هام و عاجل لهواة التسقيط

[ahmedsaleh]

السلام عليكم و رحمة الله و بركاته

أريد تنبيهكم يا شباب ان السمك القراض(الأرنب) مالى البحر فى المكس اليومين دول لدرجة ان مفيش غيره .

القراض سمكة سامة و تسبب الشلل و الموت اذا لم يتم تنظيفها بصورة صحيحة على يد صياد مخضرم , كما أنها سمكة كبيرة قوية لها أسنان حادة للغاية لها معدات صيد خاصة من المعدن متوفرة فى المحلات .

الرجاء الحرص فى التعامل مع هذه السمكة الخطيرة لمنع الحوادث المؤسفة .


اللهم بلغت اللهم فاشهد

[ebrahem]

بارك الله فيك جات منك وماجات من شيوخ الصيادين

[SHARKY]

السلام عليكم و رحمة الله و بركاته

لىه تجربة مع سمك القراض غير سعيدة خالص .

مرة كنت فى الزعفرانة و كانت حصيلة اليوم لى حوالى 30 كيلو سمك قراض و كان وزن الواحدة من

4 الى 5 كيلو و أنا أعرف أنه يجب تنظيف هذا النوع من الأسماك مع الحرص جيدا من عدم جرح الكبدة

بتاعته لأن الكبدة هى المسممة و إذا جرحت يتم رمى السمكة فورا و لا يأكلها أى كائن حى .

المهم تم تنظيف السمك تمام و بقى زى الفل و كلنا منه كلنا أنا و الأولاد و الباقى فى الثلاجة .

و فى يوم المدام طلعت سمكة و عملتها صينية فى الفرن و على فكرة لحم السمك ده جميل جدا

و رجعت من الشغل و أكلت قطعتين صغيرين و بعدها حسيت بسخونة و تنميل و ترجيع و هبوط قلت

شوية برد و تعدى و عدت بعد يومين و الحمد لله .

و بعد اليومين اكلنا السمك الباقى للقطتين اللى عندى و بعدها بربع ساعة لقيت و احدة منهم

ماتت فورا و الثانية جالها شلل نصفى و ذهبت بها للدكتور فورا ووصلت ميتة و بمجرد ماشافها قال

الدكتور القطة دى كلت حاجة مسمومة و وقتها عرفت أن اللى حصللى بعد أكل السمك القراض ده

كان تسمم و ربنا سترها معايا و من وقتها قررت عدم دخوله البيت إطلاقا .

لذلك أنصح بعدم أكل سمك القراض نهائيا مهما كان السبب.

مع تحياتى

أحمد الشرقاوى

[bodygard 34]

بعض انواع القراض حتى مع التنظيف المظبوط بيبقى سام لأن السم فى كبده وفى جلده ايضا(عشان كده بيسلخوه) فلا داعى ابدا للمغامره بأكله

[hogan]

جزاك الله خير على المعلومة وشكرا

[ahmadkhalaf]

انا اكلت منه لما زهقت ... اه والله طعمه جميل جدا جدا .... تحياتى

[أميجو]

شكرا على التنبيه

[pooforever_2010]

الف شكر لصاحب الموضوع
اول مشاركه
ونصيحه هامه جدا
ربنا يكرمك ويجعله فميزان حسناتك
هى الاعضاء اللى تفرح
ربنا يكثر منها
تحياتى

[ahmadkhalaf]

[hema777h]

المشاركة الأصلية كتبت بواسطة ahmadkhalaf

انت بتغظنا يا احمد مااااااااااااااااااااشي مااااااااااااااااااااااشي خليك فاكرها لما نجيلك اسكندرية انت الي دبست نفسك في اكلة سمك

[safroot]

انا بعشق السمكة دى جداً جداً جداً مش قادر اوصف لكم حبى للسمكة دى انا اكلت منها لحد لما خلاص طاجن وفلية بس بتنجبها من عند واحد ثقة بيكون منضفها صح من غير مايضرب المرارة لما بتفرقع هى الى بتسمم السمكة والناس الطفسة الى بتشوف كبدة السمكة كبيرة وتاكلها هو دا الى بيسمم بس السمكة طعمها جميل جداً

[hosam ibrahem]

شكرا علي النصيحة ........... خسرت سنار كتير بسببها

[mrasool]

فعلا انا لسة راجع من الزعفرانة من يومين والرحلة اغلبها باظ بسبب القراض اللى مالى المية ومطفش السمك الباقى

[LionHeart]

بارك الله فيك لى المعلومه دى والف شوكر