الصيد فى مصر

الصيد فى مصر (http://www.egyhunt.net/index.php)
-   الصيد العام (http://www.egyhunt.net/forumdisplay.php?f=1)
-   -   عملت جراب للبندقية بنفسي+الصور (http://www.egyhunt.net/showthread.php?t=5602)

TELEBK 11-03-10 02:32 PM
عملت جراب للبندقية بنفسي+الصور
 
8 مرفق
السلام عليكم ورحمة الله وبركاته
الحمد لله إشتريت بندقية نمره 2 ، بس قابلتني مشكلة وهيه إنها من غير جراب بالكرتونه ، وكان صعب التنقل بيها لوحدها علشان ماتتبهدلش ، رحت عند أبو ضيف وسألت علي الجراب ، قالولي المحل إتعرض للسرقة وكل حاجة إتسرقت فيه ، وجابت ليه جراب قماش ووتر بروف أكنه طالع من تحت بلدوزر ومقطع ومبهدل ، وقالت ليه 100 جنيه وهوه مايستاهلش 30 جنيه علي بعض ، المهم إستخرت ربنا وقولت أعمل جراب جلد للبندقية ، وخصوصا إني الحمد لله بعرف أعمل الحاجات ديه ومدرب عليه نتيجة دراستي في الكلية وحبيت أنقل ليكم خطوات تصنيعة والخامات إللي إتصنع منها وأماكنها وأسعارها .
ملحوظة : آسف لعدم إدراج صور مراحل التصنيع لعدم توافر الكاميرا معي في هذا الوقت ، وقمت بإدراج صور الجراب بعد الإنتهاء منه فقط .
أولا : الأدوات :
1 - نصف متر جلد سكاي " اللون المفضل لديك " - السعر 11 جنيه - من عند بتوع الجلود في العتبه أو من عند أي حد بيبع جلد لكسوة العربيات وفرشها .
2- نصف متر جلد سكاي " لون آخر " - السعر 11 جنيه .
3 - فرخ سفنج للتبطين تخانة 0.5 سم " نصف سم " - السعر 6 جنيه - من عند بتاع الجلد .
4 - 5 متر حبل لعمل كردون أو حرف حول الجراب من الخارج - السعر 2 جنيه _ من عند بتاع الجلد .
5 - 2 علبه غراء سريع " كله " ربع كيلو - السعر 3 جنيه للواحدة - 6 جنيه لعدد 2 - من عند بتاع الجلد .
6 -2 متر سوسته عظم من عند العقاد + الجرارات بتاعتها - 8 جنيه .
7 - 5 متر شريط يد " حزام " أسود أو اللون المتوافر من عند العقاد - السعر 10 جنيه .
8 - بطانه قماش أو قطيفة - وديه ممكن تكون فضلة موجوده في أي بيت وفي حالة عدم وجودها نشتريها نصف متر من عند بتاع القماش وهيه مش غالية .
9 - أبلاكاش 4 مم لتقويه ظهر الجراب - من 8:10 جنيه - من عند أي نجار .
ثانيا : الخطوات :
1- تجيب البندقية وتحطها في الجلد الأساسي بتاعك وترسم شكلها وتزود عليه مسافة 10 سم داير مايدور " لزوم التني والخياطة " وتقصها .
2- تحيب الحبل وتحطه في الجلد اللون التاني وتقص شريط عرضة 5 سم وتلصق حروفه بالغراء وتنتظر 10 دقائق وتلصقهم مع بعض يديلك شكل الحزام .
3 - تلصق الحزام الجلد علي حرف الجراب الأساسي بالغراء السريع ثم تقوم بتبطين الجراب من الداخل بالأسفنج .
4 - ترسم وتقطع أشكال الجيوب إللي حضرتك محتاجها في الجراب من الخارج وتزود عليها 5 سم داير مايدور وبتطنها بالأسفنج وتغطيها بالقماش أو الكسوة الموجودة .
5 - تقطع الأبلاكاج علي أد نصف الجراب " الظهر " وده ممكن يبقي عند النجار علي طول وإنت بتشتري الأبلاكاج يقطعهولك ، وممكن ترسم الشكل إللي إنت عايز تقطعة علي قطعة ورقة جرنال وتديها له يقطع عليها .
ملحوظة : ممكن تعمل من نوع الجلد التاني إللي إتعمل منه الحزام تقويات في الجراب الأساسي من الداخل عند أماكن تثبت الأحزمة واليدات وما تراه مناسبا في الجراب الخاص بك .
**** كده وصلنا إلي إكتمال مراحل التجهيز وبكده نوصل إلي مرحلة التجميع .
ثالثا : التقفيل :
وده بيكون عند إي واحد بتاع تصليح شنط ومش جرمجي لازم بتاع شنط ، وبتسايسة وتمشي معاه واحدة واحده وتفهمة المطلوب بالضبط وتاخد معاك البندقية علشان كل شوية تقيس ويقيس عليها أثناء الخياطة ، وبعد الإنتهاء من الخياطة يقفلهولك ببرشام زياده في المتانة وتدي شكل جميل وأخد مني مقابل التقفيل والخطافات للحزام الخلفي 40 جنية .
***** تقريبا التكلفة الإجمالية بتكون في حوالي 100 جنيه ، يعني هيه غالية شوية بس بنعمل جراب علي أد البندقية بالظبط ، وبكون جلد وحاجة محترمة ولا جشع التجار وغلاستهم .
وبالتوفيق إن شاء الله
د / خالد
ودلوقتي مع الصور

محمد متولى 11-03-10 02:43 PM
رد: عملت جراب للبندقية بنفسي+الصور
 
اخيرا لاقيت موضوع يستاهل الرد
تسلم يا جميل الجراب ممتاز بس انتا نسيت تحط جيوب للرش والسكينة

TELEBK 11-03-10 02:45 PM
رد: عملت جراب للبندقية بنفسي+الصور
 
اقتباس:
المشاركة الأصلية كتبت بواسطة محمد متولى (المشاركة 54524)
اخيرا لاقيت موضوع يستاهل الرد
تسلم يا جميل الجراب ممتاز بس انتا نسيت تحط جيوب للرش والسكينة
الجيوب موجود وباينة في الصور وأنا كاتب عليها ومعلم عليها بالأسهم ، وشاكر لحضرتك لمرورك الكريم .

waleed2000s2 11-03-10 02:45 PM
رد: عملت جراب للبندقية بنفسي+الصور
 
الجراب ممتاز جدا وكل واحد يطور حسب الاحتياج

TELEBK 11-03-10 02:48 PM
رد: عملت جراب للبندقية بنفسي+الصور
 
اقتباس:
المشاركة الأصلية كتبت بواسطة waleed2000s2 (المشاركة 54526)
الجراب ممتاز جدا وكل واحد يطور حسب الاحتياج
شارك لحضرتك تشجيعك الكريم ، وعلي رأي المثل " الحاجة أم الإختراع " وإحنا الحمد لله شعب ذكي ولماح ، ومفيش حاجة بتقف إدامنا ، لما بنعوز نعمل حاجة نحطها في دماغنا ونعملها .

braveheart 11-03-10 03:18 PM
رد: عملت جراب للبندقية بنفسي+الصور
 
فوق الممتاز ... و فكرة جميلة و موفرة و عملية ... فعلا برافو عليك .. بالتوفيق.

ahmed_su 11-03-10 03:21 PM
رد: عملت جراب للبندقية بنفسي+الصور
 
الله ينور ...

احب اللى يشتغل بأيده 10/10

msa_79 11-03-10 03:30 PM
رد: عملت جراب للبندقية بنفسي+الصور
 
فعلا امتع حاجه انك تعمل حاجه بإيدك

doos99 11-03-10 03:45 PM
رد: عملت جراب للبندقية بنفسي+الصور
 
فكره رائعه تسلم ايدك يا ريت تعمل واحد كمان للمسدسات و تصور لنا خطوات العمل

TELEBK 11-03-10 04:17 PM
رد: عملت جراب للبندقية بنفسي+الصور
 
اقتباس:
المشاركة الأصلية كتبت بواسطة doos99 (المشاركة 54561)
فكره رائعه تسلم ايدك يا ريت تعمل واحد كمان للمسدسات و تصور لنا خطوات العمل
الحقيقة حكاية جراب المسدسات ديه معرفهاش لإن أنا أمتلك بنقدقية ، وعلي أساسها أخدت المقاسات وفصلت الجراب عليها ، وإللي دفعني لكده إني مالاقيتش الجراب بيتباع والموجود سيئ جدا ، لكن جرابات المسدسات موجوده بكثره اليومين دول وأسعارها مش غالية .
وعلي العموم أنا تحت أمر أي حد في أي سؤال يحتاجة .

TELEBK 11-03-10 04:21 PM
رد: عملت جراب للبندقية بنفسي+الصور
 
اقتباس:
المشاركة الأصلية كتبت بواسطة msa_79 (المشاركة 54552)
فعلا امتع حاجه انك تعمل حاجه بإيدك
اقتباس:
المشاركة الأصلية كتبت بواسطة braveheart (المشاركة 54543)
فوق الممتاز ... و فكرة جميلة و موفرة و عملية ... فعلا برافو عليك .. بالتوفيق.
اقتباس:
المشاركة الأصلية كتبت بواسطة ahmed_su (المشاركة 54546)
الله ينور ...

احب اللى يشتغل بأيده 10/10
شاكر ليكم تشجيعكم ليه ، وده بيعكس روح المحبة والإحترام إللي أنا حسيته من وقت دخولي المنتدي ده ، بارك الله فيكم ، وأنا علي أتم الإستعداد للإفاده والرد علي أي إستفسار فني ، فمجال عملي هو الفن التشكيلي والتدريس بالجامعة لهذا الفن والفنون المهارية واليدوية .

waleedrahmy 11-03-10 05:47 PM
رد: عملت جراب للبندقية بنفسي+الصور
 
صدقت فأوفيت يا د/خالد..........فكرة جميلة وتنفيذ اجمل وموضوع مرتب ومنسق ومسلسل ومصور.......الصراحة رائع وبراف______________و ....... فن_________ان دكت___________ور صحيح

TELEBK 11-03-10 05:50 PM
رد: عملت جراب للبندقية بنفسي+الصور
 
اقتباس:
المشاركة الأصلية كتبت بواسطة waleedrahmy (المشاركة 54621)
صدقت فأوفيت يا د/خالد..........فكرة جميلة وتنفيذ اجمل وموضوع مرتب ومنسق ومسلسل ومصور.......الصراحة رائع وبراف______________و ....... فن_________ان دكت___________ور صحيح[/color][/i][/b]
شكرا ياباشمهندس ، وشاكر ليك تشجيعك ليه ، وده شرف إنه عجب حضرتك ، وأنا تحت أمر حضرتك في أي مشورة تحتاجها بإذن الله .

waleedrahmy 11-03-10 05:55 PM
رد: عملت جراب للبندقية بنفسي+الصور
 
ما تحرمش منك يا دكتور ولا شكر علي واجب حضرتك ابدعت فعلا

lastworld 11-03-10 06:19 PM
رد: عملت جراب للبندقية بنفسي+الصور
 
فكره جميله و عاليه قوى
ربنا يخليك عالافكار اللى مالهاش حل دى

محمد السيد فهيم 11-03-10 06:42 PM
رد: عملت جراب للبندقية بنفسي+الصور
 
بجد رائع تسلم ايدك

احمد العوضى 11-03-10 06:48 PM
رد: عملت جراب للبندقية بنفسي+الصور
 
ايه الجمال والحلاوه ده اللللللللللللللللللللللللللللللله عليك

ahmedabutaleb 11-03-10 08:21 PM
رد: عملت جراب للبندقية بنفسي+الصور
 
فكرة رائعة ياباشا

khaledshareef 11-03-10 08:55 PM
رد: عملت جراب للبندقية بنفسي+الصور
 
الله ينور يا دكتور
الى مزيد من الاختراعات
بالتوفيق دائما

محمود شلبي 11-03-10 09:45 PM
رد: عملت جراب للبندقية بنفسي+الصور
 
المتعه انك عملته بنفسك وكان ممكن تشترى اسهل ولكن علمنى الصيد ولا تعطينى سمكه روح الصياد

TELEBK 11-03-11 12:24 AM
رد: عملت جراب للبندقية بنفسي+الصور
 
اقتباس:
المشاركة الأصلية كتبت بواسطة lastworld (المشاركة 54638)
فكره جميله و عاليه قوى
ربنا يخليك عالافكار اللى مالهاش حل دى
اقتباس:
المشاركة الأصلية كتبت بواسطة محمد السيد فهيم (المشاركة 54643)
بجد رائع تسلم ايدك
اقتباس:
المشاركة الأصلية كتبت بواسطة احمد العوضى (المشاركة 54645)
ايه الجمال والحلاوه ده اللللللللللللللللللللللللللللللله عليك
اقتباس:
المشاركة الأصلية كتبت بواسطة ahmedabutaleb (المشاركة 54694)
فكرة رائعة ياباشا
اقتباس:
المشاركة الأصلية كتبت بواسطة khaledshareef (المشاركة 54705)
الله ينور يا دكتور
الى مزيد من الاختراعات
بالتوفيق دائما
اقتباس:
المشاركة الأصلية كتبت بواسطة محمود شلبي (المشاركة 54728)
المتعه انك عملته بنفسك وكان ممكن تشترى اسهل ولكن علمنى الصيد ولا تعطينى سمكه روح الصياد
أنا سعيد بكل التعليقات وآراء حضراتكم الجميلة ديه والبناءة ، وده بالفعل بيحسسني بمدي الإحترام الموجود في المنتدي وفي أعضاءة الكرام ، وبيكون حافز ودافع للأمام إن الواحد يحاول يطور ويفكر ويبتكر ، ومش عيب إن الواحد يحاول ويجرب حتي لو فشل مره وإتنين وتلاته أكيد في النهاية حيوصل ، وده إللي بحاول أوصله للطلبة عندي في الكلية ، بأكرر شكري وتقديري لحضراتكم ، وأنا علي وعدي بإعطاء إي معلومة خاصة بمجال عملي في حدود علمي .

كريم الشامي 11-03-11 10:38 AM
رد: عملت جراب للبندقية بنفسي+الصور
 
تسلم ايدك الله ينور

chemist ahmed fathy 11-03-11 10:44 AM
رد: عملت جراب للبندقية بنفسي+الصور
 
السلام عليكم
ما شاء الله عليك ده الشغل ولا بلاش مش تقلى فتح الله وجرابات بتوع السلاح , فعلا الانسان لما بيوصل لهدفه بيحس بمتعه كبيره جدا .

TELEBK 11-03-11 10:54 AM
رد: عملت جراب للبندقية بنفسي+الصور
 
اقتباس:
المشاركة الأصلية كتبت بواسطة chemist ahmed fathy (المشاركة 54932)
السلام عليكم
ما شاء الله عليك ده الشغل ولا بلاش مش تقلى فتح الله وجرابات بتوع السلاح , فعلا الانسان لما بيوصل لهدفه بيحس بمتعه كبيره جدا .
وعليكم السلام ورحمة الله وبركاته
أشكر لك تعليقك الكريم ، ودايما الحاجة أم الإختراع ، والحقيقة لو كنت رحت ولقيت الجراب بيتباع بسعر كويس وخامة محترمة وجيدة مكنتش تعبت نفسي وعملته من منطلق " شراء العبد ولا تربيته " ، بس الظروف إللي بتمر بيها البلد وحالة السرقة اللي تعرضت ليها محلات السلاح ونهب جميع محتوياتها خلتني أفكر إزاي أوفره ليه بخامة محترمة وبسعر معقول ، وده إللي حصل ، وممكن أي حد من أعضاء المنتدي الكرام يعمله وأحسن إن شاء الله ، لإن ديه ميزه في الإنسان " المقدرة علي إيجاد الحلول للأشياء الغير متاحة " ، بأكرر شكري وتقديري لحضرتك .

TELEBK 11-03-11 10:54 AM
رد: عملت جراب للبندقية بنفسي+الصور
 
اقتباس:
المشاركة الأصلية كتبت بواسطة كريم الشامي (المشاركة 54929)
تسلم ايدك الله ينور
شكرا وجزاك الله كل خير ، وأنا تحت أمر حضرتك وأي حد من الأخوه الأعضاء في أي سؤال ومشورة بإذن الله تعالي .

mahmoud el masry 11-03-12 08:38 AM
رد: عملت جراب للبندقية بنفسي+الصور
 
والله حاجة حلوة اوى لما الحاجة بتعتك تبقى انت الى صنعها بنفسك عليها بصمتك:d

TELEBK 11-03-12 11:57 AM
رد: عملت جراب للبندقية بنفسي+الصور
 
اقتباس:
المشاركة الأصلية كتبت بواسطة mahmoud el masry (المشاركة 55470)
والله حاجة حلوة اوى لما الحاجة بتعتك تبقى انت الى صنعها بنفسك عليها بصمتك:d
أكيد وعند حضرتك حق ، وحاجة تانيه إنك بتعمل الحاجة علي قد المطلوب يعني مش بتجيب مثلا جراب يسع أي مقاس ، البندقية حتتحرك فيه ، لكن الواحد بيفصل علي أد البندقية أو أي شئ فبيطلع شكلة جميل ومحترم ومناسب ليها .

بندق 11-03-12 01:42 PM
رد: عملت جراب للبندقية بنفسي+الصور
 
السلام عليكم
بجد بجد الله ينور اجمل حاجه ان حضرتك تعمل كده بأيدك بس مش خساره في الشنغهاي ده يتحط فيها bsa _ gamo _ نوريكا حاجه كده يعني تليق بصنع اديك
يارب يباركلك فيه
السلام عليكم

TELEBK 11-03-12 02:09 PM
رد: عملت جراب للبندقية بنفسي+الصور
 
اقتباس:
المشاركة الأصلية كتبت بواسطة بندق (المشاركة 55557)
السلام عليكم
بجد بجد الله ينور اجمل حاجه ان حضرتك تعمل كده بأيدك بس مش خساره في الشنغهاي ده يتحط فيها bsa _ gamo _ نوريكا حاجه كده يعني تليق بصنع اديك
يارب يباركلك فيه
السلام عليكم
ياسيدي الفاضل متشكر علي مرورك الكريم ، وبعدين الشنغهاي ديه اول بندقية أمتلكها وبأتعلم عليها والحمد لله عليها ربنا يكرم ولما أتمكن إن شاء الله أبقي أجيب حاجه تانية ، وعلي العموم الشنغهاي مش وحشة اوي كده أنا شايف إنها مناسبة لواحد بيبتدي .
مع خالص شكري وتقديري

بندق 11-03-12 03:56 PM
رد: عملت جراب للبندقية بنفسي+الصور
 
السلام عليكم
متشكر جدا كنت عاوز اقول ان الجراب صنع اديك افضل بكتييييييييير
السلام عليكم

professional sniper 11-03-12 04:06 PM
رد: عملت جراب للبندقية بنفسي+الصور
 
ماشاء الله لاقوة إلا بالله
تسلم ايدك يا د/ خالد على المجهود الجميل ده , وإن شاء الله حضرتك تتحفنا بالمزيد من الاختراعات الجميله دى , وجزاك الله عنا كل خير .
تقبل مرورى ,,,

TELEBK 11-03-12 04:24 PM
رد: عملت جراب للبندقية بنفسي+الصور
 
اقتباس:
المشاركة الأصلية كتبت بواسطة professional sniper (المشاركة 55614)
ماشاء الله لاقوة إلا بالله
تسلم ايدك يا د/ خالد على المجهود الجميل ده , وإن شاء الله حضرتك تتحفنا بالمزيد من الاختراعات الجميله دى , وجزاك الله عنا كل خير .
تقبل مرورى ,,,
أشكر ذوقك العالي في التعبير ، بس هوه في الحقيقة مش إختراع ولاحاجة ده مجرد جراب أنا إحتجته وأي حد ممكن يعمله ، الموضوع بسيط جدا ومش معقد ، وبأكرر لو حد من حضراتكم حب يعمل أي حاجة أنا تحت أمره في أي سؤال ومشوره في حدود معرفتي .

Aboyassin 11-03-12 08:27 PM
رد: عملت جراب للبندقية بنفسي+الصور
 
فكرة جميلة جدا يا د/ خالد
أفادكم الله و جزاك الله خيرا.

TELEBK 11-03-12 11:58 PM
رد: عملت جراب للبندقية بنفسي+الصور
 
اقتباس:
المشاركة الأصلية كتبت بواسطة aboyassin (المشاركة 55778)
فكرة جميلة جدا يا د/ خالد
أفادكم الله و جزاك الله خيرا.
وجزاك أنت أيضا كل خير .

tamer_tatow 11-03-13 02:03 AM
رد: عملت جراب للبندقية بنفسي+الصور
 
عايزين صور للصيد يا دكتور ومبروك علي البندقية الجديدة

sam 11-03-13 05:18 PM
رد: عملت جراب للبندقية بنفسي+الصور
 
والله فنان تسلم ايدك يا هندسة

mohamed_salam 11-03-14 04:00 PM
رد: عملت جراب للبندقية بنفسي+الصور
 
السلام عليكم
الله ينور
و طبعا اختراعات سياتك لازم تستمر علشنا صح
ياريت تطورلنا اى حاجه جديده
منتظرين مشاركاتك بالتطوير دايما
تقبل مرورى

كريم محمد أحمد 11-03-17 03:15 PM
رد: عملت جراب للبندقية بنفسي+الصور
 
ما شاء الله لا قوة إلا بالله
على فكرة من أحسن الجربات اللى شفتها فى حياتى روعة روعة روعة
دى أول مشاركة ليا فى المنتدى
وانا برده وجهتنى نفس مشكلتك بندقية من غير جراب
بس انا عمات جراب أهبل من بنطلون جينز قديم
بس ايه جراب عايز الحرق
إن شاء الله هعمل جراب زى اللى حضرتك مقدمه ده
جزاكم الله خيرا

TELEBK 11-03-17 08:30 PM
رد: عملت جراب للبندقية بنفسي+الصور
 
اقتباس:
المشاركة الأصلية كتبت بواسطة mohamed_salam (المشاركة 56519)
السلام عليكم
الله ينور
و طبعا اختراعات سياتك لازم تستمر علشنا صح
ياريت تطورلنا اى حاجه جديده
منتظرين مشاركاتك بالتطوير دايما
تقبل مرورى
شاكر لذوق حضرتك ، وديه مش إختراعات ولا حاجة ديه إحتياجات بنتعرض إننا نحتاجها ونقتنيها علشان يكمل الشكل العام للشئ المتقتني ، وبأكرر شكري لحضرتك .
وبرضه فيه موضوع تاني إنا عامله عن " تحويل جراب الموبايل لجراب طلقات + الصور " ممكن حضرتك تشوفة وإن شاء الله تستفيد منه وده اللينك بتاعه .
http://www.egypthunt.net/showthread.php?t=5657
مع خالص تحياتي

TELEBK 11-03-17 08:33 PM
رد: عملت جراب للبندقية بنفسي+الصور
 
اقتباس:
المشاركة الأصلية كتبت بواسطة كريم محمد أحمد (المشاركة 57850)
ما شاء الله لا قوة إلا بالله
على فكرة من أحسن الجربات اللى شفتها فى حياتى روعة روعة روعة
دى أول مشاركة ليا فى المنتدى
وانا برده وجهتنى نفس مشكلتك بندقية من غير جراب
بس انا عمات جراب أهبل من بنطلون جينز قديم
بس ايه جراب عايز الحرق
إن شاء الله هعمل جراب زى اللى حضرتك مقدمه ده
جزاكم الله خيرا
بالتوفيق وأنا تحت أمر حضرتك في أي إستفسار وأي معلومة تفيد حضرتك .
مع خالص تحياتي

pooforever_2010 11-03-26 04:02 PM
رد: عملت جراب للبندقية بنفسي+الصور
 
الف مبروك يا باشا على البندقيه الجديده ربنا يكفيك شرها
وبجد فكرة اكثر من ممتازة انا برده اوقات بعمل حاجه بايدى واوقات اكلفها اكتر من الجاهز
بس فيه فرحه بتحصل للواحد لما يعمل حاجته بايده تسوى كنوز الدنيا
جارى عمل جراب للمسدس ان شاء الله
ومبروك تانى يا باشا انا كنت حعمل نفس الموضوع لان جرابات المسدس مش عجبانى
وبعمل واحد جلد بس حضرتك سبقت واعجبنى ان فيه اخ محترم ليه نفس تفكيرى ومبدع كمان
تقبل مرورى
اخوك الصغير

TELEBK 11-03-26 08:28 PM
رد: عملت جراب للبندقية بنفسي+الصور
 
اقتباس:
المشاركة الأصلية كتبت بواسطة pooforever_2010 (المشاركة 62481)
الف مبروك يا باشا على البندقيه الجديده ربنا يكفيك شرها
وبجد فكرة اكثر من ممتازة انا برده اوقات بعمل حاجه بايدى واوقات اكلفها اكتر من الجاهز
بس فيه فرحه بتحصل للواحد لما يعمل حاجته بايده تسوى كنوز الدنيا
جارى عمل جراب للمسدس ان شاء الله
ومبروك تانى يا باشا انا كنت حعمل نفس الموضوع لان جرابات المسدس مش عجبانى
وبعمل واحد جلد بس حضرتك سبقت واعجبنى ان فيه اخ محترم ليه نفس تفكيرى ومبدع كمان
تقبل مرورى
اخوك الصغير
شكرا لذوقك العالي ، وبإذن الله ربنا يوفقك في عمل الجراب للمسدس ، وأنا تحت أمر حضرتك في أي إستفسار بإذن الله .

aymoon_apl 11-03-27 01:01 PM
رد: عملت جراب للبندقية بنفسي+الصور
 
حقيى تسلم إيدك الجراب ده بيتباع غالى جدا وانت وفرت فيه كتير ده فوق الممتاز وتحت الرائع ...

Mohamed Mahmoud 11-03-27 01:57 PM
رد: عملت جراب للبندقية بنفسي+الصور
 
الله ينور عليك يا زعيم تسلم ايديك

oteote2010 11-03-29 03:06 AM
رد: عملت جراب للبندقية بنفسي+الصور
 
انا بحب ده اوي .

بحب ان الواحد يصنع حاجته بايده .

Ahmed914 11-03-31 12:28 AM
رد: عملت جراب للبندقية بنفسي+الصور
 
فكرة حلوة جداً ليه ما تحاولش البداية فى عمل جرابات لأعضاء المنتدى بأسعار معقولة وبخامات ممتازة زى ما عملت وأهو منها مشروع تجارى وفى نفس الوقت أعضاء المنتدى يستفيدوا من خبراتك ؟

oteote2010 11-03-31 06:11 PM
رد: عملت جراب للبندقية بنفسي+الصور
 
اقتباس:
المشاركة الأصلية كتبت بواسطة ahmed914 (المشاركة 64999)
فكرة حلوة جداً ليه ما تحاولش البداية فى عمل جرابات لأعضاء المنتدى بأسعار معقولة وبخامات ممتازة زى ما عملت وأهو منها مشروع تجارى وفى نفس الوقت أعضاء المنتدى يستفيدوا من خبراتك ؟
الفكره رائعه جدا انا رايي انه ينفذها . ويعمل موضوع ويعرض فيه شغله ويعرض السعر والخامات المصنوع منها الجراب . واللي عاوز يكلمه .

TELEBK 11-03-31 07:24 PM
رد: عملت جراب للبندقية بنفسي+الصور
 
اقتباس:
المشاركة الأصلية كتبت بواسطة ahmed914 (المشاركة 64999)
فكرة حلوة جداً ليه ما تحاولش البداية فى عمل جرابات لأعضاء المنتدى بأسعار معقولة وبخامات ممتازة زى ما عملت وأهو منها مشروع تجارى وفى نفس الوقت أعضاء المنتدى يستفيدوا من خبراتك ؟
السلام عليكم ورحمة الله وبركاته
أولا : أشكركم جميعا لهذا التشجيع لي ، ومع خالص إحترامي لجميع رواد المنتدي .
ثانيا : موضوع عمل الجرابات مشروع فكره مش وحشة بس هيه عايزه تفرغ لإن الموضوع ده بيتعمل يدوي ، وبياخد وقت وجهد كتير ، والحقيقة أنا معنديش الوقت ده لإن عندي مسؤليات تانيه خاصة بتدريسي في الكلية .
ثالثا : الجراب إتكلف معايا تقريبا 100 جنيه وكان فيه حاجات من عندي ، بس هوه الحقيقة حاجة محترمة جدا وكل إللي شافة عجبه ، وشكله فيه رهبة السلاح وده مش كلامي ده كلام الناس لما شافوه معايا ، وأخد مني تقريبا إسبوع علي ماخلص ، طبعا ماكنتش قاعد له كل يوم من أول النهار ، فلو عايز أعمله تاني ويكون مصدر دخل ليه ومشروع طبعا لازم حيكون فيه مكسب يوازي تعبي ، وفي الحاله ديه حيغلي ، وأعتقد إن فيه ناس كتير حتستكتر المبلغ ، وممكن يكون كتير عليها ، لكن مافيش مانع إني أفكر في الموضوع ده لو كان حيكون بشكل مرضي ومناسب ليه ماديا ، ويكفي تعبي ومجهودي .
مع خالص شكري وتقديري

صائد البوم 11-03-31 08:26 PM
رد: عملت جراب للبندقية بنفسي+الصور
 
الله ينور والله فكره جميله

waleedrahmy 11-03-31 08:27 PM
رد: عملت جراب للبندقية بنفسي+الصور
 
اقتباس:
المشاركة الأصلية كتبت بواسطة telebk (المشاركة 65410)
السلام عليكم ورحمة الله وبركاته
أولا : أشكركم جميعا لهذا التشجيع لي ، ومع خالص إحترامي لجميع رواد المنتدي .
ثانيا : موضوع عمل الجرابات مشروع فكره مش وحشة بس هيه عايزه تفرغ لإن الموضوع ده بيتعمل يدوي ، وبياخد وقت وجهد كتير ، والحقيقة أنا معنديش الوقت ده لإن عندي مسؤليات تانيه خاصة بتدريسي في الكلية .
ثالثا : الجراب إتكلف معايا تقريبا 100 جنيه وكان فيه حاجات من عندي ، بس هوه الحقيقة حاجة محترمة جدا وكل إللي شافة عجبه ، وشكله فيه رهبة السلاح وده مش كلامي ده كلام الناس لما شافوه معايا ، وأخد مني تقريبا إسبوع علي ماخلص ، طبعا ماكنتش قاعد له كل يوم من أول النهار ، فلو عايز أعمله تاني ويكون مصدر دخل ليه ومشروع طبعا لازم حيكون فيه مكسب يوازي تعبي ، وفي الحاله ديه حيغلي ، وأعتقد إن فيه ناس كتير حتستكتر المبلغ ، وممكن يكون كتير عليها ، لكن مافيش مانع إني أفكر في الموضوع ده لو كان حيكون بشكل مرضي ومناسب ليه ماديا ، ويكفي تعبي ومجهودي .
مع خالص شكري وتقديري
د/خالد انا بؤيد عمل مشروع الجرابات للبنادق وحضرتك تضيف نسبة الربح ال ترضيك وتكفي تعب حضرتك وكفاية انه صناعة يدوية متقنة وحايبقي احسن من ال بيباع جاهز في محلات الاسلحة....وانا حابتدي الطلبية بعدد 2جراب لي ......ولسيادتك وافر الشكر

hosam ibrahem 11-04-01 03:43 PM
رد: عملت جراب للبندقية بنفسي+الصور
 
الله ينور عليك صناعة ممتازة جدا

Abkreno_007 11-04-02 03:30 AM
رد: عملت جراب للبندقية بنفسي+الصور
 
فكرة رائعة فعلا
وبصراحة انا كمان كنت هطلب من حضرتك نفس الطلب
طريقة عمل جراب لمسدس وازاى ناخد المقاسات وكده
لان بجد الاسعار مش بتاعت الجرابات مش لذيذة خصوصا اليومين دول
ولك جزيل الشكر

mahmoudalaa 11-04-02 04:13 AM
رد: عملت جراب للبندقية بنفسي+الصور
 
3 مرفق
بعد اذن حضرتك طبعا يا استاذ telebkبس انا اتشجعت لما شفت فكرة حضرتك وتنفيذها قلت اعرض فكرتي وبدل ما نعمل موضوع تاني ونزحم الدنيا ف انا بعرض فكرتي انا كنت منفذها بس حضرتك شجعتني علي عرضها وهي نسخة اقتصادية من الوتر بروف والاسفنج والقماش وتكلفتها في حدود 25جنية وطلعت فيها مواهبي التفصيلية واتعاملت مع مكنة الخياطة بس اهم حاجة انها بتحمي البندقية من المية والصدمات وشكلها مناسب مش وحش يعني حمارتك العارجة ودي الصور

TELEBK 11-04-02 05:51 PM
رد: عملت جراب للبندقية بنفسي+الصور
 
بسم الله ماشاء الله ، والله حاجة محترمة جدا وشيك ، كويس إن حضرتك عملت حاجه من صنع إيديك ، ربنا يبارك لك فيها ، وعقبال باقي الإنجازات إن شاء الله .

dr_mohasan 11-04-02 05:55 PM
رد: عملت جراب للبندقية بنفسي+الصور
 
بصراحة يا جماعة شىء رائع , ممكن ينفع بداية مشروع صغير تكلفته مش هاتزيد عن 5000 جنيه ومجدى جدا اقتصاديا بأمر الله , وممكن يكون التسويق عن طريق المنتدى

mahmoudalaa 11-04-02 06:14 PM
رد: عملت جراب للبندقية بنفسي+الصور
 
اقتباس:
المشاركة الأصلية كتبت بواسطة telebk (المشاركة 66625)
بسم الله ماشاء الله ، والله حاجة محترمة جدا وشيك ، كويس إن حضرتك عملت حاجه من صنع إيديك ، ربنا يبارك لك فيها ، وعقبال باقي الإنجازات إن شاء الله .
شكرا جدا واللة دة بس من زوق حضرتك

hema777h 11-04-03 10:06 PM
رد: عملت جراب للبندقية بنفسي+الصور
 
اقتباس:
المشاركة الأصلية كتبت بواسطة mahmoudalaa (المشاركة 66385)
بعد اذن حضرتك طبعا يا استاذ telebkبس انا اتشجعت لما شفت فكرة حضرتك وتنفيذها قلت اعرض فكرتي وبدل ما نعمل موضوع تاني ونزحم الدنيا ف انا بعرض فكرتي انا كنت منفذها بس حضرتك شجعتني علي عرضها وهي نسخة اقتصادية من الوتر بروف والاسفنج والقماش وتكلفتها في حدود 25جنية وطلعت فيها مواهبي التفصيلية واتعاملت مع مكنة الخياطة بس اهم حاجة انها بتحمي البندقية من المية والصدمات وشكلها مناسب مش وحش يعني حمارتك العارجة ودي الصور
اللة ينور بصراحة احنا معانا في المنتدي اولا صيادين وثانيا فاننين وثالثا صناع مهرة جدااا وداا واضح جدااا من صناعتكم للجربات الي اقدرتم تصنعوها بابسط الامكانيات واتمني دايما افكار جديدة من اروع منتدي اشتركت فية
ومعلش في معا يا بندقية نوريكا مش بتكسر والزناد مش بيلقط وعايز اصلحها وياريت تشورو عليا اصلحها فين .........

TELEBK 11-04-04 12:26 AM
رد: عملت جراب للبندقية بنفسي+الصور
 
السلام عليكم ورحمة الله وبركاته
فيه واحد في شارع شبرا بيصلح البنادق ، وعنوانه 100 شارع شبرا ، وده تقدر تروح ليه بالمترو في محطه روض الفرج أدام موقف الأتوبيس وبجانب محل الروماني بتاع الساعات ، وده تروح ليه بعد الساعة 12 ظهرا ، وإن شاء الله تتصلح ، وبالتوفيق .

waleedrahmy 11-04-04 08:12 AM
رد: عملت جراب للبندقية بنفسي+الصور
 
اقتباس:
المشاركة الأصلية كتبت بواسطة mahmoudalaa (المشاركة 66385)
بعد اذن حضرتك طبعا يا استاذ telebkبس انا اتشجعت لما شفت فكرة حضرتك وتنفيذها قلت اعرض فكرتي وبدل ما نعمل موضوع تاني ونزحم الدنيا ف انا بعرض فكرتي انا كنت منفذها بس حضرتك شجعتني علي عرضها وهي نسخة اقتصادية من الوتر بروف والاسفنج والقماش وتكلفتها في حدود 25جنية وطلعت فيها مواهبي التفصيلية واتعاملت مع مكنة الخياطة بس اهم حاجة انها بتحمي البندقية من المية والصدمات وشكلها مناسب مش وحش يعني حمارتك العارجة ودي الصور
ياريت حضرتك انت والدكتور/خالد تنفذوا الجرابات الرائعة ديه بالاسعار المتميزة ديه كمشروع ربحي وتستفاد منه الاعضاء

hardman_mido 11-04-06 09:07 PM
رد: عملت جراب للبندقية بنفسي+الصور
 
تسلم ايدك الله ينور

hesham[MaFya]a 11-04-12 09:18 PM
رد: عملت جراب للبندقية بنفسي+الصور
 
الهم صلى ع النبى ايه الجمال ده

TELEBK 11-04-12 09:47 PM
رد: عملت جراب للبندقية بنفسي+الصور
 
اقتباس:
المشاركة الأصلية كتبت بواسطة hesham[mafya]a (المشاركة 73546)
الهم صلى ع النبى ايه الجمال ده
وعليه أفضل الصلاة والسلام ، أشكر لك ذوقك الرفيع ، ومع خالص تحياتي .

koktal 11-04-18 07:08 PM
رد: عملت جراب للبندقية بنفسي+الصور
 
حاجه شيك فعلا

sherifsn 11-04-25 08:00 PM
رد: عملت جراب للبندقية بنفسي+الصور
 
تسلم إيدك وربنا يبارك لك، المهم حاول تضيف مكان للرش وللسكينة الحامية.
وماتنساش شوال فاضي كبير علشان اللي هتصطاده :)
تحياتي.

Heavy equipment 11-04-26 02:01 AM
رد: عملت جراب للبندقية بنفسي+الصور
 
للي مش عارف يجيب الخامات دي دي تقدر تلاقيها كلللللللللللللللللهااااااااااااااا عند اي حد بتاع تنجيد عربيات او ليه اسم تاني ستورجي

sleemm 11-04-28 05:05 PM
رد: عملت جراب للبندقية بنفسي+الصور
 
رائعة عقبال ما نعمل البندقية نفسها

talha_hasan 11-05-29 09:18 AM
رد: عملت جراب للبندقية بنفسي+الصور
 
موضوع ممتاز فكرة جميلة والى الامام دائما

سرسور 11-05-29 11:09 PM
رد: عملت جراب للبندقية بنفسي+الصور
 
الف مبروك و عقبال جراب الخرطوش

new sniper 11-06-09 10:20 PM
رد: عملت جراب للبندقية بنفسي+الصور
 
شكرا على المعلومات

YOSSEF EL MASRY 11-06-09 11:13 PM
رد: عملت جراب للبندقية بنفسي+الصور
 
عظيم ياباشا وفكرة جميلة
توضح بعد اذنكم

الاستوجي هو الشخص الذي يقوم بدهان الاخشاب
السروجي هو الشخص المختص بعمل فرش السيارات

a7md10 11-06-13 03:01 AM
رد: عملت جراب للبندقية بنفسي+الصور
 
فكرة رائعة بارك الله فيك


الساعة الآن 10:36 AM

Powered by vBulletin® Copyright ©2000 - 2026, Jelsoft Enterprises Ltd. TranZ By Almuhajir