جمعة الغضب
 

--------------------------------------------------------------------------------

اللى عايزين مصر تتغير اقولهم
لو عملتوا مليون مظاهرة ولا حاجة هتتغيير /// لو عايزين البلد تتغير للأحسن ارجعو ل
( ان الله لا يغير ما بقوم حتى يغيروا ما بأنفسهم ) صدق الله العظيم

اللى عايز ينزل مظاهرة علشان يشتغل واللى مش عايز ينزل مظاهرة علشان يحافظ على ما تبقى من شغلة اقولهم
(وفى السماء رزقكم وما توعدون) صدق العلى العظيم

نظرة عامة على المقف الراهن لمصر فى نقط موجزة

مصر لكتير من فئات المجتمع دبيحة اللى يقدر ياخد منها حاجة ياخد (سرقة وبلطجة ومطالب فئوية و جمعيات ولجان لحكم البلد من الباطن )

الحكومة : دايرة تشحت من دول العالم على الرغم من انها لو من بداية الثورة بنوا كام مصنع كانوا شغلوا كام الف
ولو زرعوا كام فدان كانوا اكلو الناس وصدروا الباقى


محاكمة الفاسدين :
اكبر خزوق الشعب المصرى لبسة لما واحد ملهوش فى السياسة قال محاكمة سريعة ( منة لله)
العاقل عايز محاكمة (للعبرة والردع المستقبلى)
السفية عايز محاكمة (لرد الفلوس المنهوبة)
مبدئياً اللى هيرجع من فلوس البلد 1% من المسروق فعلياً
الثورة وما صاحبها من ركود اقتصادى عدت مليارات المليارات فلو ربنا وفق ورجعنا كل الفلوس بتاعة البلد راحة (سد عجز عن شهر واحد)

الدستور وتغيرة :
مش وقتة خالص وكان من باب اولى منعملش استفتاء ونقف فى الشمس من صباحية ربنا للفجر من الاول

الخوف :
ان الاخوة اللى رايحن المظاهرة علشان يشتغلو او يعدلو الدستور او يحاكموا فلان وعلان
يستغلوا من قبل (عناصر خارجية طمعانة فى الدبيحة اللى بتحتضر) ويطلعو بمظاهرة بتنادى بأقالة المشير ويتم انقلاب على الجيش (مصادر موثوق فيها)
والجيش لو رد طلقة يبا انا لله وانا الية راجعون وانتم فاهمين قصدى .
وللعلم ممكن اى حد يلبس عسكرى ويعمل اللى ما يتعمل والشعب غلبان معاهم معاهم عليهم عليهم

اللى يحب مصر ميديش فرصة للكلام دة .

رد: جمعة الغضب
 

واللهي كلام غاية في الروعه لو نبطل نمشي وراء كلام ناس ملهاش لازمه ونمشي وراء كلام العقل يبقي الموضوع احسن بكتير وكفاية خراب للبلد وكفايه دمار لكل حاجه في البلد ويا ريت اللي بيقولوا انهم هما اللي عملو الثورة يبطلو كلام وتظاهرات علي الفاضي وعالمليان ويخططو للبلد شويه ويخلوها في اعتبارهم لان البلد باظت يبقي لازم نبطل تظاهر اهبل علي الفاضي ونركز شويتين في احوال ومصالح البلد وكفاية كلام معسول خليكوا واقفين علي ارض الواقع شويه

رد: جمعة الغضب
 

شكرا على الرد الواعى بس اهدى شوية يا باشا لو حصلك حاجة ولا البلد ولا المتظاهرين هينفعوك مانتا فاهم اللى فيها.

رد: جمعة الغضب
 

صحيح ان اجراءات ما بعد الثورة بطيئة واحيانا تشعر ان الجيش متخاذل لكن احنا معندناش ثقافة الحوار او مش بنفهم كويس فى السياسة وده نتاج نظام ظالم وهو ده اللى مخلى دايما فى حاله عدم ثقه والحل المحاكمات السريعه ونفوق بقى لنفسنا زى ماقال الاستاذ moneey