بعد كل ده ....؟؟؟
 

من فترة كنت ناوي اجيب كرال وقريت وسألت وقررت بس كان فيه مواضيع كتير بتتحول من مواضيع عن الكرال التركي لمواضيع عن البام الصيني تمام زيادة المعرفة بالشئ حلوة ....قريت عن البام ولقيت كلام كتير معاها وكلام كتير ضدها بس المجمل خلاني اغير رأيي واقول بااااااام 21 / 22 وبس

قعدت فترة كده لغاية ما جت الفلوس الحمد لله وقلت مفيش غير استاذ هشام هوة اللي هيجبهالي مضمونة وسعرها مناسب وكلمتو ..........تاراااااا ......رد عليا رد مكنتش اتصورو ابدا قالي بلاش البام لو للصيد .........لأاااااااااااااااااااااااااا ........انا تهت من جدييد رجعت لنقطة الصفر الكرال مش حلوة وفيها وفيها والبام طلعت متنفعش للصيد والجيت النمرة 1 ......نمرة 1 يعني مش للطرائد الكبيرة ......
وانا كنت ناوي أجيب البام عشان تفضل معايا وانفذ بيها كل امالي في الصيد ......

ياريت حد يشاركني في الأزمة دي عشان استريح واجيب اللي ينفعني ...........

رد: بعد كل ده ....؟؟؟
 

نفس اللى حاصل معايا

انا محتار بين الجيت نمره 1 والهنتر 440

رد: بعد كل ده ....؟؟؟
 

السلام عليكم
انا هقولك حاجه كويسه
انت ممكن نوع الطرائد الى انت هتصطادها تحدد بيها نوع البندقيه
مثلا الجيت نمرة1 انت ممكن تصطاد بيها يمام وفراخ ميه وحمام واى حاجه فى الحجم دى
والبام بندقيه قويه فحرام ان انت تصطاد بيها يمام اليمامه محتاجه قوة اقل من كده بكتير
فحضرتك ممكن تحدد انت هتصطاد ايه وبعد كده تحدد ان شاء الله البندقيه
ولا تتسرع
فى التئنى السلامه وفى العجله الندامه

رد: بعد كل ده ....؟؟؟
 

هوة بالنسبة لنوع الصيد فللأسف المنتشر عندنا في مصر هوة اليمام والحمام وفراخ المية بس لو على مسافات بعيدة مأظنش ان البام هتبقى مفترية قوي حتى لو مع يمام وحمام .......
ومش عارف برضو أنا كنت بصطاد ببندقية نوريكا 56 حمام كنت بضرب الحمامة أسمع صوت الرشة بيخبط فيها وتأخذها وتطير لو البام بقى هتعمل ايه ........علما ان مسافة الصيد كانت في حدود 10. 15 متر

وكمان أنا بالنسبالي القوة دي حتى لو فتاكة كويس بس المشكلة الأكبر في الطيش وعدم الدقة .....

رد: بعد كل ده ....؟؟؟
 

وانا شرحه.........نفس القصة.......حيران بين البام 22 والكرال والنوريكا جيت وانا زيك بحب صيد الطرائد الكبيرة......الحل ايه؟؟؟؟؟؟؟؟

رد: بعد كل ده ....؟؟؟
 

تسجيل اشتراكي بالموضوع واسف لخبرتي وعجزي عن مساعدتك لكن موضوعك يهمني
وربنا يوفقك

رد: بعد كل ده ....؟؟؟
 

و أنا برضو محتار بين Gamo CFX و Norica Jet , ألJet أرخص بس أنا مستريح للCFX .....

رد: بعد كل ده ....؟؟؟
 

انا شاكر لردودكم جميعا .....
وبما ان موضوع التردد ده بقى منتشر للدرجة دي يبقى نعمل رابطة ونسميها (لو مش عارف عايز ايه ....تعالى قوللي ساكت ليه ) ههههههه
ونلم بعض ونقعد في حتة ونفضفض عن كل اللي نفسنا فيه ........
وبالنسبة للأخ مصطفى حسين انا هقولك نصيحة من واقع خبرتي النظرية الضعيفة جدا الجامو شركة أقوى من النوريكا في التطور والجامو cfx معروفة عند الصيادين بالموس لدقتها فأظن ان هية أفضل من الجيت

رد: بعد كل ده ....؟؟؟
 

الأخ العزيز basic
لو حضرتك معاك ثمن الجامو cfx فهى أفضل الأختيارات بالنسبة للبنادق الموجودة فى الموضوع ومايختلفش عليها اتنين.
أنما لو حضرتك بتقارن بين الكرال والبام فعن تجربة أشترى الكرال (وغيرلها السوستة بواحده جامو ب100 جنيه) وعلى فكرة هى نفس سوستة الجامو شادو 1000 و cfx . أنا ماجربتش البام لكن شوفتها جديدة فى محل أسلحة ولقيتها ثقيلة جدا على (مع العلم انا عمرى 49 سنة) وصاحب محل الأسلحة صديق شخصى وأكدلى ان الكرال أدق بكثير فى النيشان عن البام.
لو فكرت فى العيوب والمميزات مع فرق السعر حتلاقى سعر الكرال + 100 جنيه ثمن السوسته الكرال تكسب.
أستاذ basic حاول تشوف الأعضاء القريبين من سكن حضرتك ويكون معاهم كرال وبام وأنزل جرب البندقيتين على الطبيعة وقرر بنفسك أنت أستريحت لأنه بندقية فيهم.
وربنا يوفقك فى أختيار الأفضل.
خالص تحياتى

رد: بعد كل ده ....؟؟؟
 

شكرا استاذ عادل بس للأسف انا ممعيش فلوس لل cfx انا اللي معايا في حدود 1800 جنيه والسعر المناسب ليا هو البام والجيت نمرة 1 فالإختلاف دلوقتي عندي بين البام 22 والجيت نمرة 1