Load Your Mind Before you Load your Gun

[elzek4180]

السلام عليكم ورحمة الله وبركاتة .

طبعا أنا سعيد إنى أكون فرد من أسرة المنتدى الرائع الصيد فى مصر.

وده أول موضوع ليا فى المنتدى . ولأنى أعيش خارج مصرنا الحبيبة ولدى هواية الصيد كما أنى أعشق الحياة البرية .

وعلشان أكون صياد هنا وأقدر أصطاد كان لازم أروح أدرس كورس عبارة عن 8 ساعات . يدرس خلالها كل ما تحتاج معرفتة عن الصيد.

1- عوامل الأمان العامة.
2- أنواع الأسلحة والذخائر والأقواس وكيفية التعامل معاهم وتسليمهم واستلامهم بين الصيادين.
3- الملابس المختلفة.
4- أنواع الحيوانات والطيور وعاداتهم.
5- دراسة ميكانيكية الأسلحة المختلفة وكيفية عملها.
6- عوامل أمان خاصة بالصيد على الأراضى العامة وفى وجود أكتر من صياد واحد على أرض الصيد.
و أشياء أخرى كثيرة . الحمدلله إجتزت الاختبار ونجحت وطلعت الرخصة.
وكان أول موسم صيد ليا 2010 وابتديت مع الغزلان وربنا كرمنا انا والصياد اللى معايا بغزالتين.

وبما أن ده أول موضوع ليا هنا وعنوان الموضوع هو Load Your Mind Before you Load your Gun.

العبارة معناه حرفيا حمل عقلك قبل ما تحمل بندقيتك.

ودى كانت أول عبارة فى دروس الصيد . معناها قبل ما تاخد القرار بأنك تحشى البندقية . لازم تخلى عقلك جاهز وصاحى قبلها. لأن الطلقة اللى بتطلع من البندقية خطأ مش ممكن ترجع تانى . يعنى ما تحطش صباعك على الزناد إلا أما تكون جاهز للضرب.
دايما استخدم عقلك قبل بندقيتك. وده معنى العبارة مجازا.
انتهى