كاميرا فوتوغرافيه نادره للبيع او للبدل

[قناص المنوفيه]

السلام عليكم اعضاء المنتدى الكرام

العرض ده طبعا لهواة التصوير و مقدرين التحف النادره

الكاميرا نوعها ياشكا Yashica Electro 35 gsn عمرها حوالى 25 سنه أو اكثر ولكن حالتها جيده جدا
ومعها فلاش قيم جدا من نوع popular الأصلى وجراب الكاميرا الأصلى
طبعا الكاميرا دى غنيه عن التعريف وفى جيل كامل كان بيصور بيها باحتراف زمان وعارفين قيمتها
وصورها عامله ازاى ..

تم تعديل السعر لسرعه البيع وكمان انا لقيت الحامل بتاعها يعنى كده ملحقاتها اكتملت ما عدا غطاء العدسه ..

وهى يابانى أصليه ودى مميزاتها :

المميزات:-

* الكاميرة إستعمال يد واحدة فقط (إستعمال خفيف حاله جيده جدا )
* الكاميرة مع جرابها الأصلى
* بالإضافة إلى فلاش popular الشهير
* قطر فتحة التصوير حتى 4.5 م
* صناعة يابانيه أصلية
* يوجد بها تايمر لضبطها تصور تلقائياً (لتصوير صور جماعية مثلاً)
* تستطيع ضبط مقدار فتح عدسة التصوير عند التصوير
* تستطيع ضبط سرعة الغالق
* تستطيع ضبط المسافة بينك وبين الشئ المراد تصويره لوضوح الصورة
* الكاميرة تقبل الكثير من أنواع فلاشات
* يوجد عداد يبين عدد الصور التى تم إلتقاطها

سبب البيع : عدم الحاجه لها حيث يوجد اخرى مثلها تماما وأنواع اخرى نادره جدا وقيمه لأن والدى
خريج فنون تطبيقيه قسم تصوير فوتوغرافى وكان يعمل بالأدله الجنائيه قسم تصوير جنائى ومحب لجمع هذه التحف ..

← السعر : 9,000 جنيه نهائى أو للبدل ببندقيه
ديانا 52 أو 54 أو 350 ماجنوم ودفع الفرق.


← التواصل على الخاص أو 01008244611 .

ملحوظه هامه :
انا اقتبست بعض مميزات الكاميرا لموضوع مشابه لعرض
عضو محترم منزله لنفس الكاميرا وده رابط موضوعه

http://www.egypthunt.net/showthread.php?t=27777


أترككم مع الصور

[pooforever_2010]

موفق فى البيع

[illustrator]

هو السعر ده لانها تراث ولا علشان الامكانيات بتاعتها لا ن الجديد دلوقتى كله ديجيتال
شكرا

[NEW_Year]

بالتوفيق في البيع

[sniper-2]

بالتوفيق فى البيع ..فعلا تحفة

[قناص المنوفيه]

المشاركة الأصلية كتبت بواسطة illustrator

هو السعر ده لانها تراث ولا علشان الامكانيات بتاعتها لا ن الجديد دلوقتى كله ديجيتال
شكرا

عشان الاتنين وعشان نادره ولا يقدر قيمتها الا المحترفون فى التصوير
ومع احترامى للكاميرات الديجيتال الكاميرات القديمه دى هى اللى تكسب

[قناص المنوفيه]

شكرا لكل الاعضاء على الردود الجميله وجزاكم الله كل خير
وتم تعديل السعر لسرعه البيع

[illustrator]

المشاركة الأصلية كتبت بواسطة قناص المنوفيه

عشان الاتنين وعشان نادره ولا يقدر قيمتها الا المحترفون فى التصوير
ومع احترامى للكاميرات الديجيتال الكاميرات القديمه دى هى اللى تكسب

مع احترامى لشخصكم الكريم ولكن الواقع حاجه تانيه لان الكاميرات الجديده غطت على القديم ودلوقت كل محترفى التصوير يسعى لاقتناء الجديد لمواكبه التطور واعتقد ممكن يكون اقتنائها كتراث فقط انا عندى واحدة امكنيات متطورة ومع الاسف ماتت بظهور الديجيتال
ربنا يوفقك فى بيعها

[قناص المنوفيه]

المشاركة الأصلية كتبت بواسطة illustrator

مع احترامى لشخصكم الكريم ولكن الواقع حاجه تانيه لان الكاميرات الجديده غطت على القديم ودلوقت كل محترفى التصوير يسعى لاقتناء الجديد لمواكبه التطور واعتقد ممكن يكون اقتنائها كتراث فقط انا عندى واحدة امكنيات متطورة ومع الاسف ماتت بظهور الديجيتال
ربنا يوفقك فى بيعها

انا عارف ان معظم الناس بيخدعها التطور ومواكبه العصر والكلام ده
بس انا هقولك على حاجه انا والدى بيدخل مسابقات تصوير كتيره
لمجلات خليجيه (زى زهره الخليج والعربى الكويتيه وناشونال جيوجرافيك ابو ظبى)
ومصريه وهو عنده كاميرا ديجتال باناسونيك 12 ميجا بيكسل
عمى جبهاله هديه عشان يواكب التطور تعرف ان اى مسابقه بيدخل فيها
بالياشكا والبانتكس بيكسبها يا المركز الاول يا الثانى انما الديجتال دخل بها اكثر من مره
ولا حياه لمن تنادى على الرغم من جمال صورها
تعرف ان معظم المسابقات ولجان التحكيم بيميزوا بين كل متسابق واخر بنوع الكاميرا المستخدمه
ولو كانت ديجتال بيعتبروه بيلعب لان استخدمها سهل جدا وممكن اى طفل يصور بيها ويطلع بيها صور تحفه
انما الاحترافيه والتميز فى القديم والصوره دى بتبين لحضرتك كلامى عن مسابقه تصوير مصريه صينيه
بتطلب نوع الكاميرا عشان الموضوع ده !

[elkoshy]

فعلا الديجيتال قضى على القديم لكن ممكن يتم اقتنائها كتحف أثرية وبالتوفيق فى البيع

[amr naser]

تحفه اثريه بالتوفيق فى البيع يا باشا ويا ريت يا جماعه الى عايز يشترى يشترى وميعدش يقول الديجيتال وما الديجيتال يعنى لو انت عامل موضوع عن سله قيمه واثريه ترضى حد يخش على موضوعك ويقولك الجديد لحسن ودى غاليه والكلام ده

[amr_amr0182000]

كاميرا فعلاً رائعه

عندي اختها بالظبط ونفس الفلاش حتى ومركونه ولا استخدمها
:d

معايا دلوقتي بينكيو ديجيتال كومباكت على قدي

[قناص المنوفيه]

للرفـــــــــــــــــــــــــــــــــــــــع

[M.Hatem]

موفق ان شاء الله