ناس بتتكلم وبس
 

كل واحد يقولك انا بحذر من سلاح الصوت محدش يشيله طب عايزينو بقى كده يجرب ان حد يطلع عليه وهو فى طريق ومعاه اهل بيته والشرطة بتتفرج عليه والناس خايفين من البلطجية يقدر سعادته بقى يقولنا ايه الحل ولا هو كلام وخلاص اللى جرب انه يتعرض لمواقف زى دى هايحس باللى بنقوله عشان كده اللى يحذر يدينا البديل هل لاشرطة تعمل بنفس القوة الرادعه ولا لا ما هو ده البديل ان الشرطة ترجع تانى ساعتها كل واحد معاه مسدس صوت اكيد هايسيبه فى البيت فقط

رد: ناس بتتكلم وبس
 

بس يا استاذي الفاضل انت عندك حق وبرده الناس الي بتحظر عندها حق برده لاني ده نابع من خوفها على الاعضاء من المسالة القانونية بس من ناحية تانية في تصير في التواجد الامني فلازم برده يكون في بديل
وربنا يعدي اليومين دول على خير وربنا يسترها
تحياتي للجميع

رد: ناس بتتكلم وبس
 

متقلقش الشرطة مش هترجع اصلااا

رد: ناس بتتكلم وبس
 

رد: ناس بتتكلم وبس
 

رد: ناس بتتكلم وبس
 

الأخوة الأفاضل : جميع أرآئكم لها وجهة نظر مقبولة بس فى ظل هذة الظروف للبلد ( إنفلات أمنى * وقف التراخيص أو تصعيبها )بنقول للإخوة المحترمين إلا عندهم ظروف سفر متأخر بعائلاتهم خذ حذرك وتجنب المشاكل بقدر الإمكان
يعنى لو هتشيل مسدس صوت أو حتى رصاص إعرف كيف تدارية عن الأنظار قدر الإمكان وهيئ نفسك للحالات التى قدتضطر للإستعمالة وفى أى حدود وتصرف تستطع إستخدامة ( يعنى متوقعش نفسك فى مشكلة أكبر من مشكلة خوفك إنك تتعرض لبلطجية ) وتجنب البلطجية والمشاكل قدر ما تستطع ( والله خير حافظا وهو أرحم الراحمين) تحياتى للجميع

رد: ناس بتتكلم وبس
 

فعلان كلمك مظبوط يابشا

رد: ناس بتتكلم وبس
 

رد: ناس بتتكلم وبس
 

رد: ناس بتتكلم وبس
 

رد: ناس بتتكلم وبس
 

بالنسبة للأشخاص العاديين صعب جدا تطلع رخصة أغلب التصاريح دلوقتى للسلك القضائى والضباط ( شرطة وجيش ) ورجال الأعمال الواصلين

رد: ناس بتتكلم وبس
 

محدش بيطلع رخصة الا قليل جدا وعموما ربنا يستر بس نفسنا اننا نساعد بعض ومحدش يخاف كلنا نتكاتف ونحمى بعض وان شاء الله الازمة هاتعدى ونرجع فى اامان اكتر من الاول بس الاول نقضى على البلطجة وقلة الادب

رد: ناس بتتكلم وبس
 

تراخيص السلاح مفتوحه وقبول الاوراق بدون املاك المهم تكون انسان محترم وتعمل بالدوله بدرجه مدير عام او اكثر اما المراهقين الحالمين ينسوا

رد: ناس بتتكلم وبس
 

دلوقتي (لسه النهارة) بيتم القبض على أي شخص يحمل مسدس ولو صوت ويتعرض على النيابة ويتم حبسه حتى يتم التحقق في المعمل الجنائي اذا كان مسدس صوت ولا حي.ماتنسوش يا جماعة انه مش معروف مين البلطجي ومين كويس ونفس الشيء للتصاريح.مع الإحترام

رد: ناس بتتكلم وبس
 

اخي سيد انت قولت الي كنت عايز اقوله
اي واحد لو اتعرض لموقف وحد اتهجم على اهله وقتها هيتمنى ان يكون معاه دبابه مش مسدس صوت بلي
وفي النهاية كل واحد حر في نفسه ان شالله يجيب رشاش ما دام هيحتفظ بيه في بيته , وبما ان الحكومة مش عارفه تحمي الشعب يولع القانون
وانا عن نفسي قدام شويه ربنا يسهل هجيب حته حي في البيت للحالات الطارئه ولا ترخيص ولا زفت

رد: ناس بتتكلم وبس
 

الله ينور عليك .

رد: ناس بتتكلم وبس
 

رد: ناس بتتكلم وبس
 

ربنا يستر علينا وعلى البلد وعلى كل انسان شريف بيحافظ على اهل منطقته وبيته وعموما انا حاسس ان الحياة هاتكون افضل واامن ان شاء الله فى الايام اللى جاية ومحدش هيحتاج لاى سلاح ان شاء الله المشكلة ان لو كل واحد فينا يبطل كبر وتعالى وبلطجة وقلة ادب هانبقى احسن شعب والحل ان كل انسان يتقى الله ويخاف من عذاب ربنا يوم القيامه لان كل انسان هايتسئل عن كل شئ

رد: ناس بتتكلم وبس
 

رد: ناس بتتكلم وبس
 

والله انا شايف ان السلاح بقى مع البلطيجة بس والشرطة والمواطن العادى المحترم محروم من انه يدافع عن نفسه والغريب ان كل الكلام لو قف التراخيص او لخظورة السلاح وان الناس هتمشى تقتل فى بعض اعتقد ان الكلام فى المخاوف من حمل المواطنين السلاح اصبح سخيف ولا يقوله الا اعمى او غير مدرك للواقع شعب زى مصر فى عز ثورته نزل يحمى بعضه وحافظ على بلده مع ان فى الثورات اللى زى دى يبان فيها اوى معدن الشعوب والحمد لله مصر اذهلت العالم بحافظها على الوطن والناس خافت على بعض فقصة ان الناس هتمشى تقتل بعض ولا كل واد يتخانق مع واحد يطلعه المسدس يضربه والسلاح شيبطان والكلام الفارغ اللى ورثناه من الاستعمار اصبح بلا معنى والشعب لازم يبقى معاه سلاح زى اى دولة محترمة بتحترم شعوبها ميبقاش فى ايد ناس معينة وناس تانية محرومة منه وكل ده علشان تجارة السلاح تذدهر والشعب اللى يدفع التمن فارجو من الاعضاء الكرام اللى بينادو بخطورة السلاح الحى وزتخويف الناس من السلاح الحى ارجو ان يراجعو انفسهم لانى ملاحظ ان اللى معاه سلاح حى بيخوف الاخرين منه وكانه عاوز يبقى هو بس اللميز بحمل سلاح بحجة الشيطان فى السلاح والناس هتموت والكلام الغريب ده فارجو الرفق بالناس ولو كنت انت معاك سلاح والى حد ما مطمئن فغيرك يعانى الامرين ولا يجد من يحيمه

رد: ناس بتتكلم وبس
 

رد: ناس بتتكلم وبس
 

طيب ممكن أسأل سؤال . إذا كان الصوت هو الحل رغم عدم قانونيته للأسباب اللي إتذكرت , يبقي ليه بنهتم قوي بترخيص السلاح الحي؟؟ماهي نفس الفكرة!الأثنين مش قانونيين.لن يحدث فتح للتراخيص ذي ما الناس فاكرة والبلد مش حاتمشي صح قبل سنين من دلوقتي يبقى لازم نشوف حل.مايبقاش كل حاجة ماشية ضد القانون وعايزين نحترم القانون في موضوع رخصة السلاح.ده مش منطقي.وبعدين ماهو لو واحد هاجمك وضربته بمطوة ماهو المطوة مش قانونية برضه (حبس 6 شهور) لكن ده دفاع شرعي عن النفس.يعني الواحد لو مسافر مثلا مع سواق مات مثلا مايسوقش العربية علشان مامعهوش رخصة.أنا شايف أن ده مش منطقي.والدين الإسلامي بيقول الضرورات تبيح المحظورات.إذا كان النبي (ص) بيقول ما معناه من مات دفاعا عن عرضه فهو شهيد.حيتسأل بقى في الجنة كان معاك رخصة ولا لأ؟احنا زي وقت الحرب لازم الجميع يشيلوا السلاح.رخصة بقى مش رخصة.اللي حيتمسك ويتحبس يسأل القاضي هو حد حماني وأنا قلت لأ؟؟؟؟؟؟؟؟ مع أحترامي

رد: ناس بتتكلم وبس
 

عن مجلة روزاليوسف اليوم (تشديد الإجراءات ضد من يحمل سلاح بدون ترخيص)
العيسوي يوافق علي جمع «الثوار»للسلاح غير المرخص ويتعهد بأمن قوي خلال 3 أشهر
ارسل اطبع ( 0 تصويتات )

-



البوم الصور و الفيديو



كتب شاهيناز عزام العدد 1816 - الخميس - 2 يونيو 2011

بحث أعضاء المكتب التنفيذي لاتحاد شباب الثورة، مع وزير الداخلية، اللواء منصور العيسوي أمس، عدة مبادرات واقتراحات تحقق سرعة التواجد الأمني في الشارع، والقضاء علي ظاهرة البلطجة.

وأكد الشباب أن شعور المواطن بالأمن، وسرعة تنفيذ القانون عاملان أساسيان ليشعر الناس بنجاح الثورة، وقال اللواء منصور العيسوي، إن الأمن سيعود بكامل طاقته وقوته في غضون 3 أشهر، ورحب بفكرة تقدم بها عضو المكتب تامر القاضي، تقتضي الإعلان عن شباب موثوق بهم في كل منطقة ومحافظة لاستلام الأسلحة التي حصل عليها المواطنون في الفترة الأخيرة ويخشون تسليمها خوفاً من الملاحقات، القانونية.

المبادرة تم رفعها للوزير بعنوان «سلم سلاحك» ومدتها 3 أشهر، يتم بعدها إصدار قانون استثنائي يشدد العقوبة علي من يحمل سلاحاً دون ترخيص، بهدف إنهاء ظاهرة الترويع والبلطجة.

كما طالب العضو محمد السعيد، بالتواجد الأمني بالمناطق النائية، وتفعيل دور اللجان الشعبية، وطالب عمرو حامد، بنظام شرطي يسمح بمعاقبة الضباط الفاسدين، ومكافأة المخلصين منهم مع الإعلان عن الضباط الذين ضحوا بأرواحهم خلال أحداث الثورة والإعلان عمن اشتركوا في تعذيب المواطنين، وفي أعمال القتل للثوار، بهدف ابراز الصورة المضيئة لضباط الشرطة، وإعلاء قيم الواجب، والإخلاص في العمل..