Norica Marvic Gold
 

السلام عليكم .. عندى بندقية Norica Marvic Gold لسة شاريها من شهرين 820 قدم فى الثانية اول ما جبتها كانت عنيفة جدا وكان تعميرها صعب جدا وبعدين بقى السوستة ابتدت تبقى خفيفة فى التعمير اوى بعد حوالى 1000 طلقة قمت فكتها و كان واضح انها كانت مركونة بقلها كتير لان و انا بنضفها كانت بطلع صداء خفيف .المهم نضفتها ب WD40 كويس و بعدين شحمت و زيت وبقت تمام التمام و مستنى بقى اشوف العنف الى كانت بتعمله لكن محصلش اى تغير فى القوة و السوستة بقت ضعيفة جدا بعد حوالى 500 طلقة كمان قمت رحت اشتريت سوستة جديدة مضروبة طبعا وركبتها و بقت جامدة و راضى جدا عن اداءها بس مابقتش جامدة زى الاول يعنى لو المفروض انها 820 قدم فى الثانية اول ما جبتها لا هى دلوقتى ممكن اقول انها بقت 700 مثلا ..انا عايز اعرف اجيب سوستة قوية منين و لو حبيت اشترى سوستة OX موجودة فى مصر ولا لاو المفروض السوستة تتغير بعد كام طلقة ؟؟؟؟ هل انا كدة بفترى على السوستة ولا اية؟؟ ارجو المساعدة رايكم و خبرتكم تفيدنا فعلا و الموقع دة فعلا جيد جدا لان الهواية قليلة جدا فى مصر و المنتدى دة بيجمعهم من كل مكان ولاازم يا جماعة نطلع طلعة سوا و الآخ محمد سيد لازم اشوفك ونطلع نصتاد سوا.

رد: Norica Marvic Gold
 

طبعا المفروض السوسته تتغير وممكن تجيب سوسته من عند فتح الله هتلقيها غاليه شويه بس الاصليه وبعدين شحم الجلبه والسوسته وركبها ان شاء الله هتلاقيها اجمد من الاول

رد: Norica Marvic Gold
 

كلام عاصم ليس عليه غبار
ويستحسن طالما غيرت السوستة تغير الجلبة بالمرة

وإنشاء الله أشوفك عن قريب
أنا من سكان القاهرة _
تقترح نتقابل فين؟!

رد: Norica Marvic Gold
 

السلام عليكم , انا فعلا عملت بنصيحة عاصم ورحت عند فتح اللة و لقيت السوستة الاصلية بس غالية جدا و بعدين رحت عند اسلحة ابو ضيف ولاقتها بس ارخص من فتح اللة و البندقية بقت تمام اوى بس محدش قلى المفروض اغير السوستة كل كام طلقة بالضبط ,

رد: Norica Marvic Gold
 

هيا ملهاش عدد معين من الطلقات خالص هيا بس كل متحس ان البندقيه ضعفت اتاكد من الجلبه لو لقتها سليمه يبقي من السوسته وبعدين اكيد انت عارف الجلبه تكون سليمه ازاي لو مش عار ف
انت بتشفط البندقيه من الفوهه بتاعتها وتحط لسانك وفي كل مره هتعرف الفرق

رد: Norica Marvic Gold
 

اذي حال النوريكا دلوقتي وياتري السوستة لسة قوية وعلي فكرة البندقية بتاعتك قوية جدا حافظ عليها وياتري جبت السوستة بكام ؟

رد: Norica Marvic Gold
 

الاخ العزيز بلاك هاند
عندى لك نصيحة علشان تحافظ على السوستة قوية لاطول فترة هى والجلبة .. انك لاتترك البندقية متعمرة لفترة طويلة وممنوع نهائى انك تعمر وتضرب على الفاضى بدون طلقات ولا تزيت البندقية من الداخل

رد: Norica Marvic Gold
 

كلام جميل مشكورون