كيف تجعل بندقية الهواء جاهزة لإطلاق 24 طلقة

[msgm]

السلام عليكم ورحمة الله وبركاته ..

بعد السلام و التحية لأحلى صييادين وقناصة في البلاد العربية

موضوعنا النهاردة .. موضوع مهم و واضح من عنوانه ..

كلنا عارفين أن رشة البندقية دي حاجة صغيرة جدا جدا .. سمكها بيكون 5.5 ملي أو 4.5 ملي

و أنك تخلي طلقة جاهزة للضرب بعط ضرب الطلقة الي قبلها بيكون فيه صعوبة كتيير .. لأنك إما تحطها في جيبك . و الوصول ليه بياخد وقت .. يا إما بتحطها بين شفايفك و طبعا وضع مادة الرصاص أو القصدير بين الشفايف قد يسبب أمراص خطيرة و خبيثة .. بعد الشر عننا كلنا ...

لذلك أم الإختراع و أبوها .. هي الحاجة ....

صراحة أنا إستوحيت الفكرة من صورة كنت شفتها على النت صدفة و ما كنتش أتوقع أن فكرة خطيرة زي دي ممكن تخطر على بال حد ..

مش حأطول عليكم أكتر من كده و نبدأ في مشروعنا النهاردة ...


الأدوات .. واضحة من الصورة .
1-. كاوية لحام القصدير .. و السن المستخدم فيها .. أرفع سن . وبيكون سمكه دائما 5 مللي
2-غراء من النوع الأسباني ماركة الشعلة "والسبب حأقوله بعدين" ولونه أصفر
3- مقص
4- موس حلاقة أو كاتتر بس يكون حامي جدا
5- مسطرة و قلم رصاص وورقة
6- والأهم من دا كله قطعة من فرخ إسفنج تكون على الأقل 15 سم* 20 سم و السماكة على الأقل 1سم من النوع الكثيف. لأن في نوع خفيف و دا مش حينفع

و نبدأ بلصور و الشرح



الأدوات




نأتي بالبندقية ونحدد مكان وضع جراب الطلقات الموقتة ..و يستحسن جهة اليسار أعلى الزناد للبندقيات التي تكسر من الأمام مثل ديانا350 ماجنوم .
و من اليمين أعلى الزناد للبندقيات التي تكسر من اليمين مشل ديانا 54







نبدأ بالرسم على الورق ,, نموذج للتطبيق و طبعا بناخد مقاسات الجراب الإسفنج الي حنعمله من على البندقية من المكان الي حنحطه عليها

و بعدين نسيب الأبعاد الي موضحة بالرسم و دي أقل أبعاد ممكن تسيبها ..ممكن تزودها حسب الرغبة لكن بنسب متساوية عشان الشكل العام .. و نخططها كما هو موضح بالرسم .. و كل تقاطع خطين سيتم تعليمها على الورق , التثقيب في صورة لاحقة






و نقص الرسمة






ثم نتأكد أن الرسمة مطابقة لمكانها على البندقية






ثم نحضر الورقة و نضعها على الإسفنج و نحدد حواف الورقة على الإسفنج .. بقلم فلوماستر . لتقطيع الإسفنج حسب مقاس الورقة بالظبط






ثم نبدأ بالقص و يفضل القص بإستخدام مسطرة و موسى حلاقة لتحديد الشكل الخارجي بالدقة التامة جدا ..










بعد قص الإسفنج ..هذا هو الشكل




نتأكد أيضا من مكان الإسفنج على البندقية في المكان المطلوب و الأبعاد المحددة





ثم نضع الورقة التي قططناها و قصيناها على الإسفنجة







و نمسكها عليها بالكلبسات الورقية







ونضع علامات على الأماكن المراد تثقيبها كالآتي بالظبط







و نبدأ بتثقيب الورقة مع الإسفنج بكاوية اللحام حتى وصول سن الكاوية إلى القاع و إضطدامه بالأرضية ..
مع الحرص بأن يتم ذلك بسرعة و أن بقاء سن الكاوية داخل أي ثقب لا يزيد بأي حال عن ثانية واحد.
مع وضع أي مادة غير قابل للإحتراق أسفل الإسفنجة .. كمجموعة من الورق مثلا.حتى لاتشوه الأثاث المنزلي










شكل الإسفنجة بعد التثقيب على البندقسة في مكان اللصق





شكل الرش في مخزنه المؤقت بالإسفنجة على البندقية



طبعا بعد الكسر حتاخد رشة وتلقم البندقية تاني بسرعة . و كل ما يفضة المخزن ده عبيه تاني ب 24 طلقة


..........بعد ذلك تقوم بلصق الإسفنجة على مكانها في البندقية بواسطه الغراء .... لكن إنتبه .. بعض أنواع الغراء تؤذي دهان دبشك و خشب البندقية لذلك إحذر من أي نوع حار من أنواع الغراء .. و إستخدم النوع البارد الأسباني الأنبوب ب 3جنيهات ونصف .. و قبل لصق الإسفنج قم بتجربة الغراء على قطعة إسفنج خارجية مهملة و إتركها ربع ساعة ... إذا لم يحدث بها تآخر .. إذن فهذا الغراء آمن و يمكن إستخدامه .


و من الأفضل أنك تقوم بشراء اللاصق ذو الوجهين ,, زي الي بنلزق بيه أي حاجة على أي سطح أملس ..
وتحطه على البندقية في المكان المحدد . و تجيب الورقة الي عملناها مع بعض في الأول و تحطها على سطح ال douple face tabe و بعدين تحط الغراء على الورقة و تلزق عليه الإسفنجة .. وتتركها 24 ساعة عشان الغراء يجف تماما ..

و تضع كمية مناسبة من الغراء على الإسفنج و ليس على الورقة و تدهن بها السطح المراد لصقه..و لا تكثر من الكمية حتى لاتفقد الإسفنجة ليونتها بسبب تشعب الغراء داخلها و جفافه ....

المهم تترمها 5 دقائق ثم تضعها على الورقة وتضغطها ضغطا خفيفا ..

لاحظ عند زيادة الكمية تفقد الإسفنجة ليونتها و لا تعود للشكل الطبيعي عند ضغطها








الموضوع غير منقول و أنا الي منفذه في البيت .. عشان خاطر عيون www.egypthunt.net

والسلام ختام للأحبة و الصيادين من الدول العربية


أخوكم محمد سيد