رد: بندقية رش رمسيس نمرة 1
انا معايا الرمسيس من ايام ثانوي ... و كنت مصر علي انها تكون هدية تخرجي و اشتريتها وقتها ب٧٥ جنيه
و كنت بعمل بيها البدع و نشانها كان ممتاز و اكلت منها يمام كتير الحمد لله و ربنا يسامحني علي العصافير بقي .. بس مؤخراً و بسبب ظروف الانتقال من الاسكندرية و الجواز اهملتها شوية و سبتها في الساحل الشمالي بتاع سنتين بس كنت سايبها متشحمة من برة ...
و جيت اشغلها اليومين دول لقيتها ضعيفة جداً والماسورة مرحلة لفوق شوية و الرش بيتحشر في الماسورة و مبيطلعش الا بعد ضربتين تلاتة و مبقتش الرشة بتبات في بيتها مظبوط و الجلدة اللي حوالين بيت الرشة متبهدلة خالص
فياريت لو حد يعرف مكان قريب من اكتوبر او الشيخ زايد يشدهالي شده حلوة يبقي عمل فيا معروف كبير جداً
|