[Timo Jean]

بسم الله الرحمن الرحيم

السلام عليكم ورحمة الله وبركاته

تحية طيبة لكل اعضاء المنتدى الأكثر من رائع

اما بعد...

(علموا أولادكم الرماية والسباحة وركوب الخيل)

وهو أثر عن عمر بن الخطاب رضي الله عنه

رَسُولَ اللَّهِ صَلَّى اللَّهُ عَلَيْهِ وَسَلَّمَ , وَهُوَ عَلَى الْمِنْبَرِ يَقُولُ :

" وَأَعِدُّوا لَهُمْ مَا اسْتَطَعْتُمْ مِنْ قُوَّةٍ وَمِنْ رِبَاطِ الْخَيْلِ" سورة الأنفال آية 60 .

أَلا إِنَّ الْقُوَّةَ الرَّمْيُ , أَلا إِنَّ الْقُوَّةَ الرَّمْيُ , أَلا إِنَّ الْقُوَّةَ الرَّمْيُ " . رَوَاهُ عَنْ هَارُونَ بْنِ مَعْرُوفٍ , كَذَلِكَ .

الهدف من ذلك ان رياضة الرماية والقنص لهو واجب علينا ان نتعلمها
وان ييسره لنا حكامنا وقادتنا

ولكن هيهات لمن تنادي

بل بالعكس حدث في الآونة الأخيرة آنباء عن مناقشة قانون يمنع من استخدام اسلحة ضغط الهواء

واللي هي المنفذ الأخير لنا لتعلم تلك الرياضة الجميلة

ومنعنا من امتلاك مسدسات الصوت والتي هي يعتبر مجرد سلاح تهويش ولكن رضينا بيه للدفاع عن انفسنا لما يحدث من انفلات امني كبير وظهور البلطجة بشكل واسع في كل مدن مصر

ودي صورة الخبر




طب والحل!!!
واحنا قولنا مصر بعد الثورة سوف تتجه نحو الأفضل
واصبح لكل منا احلام بتسهيل اجراءات ترخيص المسدس الحي وتخفيض سعره

ولكن على مايبدو ان العكس هو اللي بيحصل

علشان كدا

عملنا بيج على الفيس بوك بإسم " لا لقتل الصيد في مصر "بقانون ترخيص الأسلحة الهوائية"

http://www.facebook.com/Egy.hunt

وجروب بإسم " لا لقتل رياضة الصيد في مصر بتجريم حيازة بنادق ضغط الهواء "

http://www.facebook.com/groups/348971865120045/

وقام السيد المستشار/ إيهاب ابو الوفا حمدي بعمل دعوى قضائية ضد القانون ده

ودي كانت صيغة المذكرة









طيب والمطلوب!!!

هانشترك كلنا من أعضاء وتجار في البيج والجروب
ونحاول ننشرهم في المنتديات التانية المهتمة بالصيد

طب وليه التعب ده

عشان لو متجمعناش مع بعض ايد واحدة شكرا كدا لكل حاجة
نخلل بنادقنا بقى ونعمل ملوخية على المسدسات
لان لو القانون اتنفذ قابل بقى

ترخيص السلاح لن يقل عن 2000 - 3000 جنيه ولمدة 3 -4 سنين
وكل ماتروح في مكان رخصتك وانت جاي تصتاد هنا ليه روح اشترك في نادي وقلة ادب

واظن ان محدش فينا عنده استعداد يفرط في سلاحه

الموضوع متكرر في اكتر من موضوع
بس انا حبيت الم شمل الحكاية كلها في مكان واحد

أخر طلب ليا ان الأدارة الكريمة تثبت الموضوع ده لغاية ماتخلص زوبعة القانون دي

ولكم وافر الشكر والأحترام