اقتباس:
المشاركة الأصلية كتبت بواسطة consul
بارك الله فيك أخي الحبيب...أخشي أن المبلغ المحدد يادوب وبالكاد يشتري بندقية رمسيس أو صيني ( تعبانة خالص ) مستعملة وقديمة ومتهالكة محتاجة تصليح ودهانات وتغيير سوستة وجلب ونيشانات...هاتصرف عليها أكثر من ثمنها...وفي الآخر وبعد هذه المصاريف هاتكرهك في التدريب على الرماية وتكرهك في العيشة كلها...معلش أصبر شوية وجمع مبلغ لا يقل عن 500 أو 600 جنيه ممكن تلاقي بندقية مستعملة نضيف شوية وفيها الرمق علشان تتدرب عليها...لكن حرام ترمي فلوسك على الأرض...طبعا أنا في رأيي الشخصي أن أحسن بندقية تتدرب عليها وتحببك في الرماية والصيد هي النوريكا سبورت عيار 5,5 ( نمرة 2 ) صناعة أسباني حجمها وطولها ومسكتها متوازنة وخامتها وتقفيلها ممتاز طبعا خفيفة الوزن وحديثة نيشاناتها فوسفورية سريعة التجميع ودقيقة وسرعتها متوسطة 160 م/ث مناسبة جدا لمبتدئ وحتى للصياد المحترف...لكن سعرها جديد في حدود 1400-1500 جنيه...تمنياتي لك بالتوفيق...مع خالص تحياتي...
|
تحية خاصة وواجبة للاب الروحي للمنتدي
اما بعد
فعلا النوريكا سبورت من البنادق التي اثبت جدراتها في الرماية وخاصة للصياد المبتدأ وخاصة مع الرش الجامو ماتش والحمد لله فعلا اشتريت واحدة نمرة 2 من شهرين والحمد لله بقيت بجمع رش علي بعضه من مسافة 15 متر وطبعا سترايت شوت ولكن
السؤال الذي يطرح نفسه هنا (( مع العلم انني لم اجرب البندقية في الصيد نهائيا الا مرة واحدة وقعت فيها غراب من مسافة فوق 15 متلا واقل من 20 وكانت سترايت شوت برده ))
ما هي اقصي مسافة يمكن ان اضرب عليها سترايت شوت ؟
ولو مثلا عايز اضرب علي مسافة 40 متر اعمل ايه ؟ ولا المسافة ده صعبة علي بندقية ضعيفة ذي النوريكا
مع العلم ان الرش المستخدم جامو ماتش
وشكرا