للحق
 

برجاء من اعضاء المنتدى اذا كان هناك مقاطعة لتجار السلاح فيجب انا تكون المقاطعة عامة حتى معا تجار المنتدى لان كتير منهم مستغلين ايضا
كنت قد كتبت شكر لا حد التجار من قبل لانه يبيع نوع من المسدسات بسعر معقول هو (400 ) جينه ولكنى اجد على صفحات المنتدى بعض تجار المنتدى يبعونه بأكثر من ذلك والحجة انه مفتوح كأنه محصلش يعنى وللعلم المسدس اللى اشتريتة 400 مفتوح
يوجد ايضا على صفحات المنتدى عروض كثير مستغلة مستفزة .
لذلك يجب ان تكون المقاطعة عامة اتباعا للحق وبلا نفاق

رد: للحق
 

بارك الله فيك

رد: للحق
 

شرفنى مرورك واتمنى ان يوفقنا الله

رد: للحق
 

هوا انت عندك حق على الرغم من ان تجار المنتدى مش هما اللى بيستوردوا فيما عدا شريف أبو ضيف والباقى بياخد اصلا من التاجر بسعر الجملة ويزود حاجة ليه ويبيع. بس الأول لازم نعرف تكلفة الحاجة على تاجر السلاح يعنى سعر السلاح فى بلده ثم الشحن ثم الجمارك (كجمارك وكتخليص جمركى) والدمغات ثم النقل ثم تكلفة المحل (ايجار - نور - خدمات) ثم أجور عمال وتأمين ثم ضرائب ثم ربحية. ولازم نعرف ان السلاح مش زى السيارات مثلا فعدد قليل جدا هوا اللى بيشترى سلاح سيبنا من الوقت الراهن انا بتكلم على المدى الطويل والوضع العادى. وأنا عن نفسى أعتقد ان تجار السلاح لو مبيشتغلوش فى توريدات سلاح للأمن أو للدول المحيطة أو غير رسمى يبقى مكسبهم بحق وحقيقى يدوب يشغلهم. والله أعلم

رد: للحق
 

الاستاذ saskon بيحلل الموضوع كانه بيعمل حساب الارباح والخسائر اكيد خريج تجاره تقبل مروري

رد: للحق
 

والله لما تجار امنتدى يخدو 50 جنيه مكسب فى القطعة يبقى كويس انما اكتر من كده يبقى افترا
موضوع المحلات والتكلفة وجمارك .... القطعة اللى قلت انى جبتها من محل ب 400 جنيه هى تمنها الأصلى اقل من 30 دولار يعنى بتتباع ب 150 % زيادة فوق تمنها الأصلى مش كفاية كدة
و محلات السلاح شغالة على طول فى الوضع العادى وده تعرفه من اعضاء المنتدى اللى يوميا فى محلات السلاح لشراء مستلزمات الصيد سوق السلاح شغال كويس جدا مش محتاجين شفقة .
وشرفنى مرورك

رد: للحق
 

انا سعيد
بجد انا فخور باني في المنتدي الرائع ده وم زمان نفسي الاقي ناس هنا علي النت وبيتناقشوا بالطريقه الجميله دي
ربنا يوفقكم
علي فكره انا عندي استعداد ان استغني عن الصيد ولا ادفع جنيه لمستغل
علي فكره انا بدور علي بندقيه صيد تكون مستعمله وحالتها كويسه
وموبيلي 0108864808

رد: للحق
 

لا والله مهندس بس مفيش مهنة مبتحتجش شوية تجارة :) ربنا يباركلك

أولا الشرف ليا أنا

ثانيا خلى بالك حتى ال 50 جنيه فيها كلام لأن مثلا واحد بيسافر زى هشام سمير غير واحد مكان نشاطه قريب كمان واحد بيشتغل فى حتة أو حتتين غير واحد بيشتغل فى 100 قطعة الموضوع بيخضع لحسابات التكلفة والمجهود (اللى احنا بنسميه فى شغلنا ساعات العمل او الراوتنج).

ثالثا فى حاجة اساسية بتتحكم فى سعر السوق وهى العرض والطلب وده مش فى البنادق فقط ولكن حتى فى المعادن شوف بورصة النحاس فى لندن او بورصة الذهب السعر ممكن يقفز 50% فى خلال شهرين فقط نتيجة لطلب متزايد او ربط مع منتجات اخرى مثل البترول او حروب الخ.

يعنى زيادة السعر فى حالة ان السلعة تشح شيئ طبيعى فى كل الدنيا طبعا انا معرفش اذا كان التجار فعلا بيكسبوا ارباح خيالية ولا لأ بس تتحسب.

كمان سوق السلاح شغال فى المعتاد على علبة مرسمان ولا رماية ولا حتى برومجنم ولا سوستة ولا جلبة ولا شوية طلقات توتو ولا صواريخ خرطوش للأفراح وده كله كلام فارغ فى حسابات التشغيل الا طبعا اذا كانوا بيشتغلوا غير قانونى.

وطبعا انا معاك ان لازم وقفة لتحديد سعر عادل بالنسبة للتاجر وبالنسبة للمشترى