محدش يستهزأ بالمعادي..كانت طلعة كويسة

[محمد حافظ بك]

السلام عليكم اخواني الكرام .. الحقيقة المعادي اخر طلعة تفوقت علي نفسها باسم الله ما شاء الله ..كنت في البلد خميس و جمعة و كانت الحصيلة كويسة الحمد لله14 فرد يمام منهم القمري اللي في الصورة من حوالي 40 متر و فرخة مية غلبتني عقبال ما جبتها .. و غرابين واحده اخدته غدر من 6 متر و التاني كان علي التيار العالي بس المسافة كانت حوالي 40 متر و كان مديني صدره بصراحه و جت فيه و الغريب ان من بعد المسافه افتكرت انها مجتش و لكن فوجئت بيه اتقلب و رجله لسة ماسكة في السلك و رفرف حاجة بسيطة و نزل متوفي .. الطلعة دي عملت حاجة غريبة معرفش حد عملها قبل كده و لا لا .. كان معايا 3 انواع رش و حسب الهدف اللي قدامي بقرر احط رش ايه .. اليمام لو قريب احط مصري و لو بعيد ديابلو .. الغرابين حطيت ديابلو .. فرخة المية و القمرية دي حطيت جامو ماتش .. معلش معرفتش اصور كله لان الصيد كان علي مدار اليومين