الكلام ده صح ولا انا اضحك عليا

[الطيار]

السلام عليكم

انا حبيت اعرض الموضوع ده على العام علشان اعرف تعليقاتكم ورايكم

هو بخصوص الشراء من النت ومصاريف الجمارك

انا اشتريت جهاز زيرو باور للعربية بتعتى من النت كان سعره 12 دولار يعنى فحدود 72 مصرى

هو سعره هنا فمصر ب140 جنيه فالحدود دى

طبعا انا فرحت انى هجيبو ب72 وقولت ياخد كمان 20 او 30 جمارك برضو انا هبقى كسبان

والجهاز وصل بعدها ب25 يوم ولقيت بتوع البريد جايبلى جواب انى اروح مكتب البريد هنا فالمنيا استلمه

رحت علشان استلم الطرد ....... المفجأة بقى الاقى مصاريف الجمرك 75 جنيه

بصراحة استغربت جدا يعنى اشتريه ب72 وادفعله 75 جمرك وطبعا ولقيت موظف البريد بيقولى ايه كمان بيقولى دا بقالو هنا فالمكتب 4 ايام كل يوم بيدفعله 2 جنيه ( معرفش دى بتاعت ايه اصلا)
رحت دافع كمان 8 جنيه
يبقى كده بقى 72+75+8=155 جنيه

انا مبتكلمش على 155 انا بتكلم على موظف الجمارك المجنون ده ازاى حاجة ب12 دولار ومثبوتة فالفاتورة يعنى 72 جنيه مصرى يدفعها جمارك 75 جنيه دا استهبال كده اكتر من 100% جمارك

وطبعا موظف البريد هنا فالمنيا قالى انا معرفش الموضوع ده ال75 جنيه دى هى اللى جيالى فالورق وفعلا لقيتها مصاريف جمارك 75 جنيه

فياريت حد يقولى هو ايه دا بالظبط .... هبل ولا استعباط ولا دا كان شارب حاجة علشان يجمرك الحاجة بأكتر من تمنها