شواء طلعة اكتوبر 3-6-2011

[msa_79]

ازيكو يارجاله معلش اسف للتأخير
ايه ياعم عمر ده انت (غفلئت) الموضوع صور هههههههه لمن لا يعلم غفلئة في اللغه العمرواية هي عمل اي شيء جامد هو فوق العادي هههههه
ده بقا ياجماعه ما يسمي بنظام اليوم الكامل اللي احنا طبقناه في الصيد
يعني تصحي الفجر تصطاد وتغفلأ اليمام والحمام وبعدين نتقابل تاني بالليل ونلعب كورة الحد ما احنا نفسنا اتغفلئنه(كفايه غفلئه كده)
وبعد الكورة تبقي مش قادر تقف علي رجلك من التعب بس برده لازم نكمل اليوم وننهيه بالشويه الحد تاني يوم الفجر.
اليوم رائع بكل حاجه فيه من اول الصيد والناس المحترمه الصيادين فعلا اللي بيحبو الصيد بجد وكلهم روحهم حلوة ورجاله جدعان اوي الحد رحلة الشوي اللي فطسنا فيها من الضحك
يعني ايه كوكا زيرو:
يعني تروح تشوي فوق تل وانت مش معاك كبريت وعامل حسابك انك معاك واحد بيدخن يطلع بيبطل سجاير اليوم ده!!!
يعني تروح تشوي و وبنلم الحاجه عشان نطلع الجبل واهم حاجه ياجماعه خدتو الشاي والسكر طب تمام كده وبعد ما تطلع وتشوي تفتكر انك مش معاك ولا نقطة ميه(يعني ممكن تحمص الشاي وتشمه)هههه

وهكذا فضلنا فوق التبه نشوي وناكل ونضحك الحد ما الفجر قرب ياذن فروحنا واحنا تعبانبن بس اكيد مبسوطين بالجو الجميل والاكل الاجمل والصحبه الجميله