رد: حصريا طريقة استخراج رخصة سلاح حى فى مصر
السلام عليكم اخوانى الافاضل
تحية خالصة وعطرة لكا من شاركنى الموضوع
احب اوضح لحضرتكم ان طلب استخراج رخصة السلاح الخاص بى اترفض ويهمنى انى اشرح الموقف لكل من شاركنى موضوعى اولا اخوانى للاسف بعد التنحى وفى بداية شهر مارس تقريبا كنت متخيل وغيرى كثير ان وزارة الداخلية حصل فيها تغيير وان زمن الواسطة وسورى فى اللفظ الى متعودتش اقولة ( وزمن التعريس ) انتهى بس للاسف كنت وغيرى كثير مخدوعين لان الداخلية بعد ثورة يناير استمرت بنفس مستوى الفساد ان لم يكن اكثر ومش هوضح اكثر من كدة لان بيتهيألى الموضوع دة واضح حاليا للكل ان الداخلية بنفس فسادها وعشان اتخدعت اتصورت انى عشان مستوفى للشروط هطلع الرخصة وملجأتش للواسطة وقلت همشى بما يرضى اللة لانى استحق الحصول عليها وبالرغم من انى بشتغل فى وزارة البترول وبدرجة مدير ادارة وبمر قبل التعيين بحاجة اسمها استطلاع رأى امن للتاكيد على انى حسن السير والسلوك ومعليش اى شبهة وطالما اتعينت فى الوزارة لازم ميكونش عليك اى ملاحظة امنية دى اولا ثانيا قدمت ممتلكات تتنوع بين ارصدة بنكية وعقارات وسيارات باسمى بقيمة تتخطى ال مليون جنية علما بان البعض بيقول ان لو قيمة الارصدة ب مائة الف جنية تكفى الا انى قدمت قد المبلغ دة عشر مرات بالأضافة لمبررات ثانية كثير مش هصدعكم بيها الا انى مجبتش واسطة ومدفعتش رشوة واتعاملت رسمى كان رد الداخلية اية؟؟؟؟ انى بالرغم من انى عندى المبررات دى ومفيش عليا اى ملاحظة الا انى اخضع للحماية الشرطية يعنى الشرطة هيا الى بتحمينى بالرغم من انى عندى اصول واموال وحسن السير ومستوفى بس لا يصرح لى بحمل سلاح الشرطة تحمينى الشرطة الى سايبة البلطجية وبتحمى الحرامية وبتموت فى الثوار وبتحمى البلطجية والى لو رحت تعمل عندهم محضر او بلاغ عن حرامى يقولولك روح اقبض علية وهاتهولنا دة لو رضيوا يعملولك محضر اصلا يعنى الخلاصة ونهاية الموضوع دة عشان الاخوة متسالش وتتعب نفسها لو عندك ارض زراعية او محل ذهب او كنوز قرون او مليون مبرر وممعاكش واسطة وكوسة فانت تخضع للحماية الشرطية ولو معاك واسطة ومبرراتك ضعيفة ولا تذكر هتاخد الرخصة
ودلوقتى مفيش غير اننا نستنى الثورة الثانية للقضاء على فساد الداخلية
والسلام عليكم ورحمة اللة
|