الصيد فى مصر - استفسار

الصيد فى مصر (http://www.egyhunt.net/index.php)

- منتدى سؤال وجواب (http://www.egyhunt.net/forumdisplay.php?f=108)

- - استفسار (http://www.egyhunt.net/showthread.php?t=49174)

السادة اعضاء المنتدى
انا عضو جديد فى المنتدى وفى عالم الاسلحة بردو
انا اشتريت طبنجه VALTRO mod.A.p92 Army

ممكن اعرف ايه مميزاتها وايه عيوبها وكل حاجه عنها
وهل قطع غيرها متوفرة ولا لاء
وسعرها كام جديد ومستعمل
لانى حاسس انى اتخدعت فى سعرها

رد: استفسار

المسدس علي قد سعرة وقطع غيارة متوفرة لكن الموجود في السوق مضروب مش الفالترو الايطالي الاصلي بتاعنا بتاع زمان فبيبقي انت وحظك طلع كويس شغال مطلعش كويس لا قدر الله بيتعبك المسدس مش مسدس العمر يعني لو حتتحامل علية في الضرب كتير زي مالمصريين بيعملوا لكن هو مسدس واقعي وشكلة علية القيمة و حجمة كبير لكن حنصحك نصيحة المسدس دة عيارة p.a. Knall nick لما تشتري اشتري الطلقات الفيوكي او المجري لكن الفيوكي افضل طبعا من حيث السعر وفنفس الوقت الخامة ونضافة الطلقة وحتكون مناسبة اوي معاك وابعد عن التركي دة خالص ومتقوليش صوتوا عالي و رخيص سئ جداااا وكمان المسدس حساس مش حيستحملها المهم خلي استخدامك طبيعي مش لازم الضرب عالفاضي و المليان ووراء بعض واهتم بالنظافة بالاسبراي كويس وحتة حتة وحط زيت سلاح نظيف واهتم بالسلاح حيعيش معاك وحيبقي 100 100 ان شاء الله ودي نصيحتي ليك عموما وبعدين انت اشتريتة بكام ومنين وانشاء الله متكونش مخدوع ولا حاجة

رد: استفسار

الحقيقة انا مش عايز اكرهك فى المسدس وف الهواية من اولها لكن للامانة انت المفروض كنت اشتريت حاجة غير الفالترو لانه اكيد مش الايطالى طبعا وهو مسدس على قده بصراحة وزى ما قالك نور انت وحظك ممكن الحتة اللى معاك يبقى ادائها كويس وممكن لأ بس ف جميع الحالات خليك خفيف عليه وما تضربش ع الفاضى ونضف وزييت باستمرار وعموما المسدس مهما كانت صناعته متواضعة لكن مع الاهتمام والاستخدام الصح يعيش معاك ان شاء الله
ملحوظة : اخى الكريم الاستفسار عادة بيكون قبل الشرا لاغتنام الفائدة

رد: استفسار

متشكر جدا ليكو يا جماعه وبجد نصاءحكم مفيدة جدا
انا اشتريته ب ٨٠٠ ينفع لو رفعت الصور للمسدس تعرفونى اذا كان كويس او مش كويس

وشكراً

رد: استفسار

اقتباس:

المشاركة الأصلية كتبت بواسطة احمد خالد (المشاركة 579437)

800 سعر كويس بس كان ممكن يجبلك بلو اف 92 افضل في الماتيريال و الاداء وبرضو مشابة للبيرتا 92 اكثر من الفالترو الي معاك ومش حتفرق رفع الصور في المعرفة لان الموجود في السوق كلة معروف الا بقي لو من عند اشرف عاذر او احمد منسي ب 2000 ج و ال85 كومبات ب 1500 و 1000 مستعمل
علي العموم بداية مناسبة وزي مقالك عاطف مش لازم تتحامل علية حتي لو كان زوراكي ولا روم مش مصنوع علشان نتحامل علية ونضرب بية ونتسابق وكدة واي عطل في المسدس احنا موجودين وممكن تشرفنا بردو في جروب الواتس نفيدك في الطوارئ وبعدين تعمل موضوع في المنتدي بمشكلتك

رد: استفسار

تمام بس ادخل ازاى على جروب الواتس

رد: استفسار

اقتباس:

المشاركة الأصلية كتبت بواسطة احمد خالد (المشاركة 579456)

تمام بس ادخل ازاى على جروب الواتس

اديني نمرتك اضيفك يا ا\خالد:joi:

رد: استفسار