الى الاخ اللى كان عايز ذخيرة 7,62 *25 ومالقاش
 

- قمت بعمل هذا الموضوع حتى نشعر بالحسرة على مجتمعنا - كنت بالقى نظرة على منتديات صيد خليجية فوجدت السلاح توكاريف 7,62 * 25 معروض للبيع - دخلت على الموضوع وقلت لصاحبة ان الذخيرة بتاعتة صعبة - رد عليا عملى - قال لى بكرة حاشتريها من السوق وابعت لك صورتها - قلت له هو السلاح والذخيرة مش ممنوعين عندكم - قال لى ده حق من حقوق كل مواطن فوق 21 عام انه يحمل سلاح طالما السلاح مصرح اى له سجل فى الامن عندهم - قلت له اه وطبعا بياخد شهور على بال ما يتصرح بيه - رد عليا وغاظنى - قال لى اى سلاح يدوى لحد الكلاش تاخده ادارة التراخيص وترخصة فى عشر دقائق - الارض لفت بيا وحسيت اد اية احنا ما لناش حقوق فى البلد دى - مرفق صورة الذخيرة اللى نادرة فى مصر وسهلة عندهم لانه اشتراها وبعت لى صورتها علشان يكمل عليا.

- تحياتى

رد: الى الاخ اللى كان عايز ذخيرة 7,62 *25 ومالقاش
 

السلام عليكم ورحمه الله وبركاته متشغلش بالك اكتر من كده وربك بيزيح

رد: الى الاخ اللى كان عايز ذخيرة 7,62 *25 ومالقاش
 

بس حبيبى الترخيص عندنا لو بيقى بالطرقة دى هتبئا فوضة وضرب نار فى كل حتة واى واحد يتنرفز فى اشارة مرور او طبور عيش او اسطوانة بوتاجاز وانت عارف الباقى هب يطلع السلاح ويعمل فيها دكررررررررررر..

رد: الى الاخ اللى كان عايز ذخيرة 7,62 *25 ومالقاش
 

احنا ليه بنتعامل كئننا لسه عيال صغيره،كئن حضرتك بتقول شعب مصرى مينفعش يسوق عربيه عشان ممكن يعمل حوادث كتير و ناس ممكن تموت،ايوه ده ممكن بس عشان كده رخصه سواقه من سن ١٨ عشان يكون بنى ادم مخه نضج و حوادث تقل مش تمنع،نفس فكر بالنسبه للسلاح مش حنرخص سلاح للشعب عشان ممكن يستخدمه غلط و تزيد عدد وفيات لازم يعامل الشعب معامله احسن مش كئنه عيل لايستطيع حمل سلاح

رد: الى الاخ اللى كان عايز ذخيرة 7,62 *25 ومالقاش
 

الكلام دة فى انهى دولة خليجية يا اخى؟؟

رد: الى الاخ اللى كان عايز ذخيرة 7,62 *25 ومالقاش
 

والله انت فهمتنى غلط يا استاذ darkshaft

رد: الى الاخ اللى كان عايز ذخيرة 7,62 *25 ومالقاش
 

انا مكنش اصدى على كلام حضرتك انا كنت بعلق عالفكره نفسها و بقول ان ده سياست البلد

رد: الى الاخ اللى كان عايز ذخيرة 7,62 *25 ومالقاش
 

كانب بقى فوضى عندهم طب مهو منتشر فى الصعيد مش زى مانتا بتقول الرك على الشخص اللى بستخدمه طب كل المطابخ مليانة سكاكين ليه مش ينسمع ان كل يوم 100 بيتقتلو بسكين المطبخ

رد: الى الاخ اللى كان عايز ذخيرة 7,62 *25 ومالقاش
 

ليه لما بتخرج وتسيب ابنك يذاكر لوحده ترجع تلاقيه بيلعب
ليه لما المصرى بيشوف بنت عالنت يبقى عايز يخليها تقلع عالكام وتفكيره جنس
ليه لما قالو الشرطه انسحبت الكل بقا يكسر اشارة المرور
ليه لما بيقولو السلع هاتغلا كلنا ننزل نشترى ونخزن
ليه لما المرتبات تزيد التجار تغلى الاسعار
ليه لما حد يكلمنا بالشارع نقوله - انت عارف انت بتكلم مين
ليه لما بيكون واحد معاه ارشين يتتنك على الغير
ليه لما المصرى يتجوز بيعمل علاقات مع ستات تانيه
ليه لما بيكون بايدك ورقه بالشارع ترميها على الارض
ليه ماعندناش هنا خدمات اخدم نفسك - تروع تمون بنزين وتدفع بامانه
ليه لما بيقولك الباب اتفتح كلنا بنجرى بهرجله دون مراعات الغير
ليه مترو الانفاق لما بيقف بالمحطه كلنا بنجرى نركب وما نعطى فرصه للعيزين ينزلو
ليه دايما نمجد فى نفسنا ونشعر الغير انه لاشئ
ليه لما ربنا يدينا نعمه نتمنظر بيها امام المحتاج
ليه لما بنسوق العربيه بنعتبر ان باقى اللى بالشارع متخلفين وانك انت الوحيد اللى بتفهم
ليه لما بنكون فى مجموعه بتتناقش تحاول تعلى صوتك عشان تجبر الحضور على سماع صوتك
ليه عددنا كتير اوى كده
ليه شوارعنا مش نظيفه
ليه الاكل مغشوش
ليه لما بنطلب عربية الاسعاف بتتاخر
ليه لما بنطلب المطافى بتتاخر
ليه لما الاسعاف تضرب سرينه كلنا نجرى امامها عشان نكسب وقت وصوتها هايوسع السكه
وليه وليه وليه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
عشان زى مابيقولو ان المصريين مايجوش الا بالكورباج؟
ولا عشان احنا مسلمين بس بالاسم؟
ولا عشان احنا همج؟
ولا عشان اهلينا واجدادنا ماربوناش؟
ولا عشان التعليم عندنا بدون تعليم ولا يهتم بالتربيه؟
ولا عشان احنا شعب عدوانى؟
ولا
ولا
ولا؟؟؟؟؟
مع العلم ان اى مصرى بيسافر اى بلد اوروبى وحتى عربى زى مثلا دبى بتلاقيه يا اخى ولا كانه مصرى - التزام ايه وادب ايه سبحان الله
ياجماعه انا لا باتكلم بالسلب ولا بالايجاب
انا طرحت حقائق مسلم بها ومن فضلكو ماحدش يقول فيه الكويس وفيه الوحش - الكويس قليل لان لو الكويس كتير كان لون اللبن الابيض يطغى على نقطة الحبر اللى اتحطت فيه لكن ماحدش يقدر ينكر ان السلبيات تفوق الايجابيات
فكرو ا ازاى نخلى مصر تكون مصر بجد
يعنى لما نسافر امريكا ونرجع نقول ياااااه ايه البلد بتاعت الامريكان الوحشه دى
نفسى فى شئ
لما اقول انا مصرى اكون فخور بكده
اعلم ابنى واشغله بمصر
مش الكل يهرب ويعيش بره
ازاى نكون ايجابيين
ازاى نكون بنائين
ازاى مانحبش نفسنا اكتر من غيرنا
ازاى نحب ولادنا ونبنى لهم مستقبلهم
ازاى نخلى مخنا ينضج
ازاى وازاى وازاى
شكرا

رد: الى الاخ اللى كان عايز ذخيرة 7,62 *25 ومالقاش
 

والله ياخى السلاح مش محتاج تقهر روحك ولا حاجه تعالى عندنا الصعيد وشوف خليك شهر ولا حاجه لغايه اى حد يقولك على سلاح تطلع تجرى من الزهق منه احنا مبنعبرش السلاح ده باى حاجه لانه ليل ونهار فى وجهك حتى وانت نايم سانده على الكرسى جنب السرير هههههههههههه

رد: الى الاخ اللى كان عايز ذخيرة 7,62 *25 ومالقاش
 

اول حاجة لازم نعرف ان الممنوع مرغوب ولازم نعرف ان البلد دي بتعت كل مصري يعني لما البلد هتكون كويسة انت هتكون كويس
وحاجة تانية لازم بداية تحسين البلد تبتدي من التعليم والدكتور احمد زويل صوتو اتبح من الموصوع دااااا عشاان نحسن البلد لازم نبتدي من التعليم

رد: الى الاخ اللى كان عايز ذخيرة 7,62 *25 ومالقاش
 

عندك حق فى كل كلمة قلتها بجد و علشان كدة انا هضيف حاجة صغيرة تتمم كلامك و هى:
الوعى + الدين (فعل و ليس قول)+التعليم=انسان متحضر جدا و مجتمع راقى

رد: الى الاخ اللى كان عايز ذخيرة 7,62 *25 ومالقاش
 

وانا كمان والله حاسس اني هتحسر من كثر كلمة ممنوع فأنا الان اقوم علي صناعة بندقية خاصة بس وكل شوية يطلع ان ممنوع كذا وكذا لحد ما لقيت ان من حق اي مصري امتلاك مسدس خرز اطفال فقط لا غير
والله مهزلة الي بيحص ده في الولايات المتحدة صاحبي عايش هناك من فترة وبيقولي انهم بيباعو كأنهم في سوبر ماركت مش تراخيص ووجع قلب زي الي بيحصل معانا هنا

رد: الى الاخ اللى كان عايز ذخيرة 7,62 *25 ومالقاش
 

صدقني يا صاحبي ولا الدين ولا الوعي يعني عندك دول اروبا الناس هناك اذبل من الزبالة ولا دين ولا وعي وبدهم يخربو كل شيء بس الي مانعهم ان لو حد عمل حاجة القانون هيطبق عليه ولو حتي ذهب وراء الشمس ومفيش حاجة اسمها واسطة ولو حتي كنت ابن رئيس الجمهورية هيطبق القانون يعني هيطبق
وده مع مرور الزمن خلي في نفسهم خوف من انهم يعملو حاجة يتعاقبو عليها علشان كده لما تشوف بعض الافلام الاجنبي الي تبين الحقيقة علي طبيعتها هتلاقيهم مغتصبين ولصوص وقتلة بدم بارد
ولاكن ما تفعله السينماء العالمية هي الابتعاد عن هذه الصورة لكي يأتي احد نشعر نحن العرب كم نحن زبالة وهم بشر فرز اول زي ما بيقولو مع العلم ان الحقيقة هي العكس تماما وهذا مؤامرة ماثونية قامت علينا من الاف السنين مش النهاردة او امبارح ومع قيام الثورة حتي لن تتصلح مصر وتفوق علي جيرانها الاوربية لانهم لن يتركونا في حالنا وبكرة تشوف

رد: الى الاخ اللى كان عايز ذخيرة 7,62 *25 ومالقاش
 

فى ناس فى مصر بتفكر غلط برده
ممكن تفتح ترخيص السلاح الالى واللى يستخدمه الحارميه
والبلطجيه وغيرهم
ممكن حد اعصابه تفلت فى مشاجره ويحاول يستعمل سلاحه يبقى ايه العمل ؟

رد: الى الاخ اللى كان عايز ذخيرة 7,62 *25 ومالقاش
 

- يبقى اللى يرخص يجيب شهاده من دكتور نفسى انه بكامل قواه العقلية ويقدر يتمالك نفسه عند الغضب ويجيب تقرير من مكان عمله يفيد بتصرفاته تحت الضغط ويكون حسن السير والسلوك ولم يتم ادانته فى اى جرائم - الى جانب انه لو تم فتح باب الترخيص حتقل الجرائم بالسلاح لان معظم المشاكل بسبب عدم التساوى او احساس طرف انه اكثر تسليحا من الاخر - لكن لو تساوت الروس الكل حيخاف من استخدام السلاح - ولينا نراجع تجربة هولندا والمخدرات - بعد ترخيص حيازتها قل المدمنين بنسبة 50% وكل اللى بنقوله ده طبعا دردشة واجتهادات بس فعلا محتاجين لحلول .

- تحياتى

رد: الى الاخ اللى كان عايز ذخيرة 7,62 *25 ومالقاش
 

العملية عايزة ضوابط وادينا شايفين نسائم الديمقراطبة وانشاء الله القادم يكون احسن

رد: الى الاخ اللى كان عايز ذخيرة 7,62 *25 ومالقاش
 

انت جبت المفيد

رد: الى الاخ اللى كان عايز ذخيرة 7,62 *25 ومالقاش
 

علي فكرة انا عايز اعرفك حاجة
في السعودية ودول الخليج يملكون اي شئ الا المخ
يعني تلاقي معاهم فلوس بالهبل ومشفتش في حياتي شحات سعودي الا اتنين تلاته بس
بس عايز اعرفك حاجة
هناك محدش فيهم بيسرق
حتي لما بيسرق عارف بيسرق ايه وليه ؟
بيسرق عربية
يخمس بيها شوية ويتفسح بيها طول الليل وعلي الفجر كده يسيبها في اي حته زي ما خدها بالزبط هتغير الكاوتشات بس لكن العربية زي ما هيا مفيهاش حاجة
احنا هنا العربية بتتقطع وبتتباع خرده

رد: الى الاخ اللى كان عايز ذخيرة 7,62 *25 ومالقاش
 

رد: الى الاخ اللى كان عايز ذخيرة 7,62 *25 ومالقاش
 

يعم hema 777h هو انا غلطت فيك يسيدى انا صاحب شركه استيراد وتصدير وحاصل على بكالوريس تجاره اداره اعمال من جامعه القاهره لا انا جاهل ولا انا فاجر يعم عندنا بيقولوا السلاح زينه الراجل بس وده وضع طبيعى عندنا حاجه فى دم الصعيدى واساس اخلاقه والسلاح ده بيدل على مكانه حامله الاجتماعيه وبعدين الصعيد ده منبع العلم فى كل شى ولو سمحت بلاش غلط تانى لانى بحب اكتب على طبيعتى بدون اى مشكله المهم اكتب اللى طالع من قلبى يحج

رد: الى الاخ اللى كان عايز ذخيرة 7,62 *25 ومالقاش
 

الاخ hazem 1 اذاى هيرخصلك سلاح وانت عندك حتى جنحه شيك اذاى هيرخص سلاح لبلطجى او حرامى...... هقولك مثال بسيط انت معاك عربيه والحرامى والبلطجى هو كمان عنده عربيه انت بتستخدم عربيتك فى قضاء مصالحك وهو بيستخدم عربيته فى السرقه والبلطجه وتخويف الامنين ودى عربيه ودى عربيه اعلم تماما لا بلطجى ولا حر امى ولا اى صاحب قضيه يرخص له سلاح برجاء مراجعه قانون تراخيص الاسلحه الناريه وعلى فكره انا احمل رخصه سلاح نارى من الداخليه وشكرا

رد: الى الاخ اللى كان عايز ذخيرة 7,62 *25 ومالقاش
 

بسم اللة الرحمن الرحيم


استاذ صقر ابو حسانين


انا اولا مقصدش اي اساءة في حضرتيك او في اهل الصعيد الي اتشرف ان ليا اصدقاء كتير منهم
وكلهم اهل ادب وعلم واحسن الناس بيبقو من هناااك وانا في ردي مقصدتش اي سوء فهم
وياريت انك ميكونش في اساؤة ظن في ردي .......

وانا كنت بتكلم علي منظومة التعليم في مصر كلها انها محتاجة تعديلات من اول وجديد عشان الطفل من صغرة يبقي عارف الصح والغلط والحلال والحرام و القناعة و الامانة


واسف ليك لو كنت ازعجتك او كنت سبب ليك في سوء ظن ..........

والسلام عليكم ورحمة اللة