طلب صغير
 

طلب صغير يا شباب

اجيب البندقيه اللي ب350 جنيه

ولا زي قلتها

؟؟؟؟؟؟

700 جنيه
 

طيب ما تقرص على نفسك . أو تصبر شوية عشان تحوش
وتحاول تخلي المبلغ 700 جنيه .. عشان تجيب واحدة أسباني محترمة .

تمام

لو 700

يبقي ماشي

وشكرا جزيلا يا جميل

لو 700 هيبقى احسن شوية على الاقل هيكون فى امكانيات زيادة بكتير عن الرمسيس وهتريحك فى الصيد و700 ممكن يجيبوا بندقية gamo او norica والاتنين مركة مشهورة.

اللي هي ايه بقي الامكانيات دي

بسم الله
 

الإمكانيات .. الي من إهتماماتي :-

* القوة .
* .و سوستة البندقية صعب أنها تنكسر ..مرنة جدا جدا ..و ما تحتاجش تغيير إلا بعد عمر طويل إن شاء الله..
* النيشان مظبوط
* معدن البندقية من أجود الأنواع
* الدبشك من أخشاب الجوز أو البلوط . يعني أحسن خشب .. مش خشب أبيض عادي زي الي في رمسيس
* تعيش و تعمر معاك
* الجلب و الكاوتش مانع تسرب الهواء ممتازة جدا
*وجود زر أمان ..عشان ما تلاقيش الطلقة إنضربت من غير قصد.و دي أخطر حاجة

++واحد صاحبي إسمه ملوك إن شاء الله يشترك معانا في المنتدى .. معاه الرمسيس .. كل فترة حاجة تبوظ فيها . مع أنه جايبها جديد .
مرة سوستة أنكسرت. و مرةمجموعة الزناد فرطت . و مرة الجلبة باظت .... و البندقية تحس أن معدنها خفيف زي الصفيح ..
وصرف عليها مبالغ كتير .. غير أنه بيروح يصلحها في حلوان .. بعد المرصد.. لو كان تمن البندقية + المصاريف الي صرفها . كان جاب ديانا ألماني .


و إبقى بشرنا و فرحنا يا باشا .. وخلينا على إتصال ..

تمام جدا

الاموال اتوجدت الحمد لله


ممكن نشوف صور البندقيه gamo وnorica


وحد يرشح لي واحده

وشكراا جزيلا

طيب هي نمره كام

واحد ولا اتنين

والثمن كام بالظبط

احسن حاجة
 

أفضل حاجة في البنادق نمرة 2 الي هي مقاس 5.5 ملم

أما الأسعار ما عنديش خلفية عنها

تقدر ترجع لدليل محلات الصيد و اسال على اسعار نمرة 2 للنوع الي انت عايزه

الف شكر يا محمد

بس الله يخليك ما تتاخرش في الرد

هو الموضوع دلوقتي اتغير

فيه نوريكا ب850

وفيه جامو ب700

رايك ايه

وهل نوريكا تستاهل

ولا اجيب جامو ومفيش فرق

http://img140.imageshack.us/img140/4969/norica56ad5.jpg



http://img143.imageshack.us/img143/1049/524tx0.png




دي صورتين للبندقيه النوريكا

هي نوريكا 56

حد يرد عليا

علشان احسم موقفي

بدل ما الفلوس ماتتصرف في اي حاجه

مش بالشكل ..بل بالقوة
 

البندقية مش بالشكل ...


المهم .. ودي الأصول .. تسأل عن سرعة الطلقة في دي جامو . و سرعتها في النوريكا .. و في موديلات كتير في الجامو . الإتنين .. بس الموديل مش مهم .. شوف سرعة الطلقة الي تناسبك . و خدها ..

عشان يكون عندك note ::

البندقية الي معايا ماركة ديانا DIANA موديل 350MAGNUM مقاس 5.5 ملم سرعة الطلقة 260 متر في الثانية


هي دي المعلومات الي تهمك .. الماركة والموديل و المقاس و سرعة الطلقة بتاعتها ..
تسجل الحاجات دي في ورقة بمختلف الماركات و مختلف موديلاتهم .. و تختار بندقيتك من الإختيارات الي أنت سجلتها .و نصيحتي خد أسرعها طلقة.. .. و بعدين تسأل على سعر الموديل الي أنت أخترته في المحلات و تجيب من أرخص واحد ...
و غالبا ميشيل عازر هو أرخصهم ..

كلام صحيح
 

فعلا كلام محمد السيد كلام رائع ومفيد يا ريت تنفزه وتعرف اختيار البندقيه ومن وجهه نظري لو محتار انا نوع من الناس افضل الجامو لانها معايا ومجربها تجربه شخصيه عامل بيها ارقام قياسيه بصراحه وعمرها مكسفتني ايام مكنت بصطاد بيها عشان كده انا بفضلها

ادي امكانيات البندقيه النوريكا

Norica air rifle model 56
- Caliber: 5,5 m/m.
- Weight: 2,3 Kg.
- Total length: 954 mm..
- Barrel length: 404 mm.
- Speed: 150 m/s.................... والنمره 1 180 متر علي الثانيه
- Energy: 7,8 julies.


انما الجامو اللي انا شفتها مش لاقي زيها

هي كان لونها ازرق فاتح

....................................

وحكايه السرعه والكلام ده يا محمد انا ماليش فيه خالص

انا خبرتي تقدر تقول عليها صفر

والنوريكا في فتح الله ب 800 في القاهره وب 850 في اسكندريه

يعني لو انا جبتها من هنا ب 800 او 850 مش هاتفرق كتر لو حسبت الوقت والمواصلات

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!

خليك في مقاس 2 .. = 5.5 ملم
 

باشا .. .. عاصم هو الأستاذ وإحنا التلامذة ...



vanatic 13 basha
1- خليك في مقاس 2 فقط . وما لكش دعوة ب مقاس واحد ولا تسأل عنه حتى ...!!
2- سرعة النوريكا الي أنت قلت عليها . 150 متر في الثانية ... كويسة .. و لو كان في موديل أسرع في الطلقة . و السعر قريب . يبقى أحسن ..

لكن لو ما فيش .. يبقى إستخير و إتوكل على الله ..
ربنا يرزقك من خيرها إن شاء الله

و حاول تتفاوض مع المحل في السعر شوية . لأن مكسبهم بيكون بنسبة عالية.. لو نزلك شوية حيكسبك كزبون و برضه هو كسبان .

فعلا كلام محمد صح , وبعدين سرعة الطلقة دى كويسة مش بطالة تصطاد بردة وعلى فكرة بندقية عاصم نفس القوة و اصطاد بيها حجات كبيرة زى الغربان و العنز.

ما اتحرمش منك ابدا

والف شكر يا محمد باشا

والف شكر يا عاصم باشا

والف شكر يا مصطفي باشا

وتوكلنا علي الله

نوريكا والله الموفق

لو سمحتو هى" النوركيا "ب 850بالمنظار ولا من غيرو وعايز اعرف الافضل نمرة 2 ولا 3

النوريكا 56

ب 800 جنيه من غير منظار

وبالنسبه لنمره 2 او 3

اعتقد ان نمره 3 نادره في مصر وبردو لا يفتي و(عاصم ومحمد ومصطفي) في المنتدي


يعني انا برد علي قد معلوماتي

.................................................. ................
واخيرا

الحمد لله وربنا يبارك لي فيها

اشتريت النوريكا

وهذه صورها

http://img90.imageshack.us/img90/7061/norica2me5.jpg

http://img90.imageshack.us/img90/370/noricasy7.jpg

والامكانيات
عيار : 5.5
السرعه: 165 متر/ث
الوزن :2.3 كجم
الطاقه :6.8
طول الماسوره :400 ممم
الطول الكلي :954 ممم

الف الف مبروك
 

وهوه ده فعلا النجاح الحقيقي للمنتدي هي الاستفاده والفعل والحمد لله انك استفدت والف مبروك لتاني مره

[quote=msgm;1094]باشا .. .. عاصم هو الأستاذ وإحنا التلامذة ...
يا باشا تشكر والعفو يا رب اكون عند حسن ظنكوا دايما

الف مبروك على البندقية الجديدة ونتمنى الاحتراف فى الصيد

ألف ألف مبروك
 

ألف مبروك يا باشا . ربنا يرزقك من خيرها و يبعد عنك شرها ...

الله يبارك فيكم يا شباب

وشكرااااا جزيلا لكم كلكم

رد: طلب صغير
 

ما تنساش .. تورينا صور الصيد يا باشا ..

و بالهنا و الشفاء ..

رد: طلب صغير
 

انا من رأيى ان Gamo و Norica توئم

رد: طلب صغير
 

مصطفى باشا .

هوفي عندنا في مصر ماركة فايروخ ..

و هل هي كفاءة .؟!@

رد: طلب صغير
 

انا واللة اول مرة اسمع عن المركة دى , لو تحاول تقولى شوية تفاصيل عنها

رد: طلب صغير
 

هذه شركة المانية و من أستخدمونها أقسموا أنها أفضل البنادق على الأطلاق فى دقة الأصابة و لكن خد عندك
1- سعرها غالى جدا فالفايروخ سعرها مره و نص تقريبا سعر الديانا
2- لا تستحمل البهدلة (من الأخر عايزه واحد يشيلها فى عنية ) فيجب تنظيفها دائما
3- من أهم عيوبها أن ماسورتها تنحنى من كثرة الأستخدام

لكن أنا من وجهة نظرى أن أفضل البنادق هى الجامو بسبب
1- سعرها جيد جدا فى كل موديلاتها
2-خفيفة
3- بندقية موزونة صح أنا عندى هانتر 440 حين تمسكها بيد واحدة من المنتصف تجدها موازية للأرض لكن
حين مسكت ديانا 45 كانت بتميل بشدة للأمام وده معناه أن وزن البندقية كله بيكون على يدك اليسرى فتشعر بالتعب بسرعة
4- كل قطع غيارها و مستلزماتها موجوده عند فتح الله يعنى مش حتدوخ على أى حاجة
5- مصنوعة من مواد ممتازة
6-شركة جامو أشترت شركة BSA فالموديلات الجديدة منها أصبحت ذات جودة أعلى و مواصفات أحسن بكثير
7-الخشب المستخدم فى موديل الهانتر هو نفسه الخشب الذى يستخدم فى بنادق القناصات
ولو تصفحت موديلات جامو الجديدة من الموقع ستجدها أفضل شركات البنادق الهوائية فهى أول شركة ( و الوحيدة بالطبع )أنتجت بندقية رش (شوزن , خرطوش ) تعمل بضغط الهواء و نظام الجاز سبرنج و هو أن البندقية لا يكون بداخلها سستة و لكن غاز مضغوط لكى تقل رجفة البندقية لأدنى مستوياتها هى أول شركه تنتج طلقات هوائية مغلفة بالنحاس كما يوجد موديل جديد واعد أسمه جامو أكستريم CO2 .....................إلخ

رد: طلب صغير
 

الصياد السكندرى عنده حق فى الكلام اللى بيقوله
انا عن نفسى اتعاملت مع الرمسيس و الصينى و الاسبانى
و مع احترامى للماركات اللى زى الديانا و الفايروخ
بس فرق السعر مش متناسب نهائيا مع فرق الامكانيات
الصينى ب350 و الديانا ب 6000 يعنى 17 ضعف
ده البندقية الخرطوش (ام بطنين) ب4000
انا لغاية دلوقتى مش عارف ايه سر الفرق الكبير ده
يا ريت لو حد يعرف يقولى

رد: طلب صغير
 

فعلا توصيفك و توضيحك للموضوع فاق توقعاتي ...ماشاء الله عليك..

سؤال؟والبندقية الرش (شوزن , خرطوش ) التي تعمل بضغط الهواء و نظام الجاز سبرنج

موجودة عندنا .

و هل قوتها نفس قوة الخرطوش ..!؟

رد: طلب صغير
 

لا و ألف لا مش موجوده طبعا لأن أستيراد السلاح موقوف و لكن سرعة خروج الطلقة الشوزن 230 م/ث
وده رابط الويسبرhttp://www.pyramydair.com/video/related_videos-1.php#

وده رابط الشوزنhttp://www.gamo.com/portal/internati...1&jsfInit=null
دى بقى اللى حموت عليها
http://www.gamo.com/portal/internati...1&jsfInit=null

رد: طلب صغير
 

يعني الجامو احسن من النوريكا....؟

رد: طلب صغير
 

لا يا باشا هيا فرق صناعه واسم شركات وجوده من ناحيه الفرق الفرق كبير جدا جدا في كل حاجه القوه والسرعه المحسوبه الشركات دي معملتش اسمها من فراغ

رد: طلب صغير
 

انا بحب شركه جامو جدا لانها عشره بصراحه عمرها مكسفتني يلا بقه كانت ايام

رد: طلب صغير
 

تسلم يا باشا ..


بس هي بتضرب كام رشة في الطلقة الراحدة

رد: طلب صغير
 

بص يا عم عاصم من حيث اللأستيل المستخدم فلا أستطيع معرفة ما هو الأجود لأننى محاسب و لكن لو فيه فى المنتدى مهندس أنتاج فياريت يدخل مواقع الشركات فرقم الأستيل موجود فى موقع الشركات فهو أهل بذلك لأنه عمله أما أنا محاسب يعنى معرفش غير الفلوس الفلوس و بس
جامو أرخص هل يجب أن يكون الأغلى هو الأفضل دائما (لا طبعا),لماذا لأن أسبانيا صحيح هى دولة أوروبية ولكن فيها نسبة بطالة و تعداد سكانها فى أزدياد و تملك المال ,أما المانيا فتعداد سكانها فى أنخفاض شديد و هناك تخوف من أنقراض الجنس الألمانى ( دول حتى ما بيحبوش يتجوزوا علشان ميخلفوش دى أكبر مشكلة فى ألمانيا ) ودى بنسميها دولة كثيفة رأس المال أى تملك المال ولكن لا تملك الأيدى العاملة لذلك العمالة فى ألماني أغلى عمالة فى العالم و طبعا تكلفة العمالة تدخل فى تكلفة المنتج و علاقتها بالسعر طردية أما العمالة فى أسبانيا فهى فى المتوسط تقريبا عكس مصر و الصين تعداد السكان عالى فهى دول كثيفة الأيدى العاملة فسعر العمالة يكون فى أدنى مستوياتها
من ناحية أخرى ما نسمي ثمن الشهرة فألمانيا هى أول دولة و بالتحديد شركة ديانا التى أنتجت البنادق الهوائية فى العالم أسأل أى حد عن أحسن سلاح حيرد على طول الألمانى فهى بنت شهرة و ركزت عليها ( من الأخر بتبيع عل أسمها القديم ) ............. معلش مش حتكلم عن الشهرة لأنه موضوع غاية فى التعقيد و التشابك ولا يخص سوى المهتمين بالعلوم المالية لأن شرحه صعب علشان خاطر نظريات دورة حيات المنتج و الظروف السياسية و الأقتصادية لكلا البلدين المصدر و المستورد و تفضيلات العملاء الذى يؤثر مباشر على منحنى العرض و منحنى الطلب و ..........................إلخ
كما أن التكلفة اللو جستية عليها عامل كبير جدا و تكلفة الطاقة و النظام الضريبى المتبع
من الأخر يا عاصم أنا مش عارف أشرح الموضوع كويس لأنه صعب جدا أنه يتبسط لغير الماليين أكيد عندك حد من أصحابك أتخرج من تجارة أسألة و خلية يشرحلك على رواقة
أما من ناحية السرعة دى على حسب الصيدة اللى أنت عايزها يعنى ماينفعش أشترى 350 ماجنوم أو هانتر1250 علشان أصطاد طيور صغيرة و أيضا مش حجيب ديانا 20 أو جامو 400 علشان القمرى و الأرانب دى سرعات الشركة أنتجتها لتلبى جميع الأذواق فشركة ديانا واحدة فقط فى ألملنيا تلبى رغبات العالم كله يعنى واحد فى أمريكا عايز ديانا 20 فى واحد زيه فى مصر و واحد فى السعودية و أخر فى الكويت و جنوب أفريقيا و روسيا .........و كذلك جامو فطبيعة الصيد و المنطقة هى التى تحكم قوة و سرعة البندقية .

رد: طلب صغير
 

مش عارف والله بتضرب أوتوماتيك ولا طلقة طلقة بس عاجبنى شكلها قوى

رد: طلب صغير
 

لو تتكرم يا . الصياد السكندري . و تقولي طريقة عمل الشوزن الرش ..

لأني مش قادر أتخيل طريقة عملها ..,

رد: طلب صغير
 

بتكون انبوبه استحاله تكون نظام سوسته يعني بتعمل بنظام ضغط الهواء

رد: طلب صغير
 

شوفوا الرابط بعدين نتكلم و متنسوش أنكم بتتكلموا على الجامو أفضل شركات البنادق الهوائية .

دى الديانا و الفايروخ معمالوهاش ده بيثبت أن جامو هى الأفضل

رد: طلب صغير
 

رد: طلب صغير
 

جاري مشاهدة الفيديو ....


و ياريت يا عاصم الله يكرمك .. تنزل أكواد مشاهدة الفيديو في المنتدى ..

رد: طلب صغير
 

ماشاء الله عليك يا مصطفى ..

ربنا يزيدك من العلم ..!

رد: طلب صغير
 

ده مش صياد قوي .......ده معلم والله

شكرا جزيلا يا باشا...علي التفسيرات دي

رد: طلب صغير
 

عاصم باشا .. تخيل ال Gamo Viper طلعت نظام سسته ..

مع أني كنت بقول أنها مستحيل تكون سوسته و أكيد لازم تكون CO2 زيك تمام ..!

طلعت غير كده

شوف الفيديوهات ..

أنا في حالة صدمة ..



بس فيها عيب خطييييييييير ..

الماسورة مافيهاش خشخشانات ...

رد: طلب صغير
 

أزيك يا مصطفى
أنا معايا hunter 440 و لم تتأثر بالعوامل الجويه زى ما بتقول لإانا أنظفها ب (WD 40 ثم أزيتها بزيت جامو ) ثم أضعها فى الكيسة اللى أشترتها فيها و أقفلها كويس و أضعها فى علبتهاو أضع فى الصندوق سيليكا جل لكى يمتص الرطوبة حتى لا تصدأ مهما كانت حالة الجو فالحمد لله لسة بحالتها
أما الخشب المستخدم فى الجامو هانتر ليس زان محل فتح الله قاللى أسمه و نسيته لأنه غريب شويه
أما من ناحية الحفاظ على القوة ده بيجى من أنك لا تنظف الماسوره من الداخل كل 500 طلقة على الأكثر أو كلما أحتاجت للتنظيف أيهما أقرب و ده بيكون بأدوات تنظيف جامو موجوده عند فتح الله 35 جنية لأن عدم التنظيف بيسمح بتكون ترسيبات ضاره تعمل عمل الصنفرة عند مرور الطلقة
جامو أكستريم CO2 خزانها يسع 10 طلقات و ليس 8 و فى شركات عملتها قبل جامو أنا معاك بس ديانا معملتهاش
Gamo viper express أزاى فكرة ملهاش لزمة و هى تجعلك تستطيع أصابة الهدف المتحرك يعنى تقدر تصطاد القمرى و هو بيطير مش حاطط بس
أما ديانا 54 زودوا وزنها و عملولها نظام ماص للأرتداد شبيه إلى حد ما بالموجود فى بنادق بنلى و بريتا أكستريم
أنا مجربتش غير ديانا 45 ولا حظت أنها غير موزونة بالمرة فهى تميل للأمام و تجعل أغلب الحمل على اليد اليسرى فتتعبك بسرعة
أما عن موضوع شراء جامو BSA اللى قاللى الكلام ده محل فتح الله اللى فى سعد زغلول

رد: طلب صغير
 

على فكرة نظام Gas spring شركة جامو هى الشركة الوحيدة التى أنتجته حتى الأن و هى التى أبتكرته وده الرابط شوفوه و أحكموا http://www.pyramydair.com/video/
حتلاقى فى مجموعة أفلام على اليسار أختار Episode #3/Gamo Whisper
هى دى جامو

رد: طلب صغير
 

انا متكلمتش عن الصدأ , انا بقول ان دبشك الجامو بيتخدش وبيتجرح بسهولة على عكس الديانا بتتحمل


نصيحة منى ليك محل فتح اللة مش من اهل الخبرة فى بنادق ضغط الهواء وخد الينك
http://gamo.com/portal/international...1&jsfInit=null
بتاع بندقيتك فى موقع جامو هتلاقى beech hardwood فى خانة stock ترجم كلمة beech وقولى طلعت معاك اية.

ومن ناحية التنظيف انا بنظف البنادق بتعتى قبل وبعد مصطاد وكل يومين وادوات التنظيف عندى من ساعة مشتريت البندقية , وبستعمل انواع الطلق المستوردة علشان احافظ على البندقية وعارف الكلام دة كلة من 7 سنين .

تنظيف المصورة ملهوش علاقة بالقوة لة علاقة بالدقة

الخزنة 10 طلقات نمرة 1 و8 نمرة 2

co2 مش احسن فكرة فى فكرة PreCharged Pneumaticواحسن من co2 مليون مرة ومش مكلفة وبنفس القوة بتتملى 120 طلقة وديانا معملتهاش المسألة كلها مسألة تخصص ودة الى مخليها اعظم شركة فى spring air guns وفى محل الثقة وبعدين مش مقياس ما هى احسن شراكات ذى air arms , bsa ,beeman مأنتجتهاش

Gamo viper expressمداها ضعيف جدا و الخرز مبيتوزعش بأنتظام يعنى من الاخر مفيش جودة

ديانا 54 :النظام دة بيمنع الصدمة خالص وموجود جوة الدبشك فى المنتصف
بنللى و بريتا : النظام دة بيقلل الصدمة وموجود اسفل الدبشك (مكان الكتف)

مينفعش خالص ان البندقية تميل لامام علشان التقل كلة متركز فى الوسط والخلف علشان التوازن

gamo ما اشترتش BSA دة هى استعانت بbsa فى صناعة المناظير الى bsa بتنتجها ولى قال كدة لا موْخذة بيفتى ذى ما افتى فى الدبشك

ولو انت بتسمع كلام المحلات قولو احسن واجود واقوى نوع عندك اية هيقولك DIANA

رد: طلب صغير
 

فعلا كلامك كله يا مصطفي حقيقي انا معاك فيه وطبعا مفيش حد بيفهم في البنادق ضغط الهواء ذيك وانا اتحدي اي في حاجه زي كده داحنا عشره عمر وانا اكتر واحد عارف انت بتحب البنادق الهوائيه قد ايه

رد: طلب صغير
 

عزيزي الصياد السكندري ..:-

أرجوا أن توضح لي في أي الأجزاء تقوم بوضع الزيت 40-WB ..

وقد علمت من مصادر سابقة أن الزيت 40-WB يقوم بإزالة دهان السلاح الأسود ..و البريمونت .."الطبقة الورنيش اللامعة" الموجودة على خشب السلاح....و عن تجربة شخصية ..

و أن وظيفة الزيت الأساسية هي تسهيل إنزلاق الأجزاء الصدأة ..لإحتوائه على مواد كيميائي خاصة بذلك ..

=============

في إعتقادي . أن ماسورة البندقية لاتحتاج إلى تنظيف . لأن الرشة تزيل كل ما في طريقها في الماسورة ..
لو إستخدمت النوع الألماني . المستورد . وليس المارسمان الحلي ..

أما الترسبات التي تكون في السلاح .. فهي نواتج إحتراق البارود ... ونتيجة للحرارة العالية .. تلتصق في الماسورة ..

=====================
بالنسبة ل Gamo viper express ..

فعدد الطلقت محدود جدا .. لايزيد عن رشات تعد على أصابع اليد الواحدة في الطلقة الواحدة .. " حسب الصور "
والعدد ليس مثل الخرطوش ..الذي يصل إلى مضاعفات ال 10 في الأنواع ال BB's وليس ال SLUG
و زاوية الإتساع كل 12 بوصة كل 10 ياردات ..
الياردة 91 سم
البوصة 2.45 سم

يعني القميري وهي طايرة أقل بعد بينك و بينها .. 25 متر .. فكيف ل 5 رشات أن تصيبها و قطر الإصابة يقارب ال 3 أمتار .. على بعد 10 أمتار وليس ال 25 مترا

و أكبر مدى مؤثر لها 30 ياردة .. = 27 متر .. ..
الديانا الماجنوم تقطع مسافة ال27 مترا في = 0.096428 جزء من الثانية أي يكاد يكون جزء من 10 أجزاء من الثانية


وتذكر أن البندقية ليس بها خشخشان .. فهي ليست مناسبة للمسافات البعيدة ..و لا ثبات للطلقة في مرحلة الطيران .
و تتقلب حول نفسها ..

======

لو تتكرم تديني أي معلومات عن Gas spring ..!!!!

رد: طلب صغير
 

....... و أشكر مصطفى لسرعة الرد و تصحيح المعلومات ..! ..!
.." ماشاء الله ""


و أذكر إخواني أعضاء المنتدى أن المنتدى لتبادل الخبرات والمعلومات و تصحيح الخاطئ منها .,..

رد: طلب صغير
 

beech hardwood = الزان......,الخشب القاسي

رد: طلب صغير
 

يا مصطفى أية اللى حيخلى الدبشك يتخدش غير من الأهمال الحمد ل الله حتى الأن لم ينخدش الدبشك عندى لأنى أحافظ عليها جدا حتى فى الخروج للصيد ثم عايز تقنعنى لو البندقية لقدر الله سقطت على الأرض و كان فى طوب أو أى حاجة تانية ممكن تجرح البندقية الجامو حتتجرح لكن الديان مش حيحصلها حاجة
beech hardwood هو الخشب القاسى ( الزان ) ده أنا مطلعه من القاموس
بالنسبة co2 دى أول الطريق و إن شاء الله جامو حتعمل PreCharged Pneumatic بس co2 دى أول الطريق
أما بالنسبة أن شوف الرابط ده
أنا قلتشبية إلى حد ما فالفكرة واحدة يايات تمتص جزء كبير من الأرتداد و الباقى من الأرتداد زودوا وزن البندقية علشان يضيع خالص و الدليل أن 54 أثقل من48 و 52
الظاهر عليك ممسكتش 45 أمسكها و شوفها موزونة ولا لا بس أفتكر أنك قلت أما عن صفقة شراء جامو ل bsa حتأكد إن شاء الله بنفسى و سأخبركم بالنتيجة بس ده بيحتاج شوية وقت
أما عن أحسن و أقوى نوع سألت فتح الله و السجلابى هل الباتريوت , 350 ماجنوم , هانتر 1250 أكدلى هانتر 1250 أفضل من جميع النواحى أخف فى الوزن , أرخص فى السعر , نفس سرعة 350 ماجنوم و أسرع من الباتريوت
أما wd40 لازم تنظف بيه البندقية لأنه بيشيل الصدأ بس لازم يتنظف كويس أوى و مايتجبش على الدبشك و كمان ما يتجبش على الحتت أللى فيها شحم لأنه يذيب الشحوم
ماسورة البندقية لازم تتنظف لأن الطلقات الرش مصنوعة من الرصاص و هذه المادة ضارة بالسبطانة و الدليل على كدة أن رصاص البنادف القناصة مغلف بالنحاس لكى لا تتكون ترسيبات على الماسورة من الداخل بالإضافة إلى بعض المزايا الأخرى
عدد الخردقات داخل الظرف معرفهوش كام
حتستخدم الخاشخانات فى أيه اللى بيجيب بندقية زى دى عايز يستخدمها كالخرطوش أما المسافات البعيدة ليها البنادق المششخنة
الجاز أسبرنج لو فية مهندس ميكانيكا فى المنتدى ياريت يشرحهولناhttp://en.wikipedia.org/wiki/Gas_spring
فى حاجة مهمة عايز أقولكم عليها هى
لولا أختلاف الأذواق لبارت السلع

رد: طلب صغير
 

باشا ...

الديانا 54 . النظام الي بيمنع رد الفعل .. نظريته لا تعتمد على الإمتصاص ..

بل على العكس تماما .. الجسم المعدني للبندقية مثبت على 4 قضبان تسمح له " أي الجسم المعدني " بالحركة في الإتجاه الأفقي فقط ..

و الأربعة قضبان مثبتون في الدبشك .. و عند الضرب . تدفع السسته الجسم للخلف فيتحرك الجسم على القضبان و يستقبله الدبشك بكل ترحاب ..



أنا حأسأل شركة جامو على معامل كزازة السسته للهانتر .. و حأسأل ديانا كذلك على كزازة ال 350 ماجنوم و ال54 ..

و نحقق معادلة كمية الهوا الي بينضغط في الحجرة ..

و بالتالي حنعرف .. أنهي بندقية أحسن إن شاء الله ..

المعادلة هي Fs =.5*k*(s)2

الطاقة المتولدة من الزنبرك = نصف معامل الكزازة * مربع ( الطول الأصلي - الطول بعد الإنضغاط)

نضرب الناتج في حجم حجرة الهواء ..و نشوف ناتج كل بندقية ..

و إختصارا للكلام ده ... البندقية الي كزازة سستتها أكبر .. بتكون أقوى و رد فعلها أشد ..

و الي يجيب هانتر 1250 يبقى يقولنا يا شباب رأيه فيها ...

ألا صحيح هي بكام دلوقتي ؟!

على فكرة النص تكملة القانون .. Ke=.5 m (v)2

رد: طلب صغير
 

نفرض كان فى اهمال دبشك DIANA اروو من اجود انواع الخشب بيستحمل اكتر و دبشك GAMO زان اقل جودة

طب انا بقول اية من الصبح

مدير الشركة قالك على الموضوع دة

انا شفت الفيديو والراجل كان بيضرب من قريب وكان فى اهداف معرفش يصيبها
Gamo viper express الطلق shotshells بتاع البندقية دى 25 وحدة ب 8 دولار

الزميل محمد السيد شرحها بئسلوب ممتاز وانا متأكد ان الفكرة وصلتلك وعلى فكرة التقل الزيادة علشان يدى ثبات للبندقية فقط.

انا ممسكتش 45 لاكن مدام انت قولت كدة انا مصدقك مع انى مش عارف ازاى

باشة DIANA 350 (مدفع) وبعدين بتحافظ على قوتها احسن من GAMO 1250 مليون مرة علشان
السوستة بتاعت DIANA 350 اعرض واقصر
لاكن سوستة GAMO 1250 اطول وارفع فسهل انها تتضغط بعد فترة

وعلى فكرة DIANA 350 وزنها 3.8 كيلو
GAMO 1250 وزنها 4.1 كيلو

هو مش لازم طول مانت بتستعمل نوع رش كويس

Gamo viper express مداها ضعيف مع SHOTSHELLS

رد: طلب صغير
 

انا بعت رسالة لشركة pyramidair الى فى امريكا ودة اكبر موزع فى العالم واهل خبرة ودة نص الرسالة



http://img4.uploadhouse.com/fileuplo...d930d6e1a2.jpg

ترجمة الرسالة:
شكرا لاهتمامك في شركتنا. بنادق Gamo ليست صناعة جيدة ك RWS / DIANA ذات الصناعة الالمانية والتى تحتوي على سنة ضمان ودقة مذهله ، والقوة والحرف او الصناعة اليدويه. بنادق Gamoافضل فقط مع نظام GAS ومن دون ذلك ، فهي لا تستحق الشراء.
شكرا لك ،


واللة انا الى عايز اشكرهم

رد: طلب صغير
 

عايزين بقى نسمع رأى الخبراء و الاعضاء

رد: طلب صغير
 

راي بعد ايه يا مصطفي انمت جبت الخلاصه بتاعت الكلام بس يا جماعه مش معني اني بحب الجانوا واصطدت بيها معني كده انها اقوي بندقيه وانضف بندقيه دي مساله راحه مش اكتر وبعدين في النهايه في مثل حلو قوي بيقول
( الحوله بتغزل برجل حمار )

رد: طلب صغير
 

يا مصطفى فتح الله كان قد أخبرنى بنوع الخشب خطاء و لما طلعته من القاموس أعترفت بالخطاء
أنا معاك فى حكاية الهانتر 1250 فعلا لما مسكتها كانت كبيرة و ثقيلة عن 350 ماجنوم
أما بالنسبة للسستة من حيث السمك و الطول لا أعرف و أيضا معامل الكزازة فعلاقتى مع الفيزياء أنتهت منذ الثانوية العامة
ثم هو المنتدى كله مفهوش حد يدافع عن الجامو غيرى ( هو في أية)
فينكم يا أصحاب الجامو

رد: طلب صغير
 

يا باشة متزعلش , احنا بس بنحاول نصحح المعلومات وبعدين المركات كلها زى الفل مش محتاجة دفاع وشغالة بس احنا بنتكلم على الجودة والصناعة يعنى لو حبينا نرتب المركات الى فى مصر من حيث الجودة والقوة والصناعة هنقول

Beemanبس معدتش موجودة دلوقتى
Diana
Bsa
Gamo
Norica
Walther
Bam
الرمسيس

رد: طلب صغير
 

صح ترتيبك يا مصطفى ...

و للأسف في ماركات كتير عمري ما شفتها .. و نفسي أتعرف عليها أكتر

زي
Beeman
Bsa
Walther
Bam

رد: طلب صغير
 

لا أنا مش زعلان خالص بالعكس بس أنا معايا الجامو و شايفها 10/10 و مخبيش عليك أنا اللى عاجبنى بجد فى الديانا 54 علشان ملهاش رد فعل بس برده ده مش حيغير فكرتى عن الجامو لأنها فعلا تستحق الأحترام
بس أنت أتكلمت عن أن جامو لا تمتاز بالدقة زى الديانا عايز أعرف أزاى
و ياجماعة ده أسمه منتدى مش معقول 370 مشاهدة و كل اللى شاركو ميكملوش 6 أعضاء

رد: طلب صغير
 

باشا .. ليس شرطا أن عدد المشاهدات يساوي عدد دخول الأعضاء .

و أذكرك أن عدد الأعضاء الذين زاروا المنتدى خلال 10 أيام .. 19 عضو فقط ..

رد: طلب صغير
 

أنا رأيي يا أخي الفاضل .." الصياد السكندري"

تبقى تجرب ال ديانا 350 ماجنوم الي معايا .. لو كان ليك زيارة للقاهرة بإذن الله ..
أعتقد أن فكرتك سوف تتغير عن الديانا كلها ..و حتعرف الفرق الشاسع بين الجامو و الديانا . .

و إسأل الأخ العزيز مصطفى لما جرب بندقيتي .. وتأثيرها على الأهداف . :eek:

http://www.egypthunt.net/attachment....6&d=1207702901
http://www.egypthunt.net/attachment....4&d=1207702620
http://www.egypthunt.net/attachment....2&d=1207702308
http://www.egypthunt.net/attachment....5&d=1207702691


:) :) :cool: أسيبك مع صورة بندقيتي عشان تتعرفوا على بعض ..:)

http://msgm222.googlepages.com/Image058.jpg

رد: طلب صغير
 

بص يا مصطفى جامو أشترت BSA فعلا و قد سألت pyramydair
و هذا و الجواب
Thank you for your interest in our company. BSA and Gamo are the same company, and are of equal quality and Webley moved their factory to Turkey from the UK.
Thank you,
Alice CSR


On Wed, May 21, 2008 at 4:14 PM, <ahmedsbird@yahoo.com> wrote:

did gamo buy bsa ?
is gamo beter than bsa ?
IS WEBLEY is made in turkish ?
Thanks

--
FREE ground shipping in Continental US on orders $149.99 and up.
Buy 3 tins of pellets, get the 4th FREE

و متشكر جدا على عرضك أنى أجرب بندقيتك يا محمد إن شاء الله نخرج الموسم القادم و نصطاد مع بعض و أجربها
ولا دى عزومة مركبية .ههههههههههههههههههههههههه

رد: طلب صغير
 

هو دة الى عرفت تسبتة

يا باشة فى الاول و فى الاخر Gamo لاتستحق الشراء

رد: طلب صغير
 

رد: طلب صغير
 

ما أقول كلمة ما أقدرش أنفذها ..

إن شاء الله عند حسن ظن أي صيد في المنتدى .

و إسأل مصطفى و عاصم و Cow Boy و Charesma

و إن شاء الله نصيد سوا .لو جيت القاهرة .!

رد: طلب صغير
 

يا جماعة مسالة السعر لا تعبر عن قوة البندقية دي مسالة نسبية وارجو عدم المقارنة الا بامكانيات السلاح مثل سرعة انطلاق المقزوف والوزن وطول الماسورة وعدد لفات الخشخان ولو هانقارن لازم نقارن بموضوعية ومما لاشك فية ان المقارنة بين ماركتين من نفس بلد المنشا او الصناعة هنلاقي ان لو الامكانيات قريبة منبعض يكون السعر قريب والعكس وعلية فان المقارنة بين النوريكا والجامو .من ناحية و الديانا والفاير ووخ من ناحية اخري اكتر موضوعية بالنسبة للسعر والمقارنة بالنسبة للامكانيات تكون اعم واشمل وشكرا

رد: طلب صغير
 

السلام عليكم
هأرد عليك حسب خبرتي
الجامو خفيفة عن النيوركا وهم الاتنين اسباني
بس انا انصحك بالنيوركا بردو المنظر مطلوب وهي شكلها اجمل واعتقد انها امتن من الجامو

رد: طلب صغير
 

معاك حق فعلا هي شكلها احسن

وامكانياتها محترمه

رد: طلب صغير
 

السلام عليكم

النوريكا ماركة محترمة جدا وانا عن تجربة وجدت ان المودلات الحديثة من نوريكا تستطيغ ان تنافس الديانا
فى المميزات مثل القوة التى تصل الى 280 متر فى الثانية فى المودلات الحديثة جمال الشكل خفة الوزن

السعر المناسب بالمقارنة بالديانا وجودة الصناعة فهى ما شاء الله ماركة محترمة جدا


وشكرا