رد: رقم النصاب اللى قولت لحضراتكم عليه فى القسم العام
واحد فيهم قالى رايح اجيب الفلوس والتانى معايا بيشوف البضاعه عادى وفجأة وقف تاكسى شاهين اسود قديم رقمه س هـ ر 458 فاكره لغاية دلوقتى عند دوران شبرا امام كشك الجرايد ونزل منه واحد ومعاه واحد تانى قاعد جوه غير السواق وراحو جريوا على الواد اللى واقف معايا وماسك كيس البضاعه 6 مسدسات 2 جاكال و2 اسبيشيال و2 بى 29 وكلهم جداد ومفتوحين وعمل انه بيقبض عليه وزعيق كده راح اخينا اللى ماسك البضاعه مش يجرى منهم لا على غفلة والدنيا كلها غريبة بالنسبالى راح جرى ناحية الراجل اللى فى التاكسى وركب مسكت ايده عشان اركب معاهم وبسال فى ايه راحو زقونى جامد جدا وجريوا بالتاكسى ادى الموضوع اللى بقالوا حوالى شهر او شهر ونص منهم لله بجد البضاعه جملتها 6000 جنيه بتتباع ب 7000 جنيه بس اكيد هايجيلهم يوم ان شاء الله
وعلى فكره الاتنين الاساسيين فى الموضوع اتعاملوا معايا فى مسدس واشتروا عادى وكان واحد منهم دائم الاتصال بيا عشان يعرف الاسعار وايه اللى عندى وكده اصول النصب بقى منهم لله واحد اسمه محمد عثمان والتانى اسمه محمد بس معرفش محمد ايه وبيقولوا انهم من شبرا من عند محطه روض الفرج بس لما سألت عليهم فى القهوة اللى عند المكان طلع محدش يعرفهم وسواق التاكسى مش هايفيد لان انا اصلا مش معايا اى اثبات على اى شئ لا فواتير ولا شئ حتى الشهود ماعتقدش انهم هايفيدوا فى شئ وده كان كلام الضابط محمد جعفر من قسم الساحل لانه قالى كمان هانعرضك على النيابه بتهمة المتاجرة فى اسلحة ناريه بدون تصريح
__________________
لا ايمان لمن لا امانة له ولا دين لمن لا عهد له
|
11-06-21, 07:44 PM
المواضيع المتشابهه
العرض الشجري