خنجرين صناعة منزلية...بعجينة السيراميك

[ابو مروان]

بادور فى الدفاتر القديمة لقيت موضوع يمكن يكون مفيد..كيفية صناعة خنجر فى المنزل..الطريقة باستخدام عجينة السيراميك ودى عجينة بتتعمل فى البيت وليها كذا طريقة موجودة على النت بتتعمل من الغراء الابيض السائل والدقيق وقليل من الملح وزيت برافين او زيت جلسرين......لما العجينة بتتعمل بتكون طرية وسهلة التشكيل والتلوين تشكلها زى مانت عايز ولما تنشف بتبقى حديد جامدة جدا...اا جبت سكينة صغيرة من بتوع البيت.... ولفيت على ايدها خيط تخين شوية عشان تكون خشنة والعجينة تمسك فيها وبعدين غلفت المقبض وشكلتة بالشكل دا ...وعملت غطا للسلاح من نفس العجينة بعد لما دهنت السلاح بالفازلين عشان لما الغطا ينشف ما يلزقش على السلاح وتقدر تشيلة وتركبة....كل واحد بقى وتفنينة واختراعة للمقبض بالشكل اللى هوا عايزة..التلوين ممكن تلون بالوان زيت..فلوماستر وتحط عليه طبقة مثبت الوان بعد لما العجينة تكون نشفت خلاص وبقت سيراميك..انا كنت عامل شمعدانين من نفس العجينة وخنجرين..الاسود والرصاصى والاسود تقيل وجامد ......طريقة عمل عجينة السراميك موجودة على جوجل...تحياتى