هاشتري مسدس صوت ومحتاج نصيحة عشان جديد

[mo.kalil]

السلام عليكم
مما لا شك فية ان الاوضاع بمصر لا تسر عدو ولا حبيب المهم قررت ان اشتري سلاح للدفاع عن نفسي وعائلتي تحسبا لما قد يجري بالانتخابات واعداء الوطن
المهم قررت اعرف موضوعات عن الاسلحة المسموح بها و90 بالمئة مما استفدتة كان من المنتدي
وطلبت الخبرة من بعض الاعضاء برسائل خاصة وقد تفضلوا مشكورين بمحاولة مساعدتي ولكنني لم استوعب الامر جيدا فقررت عدم ازعاج احد بشكل شخصي وفتح موضوع عام لتعم الاستفادة وارجو ان تتحملوني قليلا...

راجيا ان تتفرغوا لي ولو دقائق معدودة عسي ان تساعدوا بحماية اسرة مصرية بنصيحتكم
ا
قررت شراء مسدس صوت ممن يضرب بلي للحماية لانة اقل الشر لكن الموضوع تاة مني ولم افهم الكثير
اتوة بين الطبة والماسورة والسوستة والخ
لكن علي حسب ما فهمت الافضل والارخص الايكول تونا والفولجا
والاسئلة:
هل هما الماسورة مفتوحة ام لا؟ وكيف اعرف عند البائع ان كانت مفتوحة فعلا ام لا وهل احتاج اعدل الطبة ام لا وما هي الطبة؟
هل يوجد ضمان او عقد من البائع؟
هل اسئلة الماسورة مفتوجة ام لا او هذا غير قانوني ام المح لة ام ماذا افعل ؟
هل فعلا التونا مفتوحة من المصدر فعلا ام لا
وكيف طرق صيانة وتنظيف المسدس باختصار
هل الرش افضل وهل صيانتة اسهل ولا يحتاج للفك والصيانة

[amin hegazy]

السلام عليكم
فيه مسدسات بتكون مفتوحه من المصدر وده التركي ومش محتاج تسال عليها وانت بتتفرج على المسدس شد الاجزاء لورا وبص في الماسورة من ادام لو سلكه مفهاش اي عائق تبقى مفتوحه.لو فيه علامة زائد او اكس في الماسورة دي مقفولة.
بعض المحلات بتبيع المسدسات بضمان بس لو مقفول وفتحته راح كده الضمان.
كيفيه النضافة وفك المسدس لسع عامل موضوع في ورشة الاسلحه تقدر تراجعه ممكن يفيدك.
ولازم طبه عشان تحافظ على الماسورة الاصلية وكمان المسدس ميحشرش رصاص.
ولو جيبه للدفاع يبقى الافضل في راي انا مسدس صوت بلى
بالتوفيق ان شاء الله

[blow c06]

خليك فى التونه او البلو سى 06 الاتنين دول ماسوره مفتوحه من المصدر بس فى منهم مقفول ولازم تتاك و تبص بنفسك و انت بتشترى... ميزة دول ان ماسورتهم جامده و مش محتاجه طبه و انت مش هتحارب بيه... يعنى كبيرك هتضر 3 او 4 طلقات للتجربه و بعد كده تسيبه للظروف و هو هيستحمل اكتر من 50 طلقه و متقلقش من كده بس متستعملوش على الفاضى عشان انت جايبه لهدف محدد... انا جربته كتير و بيعت و اشتريت منه كذا واحد والى عندى دلوقتى ضربت بيه طلقه واحده للتجربه و راكنه للظروف و ربنا ميخلينا نستعمله

[blow c06]

نسيت اقولك ان الطلقات اهم من المسدس,,, احسن طلقات التشيكى gop و الالمانى و التركى ozk الدهبى مش الفضى و اغلب الموجود دلوقتى التركى الفضى و ده طلق ضعيف و هايف حتى لو حطتله طبه زى الناس مبتقول برده ضعيف و مش بيخرم الخشب زى التشيكى و الالمانى

[amin hegazy]

المشاركة الأصلية كتبت بواسطة blow c06

نسيت اقولك ان الطلقات اهم من المسدس,,, احسن طلقات التشيكى gop و الالمانى و التركى ozk الدهبى مش الفضى و اغلب الموجود دلوقتى التركى الفضى و ده طلق ضعيف و هايف حتى لو حطتله طبه زى الناس مبتقول برده ضعيف و مش بيخرم الخشب زى التشيكى و الالمانى

حلام حضرتك زي الفل طبعا بس ليا تعليق بسيط
انا جربت الطلق الفضي التركى مش خرم خشب لا ده خرم صاج كمان
والكلام ده عن تجربة

[ابوجودة]

ربنا يسترها مع الجميع

[somaforever]

ألف شكر على الردود و المساعدة .. و ربنا يجزاكو خير و يسترها مع الكل

[هشام سمير]

ارجو من مشرف القسم نقله للاسلحه الناريه