رد: اللى عنده معلومات عن اماكن صيد
بص يا أشرف باشا أنا بقالي تلات أسابيع بطلع مرتين طلعنا العبور مره غرزنا و مره ما شفناش أي حاجه خالص
و مره طلعنا مدينه بدر المهم هناك فيه مطحنين حبوب و فيه واحد فيهم شبه مركز المخابرات المهم لقينا شويه يمام فركنا و نزلنا و رفعنا البنادق و هوب اليمام طار في كل الأتجاهات و مرجعش تاني يا معلم
المهم مشينا كده قدام شويه و ألاقياك يا باشا صقرين واقفين فوق سطح نزلنا نبص فلاقينا حمام حمام حمام كتير أوي برده أول ما لمحنا طار بس أيه ماسبناهوش طرنا وراه يا ريس و لاقيناه دخل مصنع شكله مهجور
وقفنا عند البوابه نبص فطلع لنا الحارس و قلناله أحنا بنصتاد و فيه حمام في الأدوار ألي فوق و كنا عاوزين ندخل فقالنا الأدوار ألي فوق مقفوله و مش شغاله و مقدرش أدخلكم و قالنا الصبح بدري الحمام بيكون كتير أوي واقف في الشارع
المهم فضلنا واقفين شويه على أمل أن الحمام يرجع مافيش فمشينا
|