بحث عن التشحيم
 

السلام عليكم ورحمة الله وبركاتة

ناس كتير اوى احتارت مابين انواع التشحيم والزيوت المستخدمة للبنادق وانا اولهم والى كان بيدور فى دماغى هل(ممكن نوع من الشحم يبوظ البندقية هل الزيت بياكل الجلبة هل هل هل..............من غير نهاية:confused::confused:

عشان كدة انا قررت اعمل بحث عن افضل نوع شحم وزيت مستخدم فى البنادق بس قبل ما انزل البحث محتاج منكم استفتاء على الاتى

كل واحد يقول بستخدم اى نوع شحم او زيت مع البندقية
واية راية من خلال تجربتة مع الشحم او ازيت


ومن خلال الاستفتاء هشوف اذا كان كلامكم بيدعم البحث بتاعى ولا فية اخطاء وفى كلا الحالتين انا هنزل البحث بتاعى وحتى لو الناس لم تحقق الاستفادة من البحث بتاعى يبقى استفادت من تجاربكم مع الشحوم والزيوت


ملحوظة *البحث بتاعى مشتمل على تجارب بالفيديو بس فى مشكلة انا مش عارف ارفعها على youtube ولا عارف اعمل ايميل عشان استخدمة فلو تكرم اى حد من الاعضاء يشرحلى اذاى اعمل ايميل على youtube حتى اتمكن من رفع الفيديو


ويارب كلنا نستفاد.......................................


جالص تحياتى لكل الناس:):):):):)

رد: بحث عن التشحيم
 

اية يا جماعة 19 مشاهدة ومفيش رد واحد طيب حتى لو الموضوع تعبان حد يقولى وبلاش منة

رد: بحث عن التشحيم
 

لأ ازاي يا باشا الموضوع مفيد طبعا وجميل وكان لسة الموضوع لسة جاي في دماغي انهاردة ....... بس ممكن موضوع اليو تيوب ده مش ناس كتير تعرفه عشان كده محدش رد لغاية دلوقتي ........... وبالنسبة للزيت اللي بستخدمه أنا كان عندي نوريكا 56 وكنت بستخدملها زيت عربيات بناء على نصيحة الزملاء في المنتدى وبصراحة معرفش تأثيره ايه لأن البندقية مقعدتش معايا اكتر من كام شهر ...
وهشوف موضوع اليوتيوب ده وابقى أرد عليك .....لو عرفت ان شاء الله .....

رد: بحث عن التشحيم
 

انا بستعمل
شحم esso fibrax 235 و زيت ماكينة الخياطة الابيض
و الكلام ده نصحني بيه استاذنا الكبير الكونصل
و الصراحة شحم رائع و انا استعملته اكتر من مرة و شغال معايا 100 100 الحمد لله
كذلك الزيت برده نفس الكلام

رد: بحث عن التشحيم
 

بالنسبة للشحم ممكن تجيب شحم سيارات لانه مفعوله اقوى والزيت ممكن تجيب زيت مكن الخياطة الابيض الشفاف بس من تجربتى الشحم اقوى بكتير لانه بيعش وكمان لو هتشحم السلاح وتركنه لفترة ميحصلهوش اى حاجة والله المستعان

رد: بحث عن التشحيم
 

بص يا سيدي .. بعد الفحص وجدت أحد خبراء المنتدي .. سيادة القنصل ... و هو كبير أعضاء المنتدي .. قد شارك برأية في هذا الشأن و قال :

أنه يستخدم للتشحيم شحم أسو esso fibrax 235 علبة لونها أبيض في أحمر ... و هي في حدود 17.00 ج
و بالنسبة للتزييت فهو يستخدم زيت ماكينات الخياطة الأبيض ماركة المهندس للمنار الزجاجة 1/2 لتر بـ 7.00 ج

... و بالنسبة لمجالي و هو قطع غيار السيارات فأنا أؤكد كلامة بالنسبة للشحم ... فهو جيد جدا بالمقارنة بباقي الأنواع الموجودة في السوق ..

و أنصحك ألا تستخدم زيت wd-40 للتزييت .. فهناك معلومة خاطئة عند بعض الأعضاء أنه يمكن التزييت به ... و لكنة في الحقيقة ... ( مزيل صدأ ) و هذا من واقع تعاملي معة في مجالي ..

و أسف للإطالة.

رد: بحث عن التشحيم
 

السلام عليكم ورحمة الله وبركاتة

طريقة عمل حساب على اليوتيوب اضغط هنـــــــا

رد: بحث عن التشحيم
 

ده فعلا موضوع مهم و لا غنى عنه ..و لو تسمحلى اضيف بردو ايه احسن نوع صمغ او "كله" لتثبيت المسامير فى البنادق الهاى بور عشان بتفك مع الاستخدام....تحياتى