الجيرمـــــن شيبرد

[Orabi]

السلام عليكم ورحمة الله تعالي و بركاته

الحمد لله بما إنني بربي جيرمن شيبرد من زمان ففي الفتره الماضيه وجهت لي أسئله كثيره عن الكلاب الجيرمن شيبرد و ماهي مواصفات الكلب الأصلي منها و ما هي حدود الأسعار و لذلك دخلت علي أحد المواقع المتخصصه في الكلاب و جبتلكم شوية صور تقدروا بعد كده لما تشوفوا كلب تعرفوا ده بيور و لا بلدي نضيف

الأول دي صوره فيها كل أنواع الجيرمن و ألوانه و علي فكره الألوان اللي بتميل للأحمر و البرتقالي بتبقي غاليه جدآ



أولآ: الأسعار
خارج مصر

بيبداء من 200 دولار لحد 1500 دولار

داخل مصر بينقسم لمستويات

الورك لاين (وده بيور بس من غير كسحه في الكلب) و الكلب البيور من غير كسحه بيبقي شكله مش حلو و دي صوره توضح الفرق بين الورك لاين و الشو لاين اللي هو بكسحه و بتغلي ثمن الكلب أوي



المستوى تحت المتوسط من 500 جنية لحد 900

المستوى المتوسط من 1000 جنية لحد 1200

الممتاز ودا بيبقى لونج هير والوان غامقة بس ورك لاين 1500 لحد 2000

ملحوظة : الورك لاين بيبقى بيور بس الجيرمن نوعين ورك لاين وشو لاين

الشو لاين ودا اسعاره

المستوى المتوسط من 1800

المستوى فوق المتوسط : ممتاز 2500 :3000

المستوايات العالية بتبدا من 15000 لحد 35000 من غير ما حد يتخد ودا بيبقى حاجات شامبيون ابطال عالم

فى كلب شامبيون بالدنمارك إتباع الأسبوع اللي فات و وصل ثمنه فى مزاد 2 مليون يورو !!!

دي بقي شوية صور لكلاب بيور علشان الكل يعرف شكلها و مواصفتها بتبقي عامله إزاي.

ده في عمر حوالي 45 - 50 يوم


ده في عمر حوالي شهرين


ده في عمر حوالي 5-6 شهور


صور بقي لما بيكبر و يوصل من سنه لسنه و نص





يا رب يكون الموضوع عجبكم