طلب تسعير بندقية مستعملة..
 

السلام عليكم....
عايز اعرف سعر بندقية صيني مستعملة
هي بتاع واحد قريبي.. :o نمرة اتنين.. طولها مترتقريبا.. ولها ماسورتين من قدام
الماسورة اللي تحت هي اللي بتتكسر... ورد فعلها قوي:mad:
صوتها عالي وصاحبها بيقول انها قوية...
الماركة مكتوبة بالصيني.. وانا ضعيف في الصيني بصراحة:confused:
تقريبا هي دي الشنغهاي;)
وهي عندهم من سنييييييييين
عايز اعرف سعرها تقريبا كام علي اعتبار ان حالتها كويسة.؟؟؟؟؟.
وينفع يركبلها منظار ولا لا؟؟؟؟؟:cool:
وبعد ما اشتريلها منظار هايبقي في فرق سعر .. ولا اشتري جديد احسن بمنظارة؟؟؟؟
وتنفع كبداية ,,, ولا هاتعقدني في الصيد؟؟؟؟
انا لسة جديد في الهواية دي..:o وماعنديش خبرة خالص .. غير طبعا قراءات في المنتدي المحترم دة.:)
وشكرا مقدما لاهتمامكم....

رد: طلب تسعير بندقية مستعملة..
 

الافضل وضع صورة... متهيألي 700 - 800 جنيه حلو أوي

رد: طلب تسعير بندقية مستعملة..
 

استاذى العزيز مع احترامى للاستاذ مصراوى اسمحلى اتكلم 700 او 800 دى سعرها جديد يا استاذ مصراوى الاستاذ بيتكلم فى بندقيه صينى b3-2 هى دى اللى ليها عتله من تحت بتتعمر بيها ودى تمنها مستعمل لا يتعدى 400 او 500 جنيه وكمان انت بتقول موديل قديم بس طبعا معرفش اتمنها لحضرتك الا لما اشوف حالتهاومن جهه تنفع كبدايه اه هى تنفع كبدايه اما موضوع المنظار مش هتحتاجه لانها بندقيه عاديه مش هاى بور يعنى سرعتها لا تتعدى 140 متر فى الثانيه يعنى اقصى مدى مثلا هتصطاد بيها على 50 متر نقول اعلى حاجه بتهيقلى هتجيبها بعهينك المجرده اما المنظار عاده بيحطوها فى الهاى بور لان بتصيد من على مسافات اكبر ويارب اكون قدرت افيدك وتقبل مرورى

رد: طلب تسعير بندقية مستعملة..
 

السلام عليكم ورحمة الله تعالى وبركاته
انا اوافق الاستاذ محمد إسماعيل لان البندقيه سعرها جديدة حوالى 850 جنيه تقريبا , وسعرها مستعمل ممكن يكون
من 400 إلى 500 ولا تتعدى ذلك .
واما بالنسبه للتليسكوب فهو غير ضرورى لانه لو اشتراه جديد سيدفع فيه اكثر مما سيدفع فى البندقيه .
وربنا يوفق البائع والمشترى,,,

رد: طلب تسعير بندقية مستعملة..
 

السادة المحترمين...... مصراوي , محمد اسماعيل , professional sniper

الف شكر ياجماعة علي الرد
طيب احناكدة وصلنا ان البندقية b3 2 وتمنها من 400الي 500 هانعتبرة 400 لان صاحبها قريبي ومش محتاجها
عايز اعرف العتلة والكسر .. ايهما افضل؟؟؟؟ولية بنعمل واحدة عتلة والتانية كسر؟؟؟؟
وازاي واحد جاهل زيي اول مرة يمسك بندقية....يقدر يحكم علي حالتها؟؟؟؟؟؟
يعني اخد بالي من اية وانا بشتريها؟؟

وهل يمكن تعديلها لرفع ادائها؟؟؟؟

واخيرا هل قطع غيارها متوفرة ولا لا؟؟؟؟
يعني لو احتاجت سوستة وزناد؟؟ هلاقيهم؟؟ ويا تري اسعارهم كام؟؟؟؟
عشان ما اصرفش عليها تقوم تقرب من سعر الجديدة؟؟؟؟
يبقي كان الجديد احسن....

وشكرا مرة اخري ...

رد: طلب تسعير بندقية مستعملة..
 

متابع.....

رد: طلب تسعير بندقية مستعملة..
 

استاذى العزيز بالنسبه للعتله او الكسر مش هتحس ازى بافلرق لانك فاول الطريق وفى الصينى فوجهه نظرى مش هتفرق غير ديناميكيه الشكل لا اكتر زى العربيه السيدان والعربيه الهاتش باك ممكن تلاقى الاتنين سىسى واححد بس دى شكل ودى شكل انما قطع الغيار متخفش هتلاقيها وبوفره

رد: طلب تسعير بندقية مستعملة..
 

الله ينور عليكم يا شباب...أساتذة وخبراء ما شاء الله عليكم...بس نصيحتي لأخونا العزيز بلاش تشتري مصري أو صيني مستعمل...هاتصرف عليه وتلاقي نفسك ما وفرتش والإسم مستعمل...إشتري جديد أحسن وبخيره...إضافة بسيطة وتوضيح بالنسبة للعتلة والكسر...لكل مزايا وعيوب...في العتلة إما سفلية أو جانبية تكون الماسورة ثابتة وبالتالي أدق في النيشان وصعب إلتوائها وإنثنائها لأنها قطعة واحدة وثابتة...ونظام تلقيم الرش إما بوابة أو جزرة فبطيئ نسبيا ويمكن أن يكون عرضة للتنفيس وكذلك وجود أجزاء متحركة كثيرة ومفصلات عرضة للتلف والإستهلاك سريعا وبالتالي فكها وصيانتها أصعب وتحتاج لفني متخصص...أما في الكسر فيكون تلقيم الرش أسرع ولا يوجد بها مفصلات وأجزاء متحركة كثيرة وبالتالي تعمر أكثر وفكها وصيانتها أخف وأسرع وأبسط...ولكنها في المقابل عرضة للإنثناء والإلتواء وربما الكسر لو تعرضت لصدمات أو وقعت على الماسورة بطريق الخطأ...إقتناء هذا أو ذاك وأيهما أفضل كما سبق وأوضحت لكل مزاياه وعيوبه...الموضوع ليس أكثر من كونه تنويع وراحة نفسية وميل وإستعداد يختلف من شخص لشخص...وفي الآخر كله بيصطاد ويمارس الهواية...والصيد رزق...وكما يقال الرك على الصياد...خالص تحياتي...

رد: طلب تسعير بندقية مستعملة..
 

شكرا محمد بي..
:)
معلش سؤال صغير..
هل الموديلات القديمة.. احسن ؟.....ولا زي؟...... ولا اوحش؟؟؟؟؟؟.... من الموديلات الجديدة؟؟؟؟؟
من حيث الخامة؟
لو احسن يبقي كدة هاشتريها علطول ...؟....

رد: طلب تسعير بندقية مستعملة..
 

ياباشا انا متشكر جدا علي الرد.... انا ما استحقش كل الاهتمام دة من سيادتك...

هي الفكرة ان انا عايز اشتري حاجة جديدة وهاي بور
بس انا قريت في المنتدي كتير واقتنعت ان انا لازم اخد السلم من اولة...
يعني لازم اعدي علي العادية الاول واتعلم النشان من غير منظار....
وبالمرة اكتسب خبرة في طرق الصيانة للبندقية.. وانواع الطيور ومواسمها...
فالخطة دلوقتي ان انا اشتري ال b3-2 المستعملة دي اتعلم عليها وبعد كدة اجيب واحدة في حدود 2500 تكون هاي بور ومنظار....
وتبقي ال b3-2 معايا زيادة......


الحاجة اللي انا بفكر فيها دلوقتي... هل الهاي بور تغني عن العادية تماما ؟؟؟؟؟
ولا هاحتاج العادية بردة حتي بعد ما اشتري الهاي بور؟؟؟؟؟

رد: طلب تسعير بندقية مستعملة..
 

العفو أخي الحبيب...أنا آسف إني مقصر معاك...أنت تستاهل إهتمام أكثر من هذا...وكان المفروض أرد عليك بإستفاضه...ولكن للأسف بالي مش رايق ومش قادر أركز معاك ومع باقي الأخوة الأعزاء...بصراحة حزين وزعلان فعلا ومش عاجبني إللي بيحصل على المنتدي...ربنا يستر علينا وعلى منتدانا...المهم نيجي لموضوعك...كمعلومة صغيرة وهامة...الهاي باور لن تغنيك عن البندقية المتوسطة القوة...الهاي باور للأهداف الخاصة والصعبة والبعيدة...وستجد أن معظم إستعمالك للبندقية المتوسطة القوة...في الحالات العادية يكون أغلب صيدك على مسافات 10-20 متر ولا تحتاج في هذه المسافات لهاي باور حتي لا تسرق الطير أو تهرتكه...لكل مقام مقال...ولكل ظروف صيد البندقية ا لتي تصلح له وكذلك نوع الرش المفضل والمناسب له...ليست القوة المفرطة مطلوبة طول الوقت...وأكرر نصيحتي مرة أخري لا تشتري صيني أو مصري مستعمل...إشتريها جديدة بخيرها وتعلم وتدرب عليها بطريقة صحيحة حتي تحببك في الهواية وتحصل منها على نتائج مرضية ومقبولة...ولا تبدأ من أولها في صيانة وإصلاحات وتصرف عليها مثل ثمنها جديدة وتشعر من داخلك بعدم الرضى عنها كونها قديمة ومستعملة وأنها غير مظبوطة وتأتي بنتئاج غير مرضية وغير مقبولة وتشكك في نفسك وفي قدراتك...هذا رأيي وهذه وجهة نظري وعن تجربة ومن الآخر...فإستفد وتعلم من تجاربنا وخبراتنا...وإبدأ من حيث إنتهينا...ولا تبدأ من حيث بدأنا...الإختيار إختيارك...وأنت صاحب القرار...خالص تحياتي...

رد: طلب تسعير بندقية مستعملة..
 

رد: طلب تسعير بندقية مستعملة..
 

بارك الله فيك يا أستاذ جمال , احنا بنتابع تعليقاتك بشغف شديد حتى نستفيد منها جميعا وأرجوك لا تحرمنا منها , ويجب أن تعلم أن ردك على أحد الأعضاء لا يكون للعضو المقصود فقط ولكن أعتقد أن كل من فى المنتدى يستفيد من الرد ومن آرائك القيمة , متعك الله بالصحة والعافية

رد: طلب تسعير بندقية مستعملة..
 

بارك الله فيك يا أستاذ جمال , احنا بنتابع تعليقاتك بشغف شديد حتى نستفيد منها جميعا وأرجوك لا تحرمنا منها , ويجب أن تعلم أن ردك على أحد الأعضاء لا يكون للعضو المقصود فقط ولكن أعتقد أن كل من فى المنتدى يستفيد من الرد ومن آرائك القيمة , متعك الله بالصحة والعافية

رد: طلب تسعير بندقية مستعملة..
 

وانا كمان من أكتر المتبعين ليك واامنتدى يا استاذ جمال .. متحرمناش من تعليقاتك وطلعتك البهية
وان شاء الله المنتدى يهدى شوية ويرجع زي الأول وأحسن ببأعضاؤه اللي بيحبو الهواية ده بعيدا عن اللي بيحصل في مصر حاليا.. تحياتي