استعداد روسي لصنع طائره تحمل 400 دبابه بكامل تسليحها وجنودها
 

الطائرة الروسية
قال موقع "روسيا اليوم"، إن الجيش الروسي في المستقبل سيضم سربًا من طائرات النقل الثقيلة، يمكنها نقل وحدة استراتيجية تتكون من 400 دبابة Armata وذخيرتها الكاملة، إلى أي مكان في العالم.

وأوضح الموقع أنه ربما تحلق هذه الطائرات بسرعة تفوق سرعة الصوت، ما يتيح لروسيا الاستجابة لأي مستجدات عسكرية عالمية في وقت قياسي.

وفقا لمواصفات التصميمات الجديدة من هيئة الصناعات العسكرية في موسكو، فطائرات النقل هذه سيطلق عليها اسم PAK TA، وسوف تطير بسرعة تفوق سرعة الصوت (ستصل سرعتها إلى 2000 كم/ساعة)، وسوف تكون قادرة على نقل حمولات ضخمة تصل إلى 200 طن، وسيصل مدى هذه الطائرات على الأقل إلى 7000 كيلومتر.

ومن المتوقع أن يضم برنامج تصنيع PAK TA حوالي 80 طائرة شحن جديدة، سيتم بناؤها جميعا قبل عام 2024، وهذا يعني أنه في خلال عقد من الزمن ستكون القيادة العسكرية المركزية لروسيا قادرة على وضع جيش كامل من المدرعات الجاهزة للحرب في أي مكان في العالم، كما جاء في تقارير Expert Online، نقلا عن مصدر في الجيش الروسي حضر هذه الاجتماع المغلق.

وستكون أحد المهام الرئيسية لبرنامج PAK TA هو نقل الدبابات الثقيلة Armata والمعدات العسكرية الأخرى، مثل نظم الأسلحة ذاتية الدفع ومجمعات الصواريخ المضادة للطائرات وحاملات الصواريخ التكتيكية، وأنظمة الصواريخ متعددة الاطلاق، وعربات القتال الصاروخي المضادة للدبابات.http://www.elwatannews.com/news/details/722170

رد: استعداد روسي لصنع طائره تحمل 400 دبابه بكامل تسليحها وجنودها
 

يا صلاة النبى
يعنى ممكن تنقل جيشها كاملاً فى اقل من يوم

رد: استعداد روسي لصنع طائره تحمل 400 دبابه بكامل تسليحها وجنودها
 

ايه يا عم صور طائرات الخيال العلمى هو فيه كده يا جدعان
بس ازاي مكتوب فى الخبر انها تشيل 400 دبابة بتسليحها ومكتوب ايضا انها تقدر تحمل حمولات ضخمة تصل ل 200 طن ليه هو وزن الدبابة 500 كجم ولا دى حاجة ثانية ولا خطا فى الكتابة من الموقع لان الدبابة اوزانها بال 60 طن واكتر
وكمان حاجة هتكون اسرع من الصوت يعنى الحمولة دى كلها وتطير اسرع من الصوت كدا بقى خيال علمى بجد
ومش كده يبقى الروس وضعوا البيض كله فى سله واحدة يعنى لو الدفاع الجوي ضرب 3 \4 طيارات يكون الجيش الروسى خسر نصه وفشل فى افضلية السبق للحرب

رد: استعداد روسي لصنع طائره تحمل 400 دبابه بكامل تسليحها وجنودها
 

طيب لو قلنا ان ابو مسلم غلطان فى مسألة الوزن ومعلوماته العسكرية على قده
طب والمساحة
اصل الدبابة طولها 8 متر فلو فرضنا ان الدبابات هيقفو صفين كمان مش صف واحد جوا الطيارة
يبقى محتاجين مساحة 1600 متر ده للمكان اللى هيكون فيه الدبابات بس
يعنى ممكن الطيارة يكون طولها من برا اكتر من 2كيلو متر وبكده نبقى ظلمنا افلام الخيال العلمى معانا فى الموضوع ده

رد: استعداد روسي لصنع طائره تحمل 400 دبابه بكامل تسليحها وجنودها
 

وهذه دبابة واحدة من الجيش الروسي
http://martial-c.montadarabi.com/mon.../topic-t18.htm

رد: استعداد روسي لصنع طائره تحمل 400 دبابه بكامل تسليحها وجنودها
 

ههههههههه
قولو والنبى قولو عشان انا مخاصمه ههههههههه
رد انت يا حسين

رد: استعداد روسي لصنع طائره تحمل 400 دبابه بكامل تسليحها وجنودها
 

بس من غير والنبي

رد: استعداد روسي لصنع طائره تحمل 400 دبابه بكامل تسليحها وجنودها
 

دى اجمل هدية لقوات الدفاع الجوى المعادية.. سياسة القطع الكبيرة جويا وبحريا انتهت لسهولة صيدها

رد: استعداد روسي لصنع طائره تحمل 400 دبابه بكامل تسليحها وجنودها
 

سيبوهم يحلموا احنا حلمنا القطر ميلبسش في الي قدامه

رد: استعداد روسي لصنع طائره تحمل 400 دبابه بكامل تسليحها وجنودها
 

الأسطول بكامله يستطيع نقل 400 دبابة و ليس الطائرة الواحدة
الأسطول مكون من 80 طائرة
بمعني الطائرة هتشيل 5 دبابات
و أقل وزن لدبابة روسي إللي هي t62 بيوصل 58 طن
و أصلا مفيش حاجة زي دي أساسا لأن الروس مش هبل
طيارة نقل عسكري بالحجم الشنيع ده
ممكن تتجاب بنبله مش صواريخ دفاع جوي
حتي لو سرعتها وصلت لسرعة الصوت

تحياتي

رد: استعداد روسي لصنع طائره تحمل 400 دبابه بكامل تسليحها وجنودها
 

الدبابه بوزن متوسط من50-60 طن يعنى الاجمالى للحموله بدون وزن الطياره الفارغ هيبقى فى حدود اربعه وعشرين الف طن يعنى تقريبا 24000000 كيلو جرام
متخيلين الوزن....فين الممر الخاص بالطيران اللى يتحمل الوزن ده للحموله وغير وزن الطياره ويساعدها توصل لسرعه تمكنها من الطيران؟؟؟....وتخيلوا مواصفاتها بقى من الوقود ووزنها الفارغ علشان تتحمل الحموله دى؟؟...الموضوع مبالغ فيه وفاق الخيال العلمى بمراااااااااااحل

رد: استعداد روسي لصنع طائره تحمل 400 دبابه بكامل تسليحها وجنودها
 

الكلام فعلا يحتمل انه المقصود به السرب كامل وليس الطائرة الواحدة زى ما نبه الاستاذlegon

رد: استعداد روسي لصنع طائره تحمل 400 دبابه بكامل تسليحها وجنودها
 

بالفعل يا صديقي العزيز المقصود هو السرب بكامله و ليست طائرة واحدة
و المشروع مجرد تفكير و توقف
مهما كانت التكنولوجيا المستخدمة لا يمكن تجنب ظهروها راداريا بمقطع رأسي من أضعف طائرة إنذار مبكر