بتدقية كلاشينكوف الصفر بتاعها 500 متر

أتمنى تكون فهمتني وأفادت حضرتك