تجربه سبعه انواع رش على الكرال والجيت.
تحياتى لكل الاعضاء المحترمين النهارده كنت فاضى ففكرت انى اجرب جميع انواع الرش الى عندى على البندقيتين الكرال والجيت الاتنين عيار 5.5 خاصه ان فيه انواع عندى ولسه مجربتهاش انواع الرش هي .
جامو ماتش
جامو هانتر
جامو بروماجنوم
جامو ماجنوم
ديابلو العلبه الموف البومبيه
ديابلو العلبه الخضراء الماتش
مارسمان مصرى ماتش
يجب الاخذ فى الاعتبار ان مسافه التجربه 10متر وان البندقيتين متظبطين وفيهم تعديلات الكرال على ايد اخويا عادل عبده والجيت متركبلها دليل وحدافه كمان البندقيتين متركب عليهم اسكوب 40ومتظبطين على الشعرايه البندقيه الكرال سرعتها تقريبا 220متر والجيت متقلش عن 250متر .
والصوره موضحه السبع انواع والنتيجه كالاتى:
1.جامو ماتش
مع الكرال دقه عاليه جدا جدا .
مع الجيت دقه عاليه جدا جدا.
2.جامو هانتر
مع الكرال تجميع عالى جدا كانت بتضرب تحت الهدف واحد سنتيمتر بس ظبط الاسكوب على الضرب بتاعها التجميع بقى زى الماتش بالظبط.
مع الجيت تجميع عالى جدا كانت بتضرب تحت الهدف واحد سنتيمتر بس ظبطت الاسكوب على الضرب بتاعها التجميع بقى زى الماتش بالظبط.
3.جامو بروماجنوم.
مع الكرال مفيش تجميع اساسا كل رشايه فى ناحيه بس اختراق عالى جدا الغريب ان الرشايه اصلا مفيهاش شخشخنات.
مع الجيت تجميع معقول نسبيا 80%.
4.جامو ماجنوم
مع الكرال تجميع معقول حوالى 90% بس علشان الرشايه تقيله بتضرب تحت الهدف سنتى ونصف مع تظبيط الاسكوب بقى معقول.
مع الجيت مفيش تجميع اساسا كل رشايه فى ناحيه.
5.ديابلو العلبه الموف الرشايه البومبيه
مع الكرال تجميع بنسبه 95%
مع الجيت وده الغريب تجميع عالى جدا جدا.
6.ديابلو العلبه الخضراء الماتش .
مع الكرال تجميع ضعيف 70% بالكتير.
مع الجيت مفيش تجميع اساسا.
7.المارسمان المصرى الماتش .
مع الكرال تجميع عالى جدا جدا مع انى كنت جايبه بس علشان اسخن بيه البستم قبل الصيد بس انبهرت بالدقه بتاعته هو بيضرب فوق الهدف حوالى سنتى ونصف بس مع التظبيط دقه عاليه جدا.
مع الجيت نفس نتيجه الكرال.
نصيحه اخويه محدش يبدا صيد او تظبيط للبندقيه قبل ميضرب 5 رشيات على الاقل وده نصيحه من الكبير محمود شلبى وده علشان تسخين البستم والميكانيزم ياخد وضعه الطبيعى انا لما جربت الموضوع ده ريحنى كتير خاصه وانا بظبط النشان بتاع البنادق والاسكوب.
__________________
اذا دعتك قدرتك على ظلم الناس فتذكر قدره الله عليك
من تواضع لله رفعه
وقل رب زدنى علما
|