العرض الذى سيقلب الموازين

[hema777h]

المشاركة الأصلية كتبت بواسطة ahmadkader

إيه رأيكم و بعد تجارب فى الخباثة إنى توصلت لحل لكل مشاكلنا فى موضوع مسدسات للدفاع عن النفس و حل مثالى


1- مسدس صوته عالى
2- طلقاته رخيصة و بتتباع فى كل حتة
3- بيضرب ثمانية طلقات ورا بعض و لا سحب أجزاء و لا دياوله
4- رخيص جدا فوق الوصف
5- ليس عليه أى نوع من أنواع المساءلة القانونية لأنه بإختصار لعبة أطفال
6- قوته و بعد إختبارات عديدة مدمرة أكثر من مسدسات البلى ال 9 ميللى و مداه تقريبا 10 متر و دقته متناهية
7- متوافر يكثرة فى الأسواق

ده مسدس 6 ميللى صوت بتاع الواد إبنى ،، و هو مسدس مونديال إيطالى رخيص من أبو 150 جنيه ، بيضرب كبسون 6 ميللى و طلقات طويلة من عيار .22 ،، و أنا بتأمل فيه من يومين لقيت المسدس نافدة ماسورته و الساقية فى مواجهة الماسورة بالمللى ، كل اللى عملته إنى وسعت الماسورة شوية أمام الساقية و وسعت فتحات الساقية بدقة شديدة من قدام عشان تاخد بلية حديد نمرة 3 اللى قطرها 5 ميللى ، و روحت مالى المسدس بالطلق الصوت و قصاد كل طلقة من قدام بلية حديد ، و ضربت و أنا مستهتر بالمسدس على علبة كرتون ، و يالهول ماحصل ،، الطلقة دخلت من ناحية وخرجت من الناحية التانية و طارت حوالى 5 متر و علمت فى الحيطة علامة جامدة و إرتدت من حيطة للثانية و الحمد لله مالبستش فيا ،، الصراحة مصدقتش نفسى ،،، طيب نضرب على مخدة كدا ؟؟ الطلقة دخلت جوا المخدة من على بعد 4 متر و الدقة كويسة !!! الله هو فيه إيه يا جدعان ؟؟ ده صوت المسدس كمان على عن الأول !! أسيبكم بقى مع صور المسدس و التعديلات و صور الدمار الشامل اللى عملته فى الشقة

هتلاقوا فى الصور شكل المسدس و شكل علبته و شكل الطلقات ، و هتلاقوا كمان شكل الساقية و البلية غطصانة فيها من قدام ، و كمان هتشوفوا آثار التجارب ، الكرتونة من الأمام مكان ما دخلت الطلقتين ، و من الوراء مكان خروج الطلقتين و العلامة اللى سابتها الطلقة فى الحيطة و مكان دخول البلية داخل المخدة فى صورة أخرى

في انتظار اخر التعديلات اولابتكارات

[ahmadkader]

المشاركة الأصلية كتبت بواسطة hema777h

في انتظار اخر التعديلات اولابتكارات

إبراهيم باشا ،، أشكرك على المداخلة الكريمة ،، و زى ما قولتلك التقيل جاى ورا ،، فعلا فيه بقى مفاجأة مدوية الفترة اللى جاية بس متعلقة بتطوير و تصنيع بنادق ضغط الهواء من النوع pcp ، من الآخر هتخلى الناس تغير فكرتها عن بنادق الرش و تدخل لمرحلة جديدة من بنادق الصيد العالية جداااااااا