طلعتين ورا بعض بالعند فى صيادين السمك

القبطان المصرى 77 · 13-10-29, 04:25 PM

السلام عليكم ورحمة الله
امبارح كنت طالع طلعة صيد عشان كنت فاضى الصبح
اخدت عدتى وروحت على ترعه جنب قريه فى الكيلو 65 وقعدت اصطاد بالبندقيه
ونظام الترعه هناك ان فيه مجموعة صيادين بالشبك والقوارب مقسمين الترعه على بعض
كل مجموعه مثلا واخده حوالى 5 كيلو متر من الترعه يصطادو فيها
وممنوع اى مجموعه تدخل على مجموعه تانيه
ده اللى فهمتو بعد ماخلصت صيد
وفهمت كمان انهم ملهمش انهم يمنعو صيادين السناره من الصيد
ليهم يمنعو صيادين الشبك والقوارب بس من دخول مناطقهم
المهم وانا فى نص الصيد لقيت واحد كان عامل عشه كده عالترعه وقاعد فيها جالى ومعاه اخوه وبيقولى
سلام عليكم
وعليكم السلام
انت بتعمل ايه
رديت عليه بنرفزه ..يعنى ايه باعمل ايه
عايز اعرف بتعمل ايه اصلى شايفك ماسك بندقيه وبتضرب فى الميه
باصطاد سمك فيها حاجه دى
ايوه فيها ان الترعه دى بتاعتنا
والله بجد؟؟
ودى حفرتوها امتى ان شاء الله
يابا ماتتريقش بس الله يهديك انا باقولك الوصله دى بتاعتنا
وباكلمك بالراحه
ياسيدى لابالراحه ولا بالجامد ايه المطلوب دلوقت يعنى
مينفعش تصطاد هنا
لا معلش انا اصطاد فى الحته اللى تعجبنى وطول عمرنا نعرف ان الترع والمصارف تبع الحكومه
اول مره اعرف ان فيه حد عنده ترعه تمليك
لا احنا عاملين رخصه لحسابنا ان محدش يصطاد هنا غيرنا
على العموم عامل رخصه ولا مش عامل انا كده كده يوم ماهتنطط يعنى هاصطاد اتنين تلاته كيلو
وطبعا لو يعرف ان ربنا بيكرم بالسته كيلو مكانش سابنى اكمل صيد
وبعد كده سالنى انت منين والحكايه والروايه واتعرفنا على بعض
وقال لاخوه اللى معاه خلاص يامحمد لو الراجل ده جه يصطاد تانى متكلموش
قلتلو ليه وهو يقدر يتكلم معايا اصلا
ضحك وقالى طيب بالراحه بس علينا متبقاش ناشف كده
لا ياباشا مفيش حمقى ولا حاجه كل سنه وانت طيب
انت باين عليك دماغك ناشفه على فكره
ابقى تعالى ياعم كل يوم واصطاد براحتك
قلتلو طيب مانا هاجى فعلا كل يوم انت فاكرنى هاخاف ولا ايه
ههههههههههههههههههه
وفعلا خرجت تانى النهارده لحاجه فى نفس يعقوب
ولقيت اخوه برده قاعد هناك وشايفنى وانا باصطاد وماتكلمش معايا
التفاصيل
الرش المستخدم
مارسمان المصرى
البندقيه
سمو الاميره ( جامو رويال )

طلعة امبارح
37 سمكه
وزن سته كيلو الا ربع
لاحظ حجم السمكه اكبر من الزجاجه

طلعة النهارده
29 سمكه
وزن 4 كيلو ونص
لاحظ حجم السمكه اكبر من الزجاجه

13-10-29, 04:25 PM	#1
القبطان المصرى 77 صيــــــــاد محتـــــــــرف اوسمتي مجموع الاوسمة: 3 تاريخ التسجيل: Feb 2012 المدينه: الاسكندريه المشاركات: 2,659 معدل تقييم المستوى: 141	طلعتين ورا بعض بالعند فى صيادين السمك السلام عليكم ورحمة الله امبارح كنت طالع طلعة صيد عشان كنت فاضى الصبح اخدت عدتى وروحت على ترعه جنب قريه فى الكيلو 65 وقعدت اصطاد بالبندقيه ونظام الترعه هناك ان فيه مجموعة صيادين بالشبك والقوارب مقسمين الترعه على بعض كل مجموعه مثلا واخده حوالى 5 كيلو متر من الترعه يصطادو فيها وممنوع اى مجموعه تدخل على مجموعه تانيه ده اللى فهمتو بعد ماخلصت صيد وفهمت كمان انهم ملهمش انهم يمنعو صيادين السناره من الصيد ليهم يمنعو صيادين الشبك والقوارب بس من دخول مناطقهم المهم وانا فى نص الصيد لقيت واحد كان عامل عشه كده عالترعه وقاعد فيها جالى ومعاه اخوه وبيقولى سلام عليكم وعليكم السلام انت بتعمل ايه رديت عليه بنرفزه ..يعنى ايه باعمل ايه عايز اعرف بتعمل ايه اصلى شايفك ماسك بندقيه وبتضرب فى الميه باصطاد سمك فيها حاجه دى ايوه فيها ان الترعه دى بتاعتنا والله بجد؟؟ ودى حفرتوها امتى ان شاء الله يابا ماتتريقش بس الله يهديك انا باقولك الوصله دى بتاعتنا وباكلمك بالراحه ياسيدى لابالراحه ولا بالجامد ايه المطلوب دلوقت يعنى مينفعش تصطاد هنا لا معلش انا اصطاد فى الحته اللى تعجبنى وطول عمرنا نعرف ان الترع والمصارف تبع الحكومه اول مره اعرف ان فيه حد عنده ترعه تمليك لا احنا عاملين رخصه لحسابنا ان محدش يصطاد هنا غيرنا على العموم عامل رخصه ولا مش عامل انا كده كده يوم ماهتنطط يعنى هاصطاد اتنين تلاته كيلو وطبعا لو يعرف ان ربنا بيكرم بالسته كيلو مكانش سابنى اكمل صيد وبعد كده سالنى انت منين والحكايه والروايه واتعرفنا على بعض وقال لاخوه اللى معاه خلاص يامحمد لو الراجل ده جه يصطاد تانى متكلموش قلتلو ليه وهو يقدر يتكلم معايا اصلا ضحك وقالى طيب بالراحه بس علينا متبقاش ناشف كده لا ياباشا مفيش حمقى ولا حاجه كل سنه وانت طيب انت باين عليك دماغك ناشفه على فكره ابقى تعالى ياعم كل يوم واصطاد براحتك قلتلو طيب مانا هاجى فعلا كل يوم انت فاكرنى هاخاف ولا ايه ههههههههههههههههههه وفعلا خرجت تانى النهارده لحاجه فى نفس يعقوب ولقيت اخوه برده قاعد هناك وشايفنى وانا باصطاد وماتكلمش معايا التفاصيل الرش المستخدم مارسمان المصرى البندقيه سمو الاميره ( جامو رويال ) طلعة امبارح 37 سمكه وزن سته كيلو الا ربع لاحظ حجم السمكه اكبر من الزجاجه طلعة النهارده 29 سمكه وزن 4 كيلو ونص لاحظ حجم السمكه اكبر من الزجاجه __________________ لـيس كـل مـن حــمـل السلاح كـان صيـادا ولكن كل من كان صياداً كان للأخلاق عنوانا