طلعة بعد طول غياب
 

السلام عليكم
بعد غياب دام طويل ربنا رزقنى بجيت نمرة واحد وركبت عليها السكوب البى اس
وظبته وقلت اطلع اجرب كده
دى اول مرة اضرب ببندقية غير الكرال
سميت واتكلت على الله
ونجد ماكدبش الى قال انها ملكة الدقة ومن مسافات
اليمام من المسافات دى ماكونتش متوقع انه يجى
لكن الحمد لله كان بينزل مقفول
والعصافير كمان
قلت اجيب كام عصفورة أاكل الصقر الى عندى
بدأت صيد فى الشارع العام وكانت الساعة 6 الصبح والرق فاضية
لكن اليمام كان نادر قوى قلت اروح على المقابر وكانت الدنيا شبورة
للعلم المقابر عندنا كبيرة جدا جدا وكلها طرق ملتوية فى قلب بعضها وضيقة
متاهة بمعنى الكلمة
سميت ودخلت وقمت شايف يمامة من يجى 35 متر وحسبت المسافة بالبعد بين عمدان النور
وظبط زوم السكوب على 7 وسميت وضربت ونزلت مقفولة
روحت لفيت اجرى مالقتش حاجة دورت كتير مالهاش اثر
قلت ماليش رزق فيها
شفت غيرها وكانت قريبة من مكان التانية سميت وضربت واتاكدت انها نازلة مقفولة
جريت عليها مالقتهاش
ايه ده بقى فى حاجة مش مظبوطة لفيت شوية وعند نفس المكان ضربت يمامة وهى بتنزل جريت وراها بابص لقيت قطة بنت لزينة
قاعدالى وبتخطف اليمام الى بيقع قمت سيبتها وقلت اهو رزقها
وكملت وانا بانشن على يمامة لقيت حاجة جريت من جنبى ريح
بينى وبينكم انا اتشعفت بصيت لقيته تعلب وعلى ماوجهتله البندقية كان اختفى بين المقابر
المهم الحمد لله ربنا رزقنى ب 4 يمامات وشوية عصافير غير الى القطة كلته والى وقع فى حتت ماعرفتش اجيبه
ودى بعض صور الطلعة اتمنى تعجبكم..

http://www14.0zz0.com/2013/11/05/09/578901943.jpg


http://www14.0zz0.com/2013/11/05/09/444552910.jpg



http://www14.0zz0.com/2013/11/05/09/150399420.jpg

رد: طلعة بعد طول غياب
 

طلعه موفقه يا كابتن

بالهنا والشفا

رد: طلعة بعد طول غياب
 

تسلم ياليجند
ربنا يهنيك

رد: طلعة بعد طول غياب
 

بسم الله ماشاء الله عليك يابو الكباتن
تسلم اديك والله
وعلى فكره احتمال كبير اوى يكون اليمام بيقع ويرجع يطير تانى
اتسرق يعنى
لان القطه عمرها مهاتقدر تاكل اكتر من يمامه فى ربع ساعه

رد: طلعة بعد طول غياب
 

الله يخليك ياقبطان
انا متاكد انها بتتقفل

رد: طلعة بعد طول غياب
 

بالتوفيق يا ابو الكباتن وانشاء الله الجاي افضل

رد: طلعة بعد طول غياب
 

الاميره مع الامير
الله عليك يا حوده يا جامد
مبروك عليك الملكه الاسبانيه

رد: طلعة بعد طول غياب
 

الله يبارك فيكم ياجماعة
بصراحة هى فعلا ملكة وتستاهل والله

رد: طلعة بعد طول غياب
 

تسلم ايدك وبالف هنا وشفا يا كوتش

رد: طلعة بعد طول غياب
 

رد: طلعة بعد طول غياب
 

الله ينور يا كابتن ممكن حضرتك تقول جبتها بكام

رد: طلعة بعد طول غياب
 

تسلمووو ربنا يخليكم عالتشجيع الجامد ده

رد: طلعة بعد طول غياب
 

الله ينور يبو الكباتن يا قناص يا عظيم

رد: طلعة بعد طول غياب
 

تسلم يابو عمار ياغالى اشكرك
على المجاملة الرقيقة دى

رد: طلعة بعد طول غياب
 

ما شاء الله