كل ما تريد معرفته عن المسدس الصينى 7.62×25ملم
 

مرفق صورة المسدس وصورة وعيار الطلقه ولمف اكروبات لطيفية الفك والتركيب والصيانه وعلى فكره الفيديو كيفية الفك والتركيب والنظافه
نظره عامه
أرجو أكون قد أفدتكم

رد: كل ما تريد معرفته عن المسدس الصينى 7.62×25ملم
 

شكراا ليك بس المسدس ده موش لازم يكون صيني ده توكاروف تاتا روسي منتج في معظم دول الكتله الشرقيه ومن ضمنها الصين بس الصين عامله منه العيار 9 اكتر

رد: كل ما تريد معرفته عن المسدس الصينى 7.62×25ملم
 

فيه منه روسي ورومانى وصينى واللى منتشر بمصر الصينى بس على فكره الصينى خاماته روسى لكن تقفيل صينى والحقيقه سلاح قوى اوى بس للأسف طلقاته قليله بمصر

رد: كل ما تريد معرفته عن المسدس الصينى 7.62×25ملم
 

اخوانى الاعذاء معلش علشان انا صعيدى هو بعد٢٥يناير اصبح حيازة سلاح بدون ترخيص شتيمه او شى يسوء صاحبة ولو كان فان اغلبيه الصعايدة حيذعلوا

رد: كل ما تريد معرفته عن المسدس الصينى 7.62×25ملم
 

رد: كل ما تريد معرفته عن المسدس الصينى 7.62×25ملم
 

جميله ههههههههههههههههههههه تعليق محترم

رد: كل ما تريد معرفته عن المسدس الصينى 7.62×25ملم
 

كان فيه اخ محترم ومهذب رديت على مشاركته وهو رد على مشاركتى بقوله ......على ما اتذكر لان مشاركتة اختفت او لااعلم اين ذهبت بقولة/يا صعيدى مخالفة القانون تسوء والباقى ملحقتش اقراءة\......وردا على ابدا رايه بمنتهى الاسلوب المهذب بعد الشر عليك لما زوجتك تخلعك بحكم القانون فاياك تذعل لانك فى هذه الحالة يجب ان تكون مبسوط حتى لاتخلف برايك القانون الذى حكم تليك وايضا تاجر المخدرات والمجرم الذى حكم عليهم بالبراء اياك ان تنظر لهم نظر ة المجرم او تاجر المخدرات لانك بذلك تخالف القانون الذى برائهم عذيذى انا اعمل محامى وادرى منك بالقانون وحسب مااسمع فى القاهرة وكان ايضا فى المنتدى ان اثنين طلعوا علية هو وزوجتة و ابنه بالمطاوى واخذوا منه الفلوس لوكان معاه مسدس مش مرخص يدافع عن نفسة فى حالة تطور الوضع فيكون هو المخالف للقانون وانه سيى القانون المصرى لابد لة من تعديل وخصوصا ترخيص السلاح وشكرا على رايك الشخصى المهذب الذى رديت بيه على مشاركتى

رد: كل ما تريد معرفته عن المسدس الصينى 7.62×25ملم
 

هو المسدس دة موجود فى مص منة وسعر كام

رد: كل ما تريد معرفته عن المسدس الصينى 7.62×25ملم
 

شكرا لعرض المسدس ويا جماعة الموضوع مش محتاج كل دةياما ناس اعرفها بقالها سنين شايلة مسدسات غير مرخصة في البيت و عمرها ما استخدمتها المشكلة مش في المسدسات انا لو بايدي اسلح الناس كلها المهم اللي ماسكو يعرف انو للضرورة فقط و تقبلوا رايي

رد: كل ما تريد معرفته عن المسدس الصينى 7.62×25ملم
 

يا اخوه البيضه الاول ولا الفرخه هههههههههههههههه اوعو تذعلو اقصد انك لو شلت سلاح وتمسكت مفقود ولو مشلتش وتسرقت او قتلت برده مفقود نعمل ايؤه ارجو الافاده مع العلم انى املك ترخيص واحمل سلاح افكر مليون مره قبل سحبه او استعماله لانك برده ممكن تكون مسجون !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!غيرو القانون غيرو القانون حتى يخاف البلطجى ولا يخاف صاحب الحق

رد: كل ما تريد معرفته عن المسدس الصينى 7.62×25ملم
 

اشكرك بس الاخ المحامى اللى من الصعيد وهو ادرى من اى حد بحمل سلاح غير مرخص بيتكلم ان كل اللى فى الصعيد شايلين سلاح وكان هو ده العادى والمفروض ولما اتكلم اتكلم على جانب واحد لما تتسرق او حد يتعدى على زوجتك ومقلش النص التانى ان اول لجنة هتخدة تابيده بالاونطة بدون ميدافع عن زوجته مهو الموضوع صعب واللى هيتمسك بسلاح غير مرخص ويقول اصلى خايف على مراتى الحكومة مش هتقوله خليه معاك وسلامنا للمدام والولاد

رد: كل ما تريد معرفته عن المسدس الصينى 7.62×25ملم
 

اخى العذيذ انا لم قل انى ادرى من اى احد بحمل سلاح غير مرخص ولكن انا ادرى بالقانون الذى هو مهنتى منذ ١٦عاما وليس كل الصعيد معاة سلاح ومتخدش الكلام قفش انا كلامى رد على الاخ الذى اعتبر حيازه سلاح بدون ترخيص هو انتهاك للقانون وهو مايمثل وصمه عار مثلا اما راى عن الذى يتعرض بالخطر ويهدد حياتى وحياة اولادى فدة مصيرة الموت لان حياه اولادى اغلى من التابيده وانامش بقول انى بمشى بمسدس من غير ترخيص اتمنظر بيه وادخل بية على لجان ولكن فى الصعيد استخراج رخصه امر صعب جدا بسبب الارهاب ابتدى عندنا وبالتالى حيازه سلاح بدون ترخيص للحمايه او حب الاقتناء وخالفه القانون هنا ليس عيب اوشتيمه ودة كان ردى على مشاركة الخ الذى تم محو مشاركته والذى لم استطيع معرفه اسمه واخيرا انا مش حمشى اتمنظر بسلاح غير مرخص وشكر كبير كبير لك والذميل الذي اقتبست من الموضوع بتاعه لانه اكبر دليل على حبكم للصعايدة وشكرا......

رد: كل ما تريد معرفته عن المسدس الصينى 7.62×25ملم
 

الصعايدة اجدع ناس بس اللى بيشيل سلاح مش مرخص انتهاك للقانون ايه علاقه ده انه يكون وصمة عار ؟؟؟؟ وكلامك صح ان اللى يعرض حياتك او حياه هلك للخطر اهم من التابيدة بس المشكلة لو محدش اتعرض للخطر وصاحب السلاح الغير مترخص اتمسك بيه هياخد التابيدة واهله هيكون من غيره بره ولو حصل عليهم ضرر هيكون فى السجن مش هيعرف يعملهم حاجة .... دايرة وتنلف حوليها ملهاش حل للاسف

رد: كل ما تريد معرفته عن المسدس الصينى 7.62×25ملم
 

الحل فى يد من لهم السلطه لفتح باب التراخيص و كفا علينا ما نلناه من خوف و رعب فى الأحداث الأخيره فكما طالبنا بالحريه لابد و أن نطالب بالأمن فالمواطن المصرى لابد و أن تكون له قيمه و مش شرط إنى أكون مليونير علشان يبقى ليا حق أرخص أو بمعنى أخر يبقى ليا قيمه كمواطن مصرى.

رد: كل ما تريد معرفته عن المسدس الصينى 7.62×25ملم
 

الداخليه بدل ما هى عماله تقول اللى عندوا سلاح يسلموا أولى بيها تقول اللى عنده سلاح ييجى يرخصه مادام مش مسروق و لا ميرى طبعاً.

رد: كل ما تريد معرفته عن المسدس الصينى 7.62×25ملم
 

رد: كل ما تريد معرفته عن المسدس الصينى 7.62×25ملم
 

يا اخى الكريم مجرد تعقيدات حتى نظل شعب داجن ليس له حيله سوى الكلام وبس

رد: كل ما تريد معرفته عن المسدس الصينى 7.62×25ملم
 

هل فيه حد من حضراتكم كلف نفسه وراح يرخص سلاح وقالوله ماينفعش وخاصة بعد الاحداث الاخيره - ياريت كل واحد محتاج سلاح فعلا عشان يحمى نفسه يتقدم بالطريقه القانونيه ويذكر مبرراته الحقيقيه لطلب الترخيص وينتظر الموافقه - إبدأ بنفسك ولا داعى للتخمين

رد: كل ما تريد معرفته عن المسدس الصينى 7.62×25ملم
 

اخى الكريم انا لسه من يومين قدمت على الترخيص المبررات سجل تجارى (شركه مقاولات براس مال كبير)
وشقق تمليك وعربيه زيرو وبعد كل دا بيقول بس هى دى المبررات بتاعتك
مش عارف لازم اكون مالك مصر وحته من ليبيا وحته من السودان عشان ارخص حته مسدس وعجبى

رد: كل ما تريد معرفته عن المسدس الصينى 7.62×25ملم
 

لكن بالنسبه لموضوع السلاح فى الصعيدفاتركم مع الفيدو دا وانت احكمى دا فرح فرح
ما بالكم لو مشكله هيكون ازاى

رد: كل ما تريد معرفته عن المسدس الصينى 7.62×25ملم
 

تقريبا حضرتك من القوات المسلحة او السلك القضائى عاشن ترخص مسدس زى اللى مع سيادتك و الفئتين السابقتين يتطلع ليهم الترخيص بكل سهولة ويسر لان فى خانة سبب الترخيص مجرد بيكتب الدفاع وخلصت الليلة وتانى يوم الصبح المسدس طلع وكله تمام فعشان كيدا وكلمة حضرتك دى تدل ان سيادتك بعيد اوى اوى عن ارض الواقع تماما ولو حضرتك كنت متابع المنتدى عن قرب كنت عرفت ان عضو صاحب محل صرافة يحمل الكثير من الاموال ذهابا وايابا وطلع الترخيص بعد سنة ونص من الذل والمهانة وبطلوع الروح وعضو اخر يمتلك الكثير من الاراضى (وهى حجتهم وشركة كبيرة والكثير من الشقق) استخرجه بعد سبعة اشهر مع العلم ان اغلب عائلته كانت من كبارات وخد بالك من كبارات دى الداخلية وطلعة بالعافية ايه رايك ليس فيك نبرة التفائل ومبدا ابدا بنفسك اعرف سيادتك ان لو العملية سهلة كيدا شعب مصر كله هيرخص فى يوم انزلنا ارض الواقع شوية بعد اذنك

رد: كل ما تريد معرفته عن المسدس الصينى 7.62×25ملم
 

ممكن حضرتك تروح تقدم اليوم
انا قصدى مش اللى فات انا اقصد بعد الثوره
حد تقدم بطلب وحد قال له ماينفعش
بس اكتب مبرراتك بكل امانه
والحامى هو الله
وشكرا

رد: كل ما تريد معرفته عن المسدس الصينى 7.62×25ملم
 

انا لسه مقدم الطلب بتاريخ 18 \ 4 \ 2011
يعنى الاثنين اللى فات ومبرراتى اللى قلتها من قبل

رد: كل ما تريد معرفته عن المسدس الصينى 7.62×25ملم
 

وبعدين ايه اللى حصل اتقبل منك الطلب يعنى سوال مباشر التراخيص مفتوحة دلوقتى ولا مقفولة ومفيش تراخيص بصرف النظر عن اسباب الترخيص ؟

رد: كل ما تريد معرفته عن المسدس الصينى 7.62×25ملم
 

لسه ما اتقبلش عايزين اوراق ملكيه ليبيا والسودان

رد: كل ما تريد معرفته عن المسدس الصينى 7.62×25ملم
 

هو شكله عجبنى اوى وتحس انه محترم بس حكاية انه صينى دى بتخوفنى اوى ياسلام لو فى مصر حته روسى من بلدها تبقى اخر تمام .وشكرا ياريس على الموضوع

رد: كل ما تريد معرفته عن المسدس الصينى 7.62×25ملم
 

مفيش صعيدى بيتمسك بسلاح غير مرخص يا أستاذ طارق ، و الصعايدة بيتمشوا بالمدافع الرشاشة فى الشوارع ، و بيجاملوا فى الأفراح بالذخيرة الحية ، و بيهادوا بعض بحتت السلاح ، و بيحطوها فى شنط العربيات ، يا باشا لو متعرفش أنا أقولك ، الصعيدى رخصته عمته ، و لو مش مصدق إتفرج على نشرة الأخبار النهاردة و شوف إيه اللى بيحصل فى الصعيد

رد: كل ما تريد معرفته عن المسدس الصينى 7.62×25ملم
 

ارجو من الخوه الافاضل يراعو ان مفيش صعيدى ولا بحراوى ولا قاهرى كلنا مصريون ونظام الاعراق هذا مرفوض تماما شكلا وموضوعا ارجو التنبه الى هذا

رد: كل ما تريد معرفته عن المسدس الصينى 7.62×25ملم
 

بارك الله فيك أخي الحبيب...كلام سليم وصحيح 100% أؤيدك بشدة وأضم صوتي لك...وأنا بصراحة شايف إن الكلام في المواضيع دي بيثير النعرات ويعمق الخلافات ويحمل النفوس بدون داعي...مش فاهم إيه مناسبته ولا إيه الداعي منه...وهايوصلنا لإيه؟!...كلنا مصريون...مافيش مواطن درجة أولي ومواطن درجة ثانية...كل إنسان بعمله وبمدى إفادته للمجتمع والناس...وفي الأول والآخر بحسن خلقه وتواضعه مع الناس وإعتزازه بإنكساره وعبوديته لله وحده...خالص تحياتي...

رد: كل ما تريد معرفته عن المسدس الصينى 7.62×25ملم
 

وبارك فيك اخى انت الاخر

رد: كل ما تريد معرفته عن المسدس الصينى 7.62×25ملم
 

اولا احب اعرفكم ان الصين لم تصنع اى مسدسات صوت الا لعب الاطفال

رد: كل ما تريد معرفته عن المسدس الصينى 7.62×25ملم
 

لما حد بيكلمني علي مسدسات الصوت دمي بيغلي وبتخنق
مفروض نعمل ثوره عشان موضوع التراخيص دا ويبطلوا خنقه في ام الشعب دا