اقتباس:
المشاركة الأصلية كتبت بواسطة almou7ed
السلام عليكم ورحمه الله وبركاته
انا عندى نفس المشكله والخراط قاللى ان العده دى اسمها مفتاح دكر عكس فهل ده صحيح لأن لغايه دلوقتى مش عارف أفك الطبه وياريت تفتكر اسم العده ايه وجبتها منين ولك جزيل الشكر
|
وعليكم السلام ورحمة الله وبركاته.
اخى العزيز انا فعلا مش فاكر الاسم لأنى لما رحت محل بيع العدد كنت واخد معايا طبة المسدس الصوت بتاعى (السليمة طبعا) وفهمت صاحب المحل انى عايز عدة علشان اعمل سنون على قد مقاس الطبة فى ماسورة من الداخل. صاحب المحل قاس الطبة من عند السنون بالبوكاليس وراح مطلع العدة اللى انا حطيتها فى الصور.
انا اشتريت العدة من محل بيع العدد (مفكات-شنيور-بنط...الخ) فى شارع السبع بنات بالاسكندرية.
انا أسف انى مش قادر اتذكر الاسم لكن هى نفس الشكل الموجود فى الصور بالضبط.
وعموما انا دورتلكو على فيديو تقريبا ده نفس اللى انا عملته (اهم حاجة الدقة اثناء استعمال الشنيور علشان مكان الطبة اللى حتنزل فيه بالسنون الجديدة).
ارجو ان اكون وصلت المعلومة.
تحياتى.