تم تحديد رحلة صيد في السخنة الجمعة 22/7 أو 29/7 - أدخل للاشتراك

[Sami]

السلام عليكم الأعضاء الكرام

أولا أحب أشكر جميع المساهمين بالمواضيع والمعلومات الممتازة التي تساعد المبتدئين أمثالى للوصول لمستوى أفضل.

ثانيا حاول محمد ساهر وهاني طرح فكرة رحلة صيد في البحر الأحمر وتحمس لها الكثير لكن لم نتمكن من تنفيذ الرحلة بشكل جماعي لسبب أو لأخر.

http://www.egypthunt.net/showthread.php?t=9799

بما أني لست عندي المعلومات الكافية عن تنظيم رحلات كهذه فلا أستطيع أن أنظمها بشكل كامل فاستئذن أن أضع هاتف محمد ساهر وهاني وهاتفي واطلب من الأعضاء الراغبين في المشاركة بالرد في الموضوع والاتصال بنا لتأكيد الحجز معنا.

أظن أن ايجار المركب تقريبا في المتوسط لن يتعدي 50-100 جنية للفرد على حسب العدد وعلى حسب المركب وكل ما كنا أكتر كل ما كانت أوفر والمركب أحسن. أظن لو عددنا وصل من 8 إلى 10 يبقى زي الفل.

الهواتف:
محمد ساهر : 0106134562
هاني : 0118668111 (hany_sayed_vip@yahoo.com)
سامي : 0101221784 (blue_laser@hotmail.com)

ممكن نلحق الجمعة اللى جية 22/7 أو الجمعة اللى بعديها 29/7 قبل رمضان (كل سنة وانتم طيبين) ولو نجحت الفكرة -إن شاء الله يا رب- ممكن نطلع يومين كده في العيد ولا حاجة.

لو مبتدئ (زيي) ممكن تجهز نفسك وننزل في يوم معين مع أحد الخبراء مثل هاني (في القاهرة) ، ده بعد اذنك يا هاني طبعا.

ممكن يا جماعة اللى فعلا ناوي يشترك في الرحلة فقط يرد في الموضوع بالآتي:

• اسمه

• يكتب تلفونه أو ايميله ويبعت تلفونه على الخاص أو على الإيميل علشان نقدر نتصل ببعض

• يختار التاريخ اللي يفضله من 22/7 أو 29/7

• أول رحلة صيد في البحر له ولأ (لحصر الخبراء والمبتدئين - لأن مينفعش نكون كلنا مبتدئين)

لو مش عايز تيجي معانا وعند تعليق أو معلومة يمكنك إرسالها بالطبع في الموضوع بس متملاش البيانات السابقة.

أنا أول مشترك إن شاء الله.