[Consul]

بارك الله فيك أخي الحبيب وإبني الغالي...ربنا يستر عليك حبيب قلبي والله إنت طيب وغلبان ورومانسي جدا وأحلامك وردية...حتى توقعاتك لردود أفعالها تتسم بالبراءة الشديدة ( مش عايز أقول السذاجة )...دعني أصارحك وأفوقك من الحلم الوردي وأوقفك على أرض الواقع المفجع المرير...ردود أفعالها ستكون على الوجه التالي...
1-لو سألتك عن رأيك في فستانها الجديد وقلت لها مش بطال...لن تفكر فيك ولو لثانية واحدة كما تظن...سترد عليك فورا وتقول على الأقل أحسن من الخيشة إللي إنت لابسها...
2- لا تتوقع أنها ستقعد وتجلس ساكته تتفرج عليك وأنت تأكل...ها تلبسك الطبق في وشك وتفرج عليك الخلق...
3- لو أعطيتها التي شيرت بتاعك ورائحته عرق وفاكر إنه أحلى تذكار منك ليها وها تعتز بيه جدا تبقي غلطان...قبل ما تقوم هاتكون مسحت بيه جزمتها ورمته في الزبالة...
4- لو عملت زي ما بتقول ومسكت إيدها ودوست عليها جامد...أبقي شوف مين ها يخلص إيدك منها لما هيا تقرص عليها وتخليك تركع...لا تلوم إلا نفسك...
5- يا حبيب قلبي...إنت فاكرها هاترد عليك بالليل وهيا بتنام...ده إنت طيب قوي...طبعا مسجلة نمرتك بالإسم...وأول ما يرن التليفون ويظهر إسمك يا جميل ها تكنسل عليك...وبعدها على طول ها تقفل التليفون وتنام...وأبقى شوف مين ها يرد عليك...عيش بقي إنت مع نفسك وعيش أحلام اليقظة...
6- بعد ما تضحك الهانم وتنبسط من منظر القطة وهي طايرة في الهواء...وأول ما تنزل القطة على الأرض لا تصدم ولا تصيبك الدهشة لما تلاقي الهانم فتحت شنطتها وأخرجت منها مطواه أوكابي ( خوجة ) حامية كالموس ومسكت القطة وذبحتها أمامك علشان تبسطك وتفرحك زي ما بسطتها وفرحتها...أحب أشوف تعبيرات وشك لحظتها هاتبقي إزاي...ما تنساش تبقي تقفل بقك...علشان اللوز باينه...
7- لما تقول لها ضحكتك بتفكرني بمروه..ها تقول لك أصحابي كلهم بتعجبهم ضحكتي...لما تقول لها طريقتك وإنتي بتسأليني كأني شايف رشا قدامي..ها تقوللك يا حرام إنت كمان ما بتشوفش...بعد كل ده أبقى قابلني وشوف مين إللي ها يتعصب...ويقلب الترابيزة على التاني...دول باردين زي لوح الثلج...وأبقي خلى فاتن تنفعك...طبعا نصايح تودي في داهيه...واضح إن إللي قالك على النصائح دي ما عملش بيها وحب يجربها فيك ويشوف النتيجة...خصوصا وإحنا في شهر أبريل...بس ده مقلب جامد قوي...إحمد ربنا إني لحقتك علشان أوعيك وأفطمك وأفتح عينيك...( فتح عينك تاكل ملبن...يا جميل )...تقبل مروري...مع خالص تحياتي...