عاوز اشترى بندقيه رش
 

اولا بمسى على جميع اعضاء المنتدى الكرام بصراحه المنتدى جميل جدا بل رائع بجميع اعضاءه الكرام وبصراحه هذه اول مشاركه لاخوكم ابو فرح ويارب تفيدونى انا عاوز اشترى بندقيه صيد رش ومش عارف اى نوع اشترى وانا عاوزها نضيفه ويتراوح سعرها من 1000 الى 1500 الرجاء الافاده وفى اى مكان تباع فيه وشكرا للافاده

رد: عاوز اشترى بندقيه رش
 

بسم الله الرحمن الرحيم
اهلا بيك بين اخواتك في المنتدي وارجوا ان تظل عضوا فعال بيننا

النوريكا جيت فانا انصحك بيها لانها الفيرجن القديم من المارفيك بس لو جديده ونمره 2 تكون بحوالي 1400 الي 1500 جنيه وانصحك بيها للاسباب الاتيه :
1: اسباني والصناعه الاسباني كويسه مش وحشه تاتي في المرتبه الثالثه وسط عالم بنادق ضغط الهواء من بعد الالماني والانجليزي
2:قطع غيارها متوفره نظرا لان هذه البنادق الاسبانيه متوفره في السوق المصري
3: قوتها كافيه لصيد كل ما ذكرته
4: سهله الصيانيه يعني اي محل يعرف يعملها صيانه

اما بالنسبه للطلقات فبلاش المصريييييييييييييييي لانه في الرمايه ميزانه مش زي بعضه وبتلاقي في العلبه بايظ كتير وعدد العلبه طبعا مش 100 ممكن 70 الي 85 وكمان مش تقيل
انصحك بالرش الجامو وان كان فيه انواع احسن بس اغلي والرش الجاموا افضل لان ثمنه معقول وميزانه تمام ومتوافر وانواع الجاموا كتير انصح منها ب الماتش والماجنوم والبرو ماجنوم والهانتر
واي سوال انا تحت امرك.

وكمان جاموا ماجنوم 3000 وكمان bam xs 21

رد: عاوز اشترى بندقيه رش
 

اعزائى الاعضاء شجعونى شويه مش معقول ان يقرا الموضوع 29 عضو و ميردش غير عضو واحد

رد: عاوز اشترى بندقيه رش
 

بصراحة أعجبت بالصينية bam xs 21 و ناوى أجيب واحدة .. حاسس إن الماركات إسم على الفاضي.. خاصة قوتها لما تركب ليها سوستة ديانا

رد: عاوز اشترى بندقيه رش
 

بسم الله الرحمن الرحيم
مش عارف اقولك ايه بالنسبه لفكره الماركات اسم علي الفاضي بس بخبره 25 سنه في امتلاك واستعمال بنادق ضغط الهواء من اول الرمسيس الي الويبلي باتريوت بقولك ان الماركات مش اسم علي الفاضي لان الخامات بتفرق في اطاله عمر البندقيه وعدم تعرضها للاعطال وتجميع نشانها وقوتها والطاقه الحركيه للطلقه
والا قولي ايه الفرق بين الموبيل الصيني والالماني او الفنلندي
كمان ده بيظهر في الرش المصري والرش الالماني او الانجليزي او الاسباني
كمان اكيد معظم الاعضاء مش غويين يضيعوا فلوسهم وله ايه

رد: عاوز اشترى بندقيه رش
 

لما البندقية تتباع بضعف تمنها .. أكيد غصب عني لازم أبص للحاجات الصيني ..

رد: عاوز اشترى بندقيه رش
 

مافيش حاجه أسمها ضعف ثمنها البام تقليد الديانا 52تمنها 1500 جنيه والديانا 52 عند فتح الله ب6200 يعني خليها أربع أضعاف مش واحد وأنا باًصدق على كلام أخي وحبيبى عمرو بنسبة 100% وبخبرة 35 سنة لأني باصتاد من سن 10وأنا عندي دلوقت 45 وعندي 12 بندقيه وضربت بأغلب أسلحة الصيد
ونصيحه أخيرة من أخ أكبر في أشياء متقدرش لاتقارن فيها ولا تخليك تبص علي الصينى منها.
يعني ماتقدرش تقارن مرسيدس وجاجوار بشيري
ولا ديانا وويبلي ببام.
وتقبل فائق أحترامى

رد: عاوز اشترى بندقيه رش
 

بسم الله الرحمن الرحيم
انا اريحك واجيبلك من الاخر البندقيه اللي في حدود 1500 وكفائتها كويسه وارشحها لك هيه نوريكا جيت نمره 2 دي نفس المارفك اللي ب 2500 بس الدبشك مش منقوش هاتها وعلي ضمانتي او جاموا ماحنوم 3000 ولو زودت شويه هات جاموا 440 طبعا نمره 2

رد: عاوز اشترى بندقيه رش
 

شكرا waithe على الرد والاضافه

رد: عاوز اشترى بندقيه رش
 

الاخ العزيز / ابو فرح
معلش انا اتاخرت في الرد بس فعلا انا كنت مشغول جدا
وعايز اقول لك حاجة مهمة دايما بقولها لكل الناس شراء بندقية يعتمد علي الامكانيات المادية يعني مش ممكن افكر في
ديانا 54 او ماجنوم وانا معايا 1500 جنية هوة دة المنطق
يعني لو معاك 1500 ممكن تجيب النوركا الجيت او الجامو
3000 ماجنوم كويسين قوي كبداية ولما تكون الدنيا جميلة
ممكن تشتري ديانا ماجنوم350

رد: عاوز اشترى بندقيه رش
 

شكرا استازى جلال على الرد

وانا من اكثر المعجبين بردودك القويه والمفيده

بخصوص البندقيه النوريكا جيت ايه راى حضرتك فيها والاقيها فين وسعرها كام............................

رد: عاوز اشترى بندقيه رش
 

بسم الله الرحمن الرحيم
وانا كان ده رئيي بس كويس جلال بك انك اكدته

رد: عاوز اشترى بندقيه رش
 

بسم الله الرحمن الرحيم
الاخ ابو فرح انا النك نيم بتاعي هوه
walther
ودي ماركه اسلحه الماني شهيره جدا

رد: عاوز اشترى بندقيه رش
 

البندقية النوركا جت جميلة جدا وها تلاقيها عند فتح الله في حدود 1500 جنبة والنمرة 1 ب1200 جنية