اقتباس:
المشاركة الأصلية كتبت بواسطة فوزى السيد
السلام عليكم اولا تحياتى لصاحب الموضوع لانة فعلا موضوع مهم ومفيد نيجى بقا لموضع النمرة واحد والنمرة اتنين دى طبعا بتبقا حسب انواع الصيد وحجم الطارائد بمعنى انك لو هتصتاد طيور صغيرة ومتوسطة زى اليمام الحمام البرى فراخ المياة يبقا النمرة واحد تقضى الغرض بشرط اختيار جيد لنوع الرش ودى لوحدها موسوعة يعنى مثلا لو معاك بندقية نمرة واحد هاى باور مثلا هتجيب لها رش اية ؟؟ الاجابة هتجيب رش تقيل فى الوزن ومسطح مثل الماتش ديابلو او برو ماتش او اى رش تقيل ومسطح وذلك لعدم سرقة الطير وسرقة الطير لها عوامل اخرى غير نوع الرش زى مكان الاصابة ودة لة اهمية قسوى فى ذلك بمعنى انك لو اصبت الهدف فى مقتل لا يمكن يتسرق يعنى لو الاصابة فى الراس او الرقبة او الحوصلة اللى هى مقدمة الصدر او الصدر واصابت القلب والعمود الفقرى دى كلها اصابات ملهاش علاقة بسرقة الطير نرجع بقا لموضوعنا بالنسبة للنمرة واحد برضة يفضل فية البنادق متوسطة السرعة زى البى اس التل المجرى السلافيا التشيكية وموديلات كتيرة موجودة سرعتها متوسطة السرعة اما بقا لو هتصتاد احجام كبيرة زى االبط والغر وبلاشون وما يماثلهم يفضل النمرة 2 وذلك لزيادة التاثير وقوة الاصابة وبرضة عامل نوع الرش مهم بالنسبة لاى عيار وانا والله بالنمرة واحد متوسطة السرعة اللى هى سلافيا 631 وقعت جميع الاحجام ولاشكال بلاشون حمام يمام غر فراخ مية غربان بوم صقور كلة شغال بس الشرط مكان الاصابة اللى انا قولت علية وعموما الموضوع كلة يعتمد على المهارة والتمكن فى القنص وليس على نوع البندقية وعيارها وبرضة لازم تكون البندقية معقولة يعنى مش قناص ويضرب بجريدة مثلا يوقع لاء دى كلها منظومة بتكمل بعضها يعنى امثلهالكم بمعادلة بسيطة صياد متمكن + بندقية معقولة + نوع رش جيد + ممارسة للصيد = صيد اى طير مهما كان نوعة وحجمة ولكم تحياتى
|
رد ممتاز ..... مخلتش اى كلام ناقص .... شكرا جدا