الصيد فى مصر

الصيد فى مصر (http://www.egyhunt.net/index.php)
-   الصيد البري وادواته (http://www.egyhunt.net/forumdisplay.php?f=58)
-   -   فى بومه بتبات عندى (http://www.egyhunt.net/showthread.php?t=4064)

eng.gaith 10-11-30 06:23 PM
فى بومه بتبات عندى
 
السلام عليكم ارجو منكم المساعده انا مش من هواياتى الصيد وبعشق الطير الحى جدا وغاوى حمام من سنين المشكله بقى فى بومه كبيره بتبات فى السطوح قتلت فرخه صغيره من عندى وخايف تخش للحمام انا كرهتها جدا وعايز اجبها صاحيه بجد فا ايه الطريقه انى اجبها صاحيه وشكرا

Consul 10-11-30 08:39 PM
رد: فى بومه بتبات عندى
 
أخي العزيز الأستاذ eng.gaith...خيرا إن شاء الله...نصيحتي لك أن تتركها لحالها وهي سترحل من نفسها...البوم بطبيعته لا يحب ولا يفضل الأماكن المأهولة والمسكونة...ويفضل ويسكن في الأماكن المهجورة...ولو عرفت كيف تصل إلي عشها أو وكرها...طالما أنها فوق سطوح عمارتك...ففض العش وإنتهت الحكاية ولن تأتي مرة أخري...أما لو فيه أفراخ فأتركهم لحالهم حتي يكبروا ويطيروا وبعد ذلك تفض العش...والبوم عموما لا يخطف مثل الغراب والحدأة...وأفضل وجباته هي الفئران والثعابين الصغيرة والسحالي والديدان والحشرات...ولا يلجأ عادة لخطف أو قتل الطيور الأخري الأصغر منه حجما بطبيعة الحال إلا في حالة الجوع الشديد وأن تكون هذه الطيور الأخري مريضة وهزيلة...فلا تشغل بالك بهذه البومة ودعها لحالها تؤدي دورها الطبيعي في الحياة...فهي صديق للأنسان والبيئة...خالص تحياتي واحترامي للجميع...

rock 10-12-01 12:08 AM
رد: فى بومه بتبات عندى
 
السلام عليكم ..... بص ياسيدى ممكن تمسكها وبعدين تروح بيها حته تانيه بعيده طبعا .... وتطيرها ولو مزنوق قوى ممكن آجيلك آخدها .... بس هو الفخ عباره عن قفص حديد مخصوص ومربوط كويس وتحط جواه فار حلو كده ....ههه.... واول ماالبومه تشوفه هتنزل براشوت عليه ويروح قافل على رجلها وتيجى سيادتك من وراها وتمسكها من ضهرها وخلى بالك عشان لو مسكت ايدك مش هتسيبها .... وبرضه خللى بالك من المخالب ..... وحطها فى اى حاجه على ادها وعالعربيه وفابعد حته وافتح وسيبها .... ده رايى .... ارجو ان اكون افدتك ..... تحياتى .

wegdan12345 10-12-01 06:34 AM
رد: فى بومه بتبات عندى
 
يعم انت معندكش بندقية ولا ايه ؟؟؟
اديها فوق دماغها

momo44 10-12-01 06:12 PM
رد: فى بومه بتبات عندى
 
اقتباس:
المشاركة الأصلية كتبت بواسطة wegdan12345 (المشاركة 38379)
يعم انت معندكش بندقية ولا ايه ؟؟؟
اديها فوق دماغها
لسة كنت هقولها
مادام بتأذيك يبقى اتكل واديها واحدة فى دماغها
معايا على الخط على طووووووووووول يا وجدان

Consul 10-12-02 03:55 AM
رد: فى بومه بتبات عندى
 
الأخوة الأعزاء الأفاضل...لا تحزنوا ولا تستكثروا كتكوت أو حتي فرخ صغير في هذه البومة...وأنظروا إلي نصف الكوب المليئ...وإحسبوا كم فأر خلصتكم من قبل وستخلصكم منه مستقبلا...لو تركتوها لحالها...لم يخلقها الله سبحانه وتعالي عبثا...فهي صديقة للبيئة والإنسان...خالص تحياتي واحترامي للجميع...

Mina 10-12-02 08:50 AM
رد: فى بومه بتبات عندى
 
اقتباس:
المشاركة الأصلية كتبت بواسطة consul (المشاركة 38346)
أخي العزيز الأستاذ eng.gaith...خيرا إن شاء الله...نصيحتي لك أن تتركها لحالها وهي سترحل من نفسها...البوم بطبيعته لا يحب ولا يفضل الأماكن المأهولة والمسكونة...ويفضل ويسكن في الأماكن المهجورة...ولو عرفت كيف تصل إلي عشها أو وكرها...طالما أنها فوق سطوح عمارتك...ففض العش وإنتهت الحكاية ولن تأتي مرة أخري...أما لو فيه أفراخ فأتركهم لحالهم حتي يكبروا ويطيروا وبعد ذلك تفض العش...والبوم عموما لا يخطف مثل الغراب والحدأة...وأفضل وجباته هي الفئران والثعابين الصغيرة والسحالي والديدان والحشرات...ولا يلجأ عادة لخطف أو قتل الطيور الأخري الأصغر منه حجما بطبيعة الحال إلا في حالة الجوع الشديد وأن تكون هذه الطيور الأخري مريضة وهزيلة...فلا تشغل بالك بهذه البومة ودعها لحالها تؤدي دورها الطبيعي في الحياة...فهي صديق للأنسان والبيئة...خالص تحياتي واحترامي للجميع...
اقتباس:
المشاركة الأصلية كتبت بواسطة consul (المشاركة 38500)
الأخوة الأعزاء الأفاضل...لا تحزنوا ولا تستكثروا كتكوت أو حتي فرخ صغير في هذه البومة...وأنظروا إلي نصف الكوب المليئ...وإحسبوا كم فأر خلصتكم من قبل وستخلصكم منه مستقبلا...لو تركتوها لحالها...لم يخلقها الله سبحانه وتعالي عبثا...فهي صديقة للبيئة والإنسان...خالص تحياتي واحترامي للجميع...
استاذ جمال فعلا حضرتك اسم على مسمى جمال رد حضرتك من جمالك وحكمتك ومن احبة اللة اعطاة الحكمة اقيد كل كلمة حضرتك قلتها مع كامل احترامى للاخرين

eng.gaith 10-12-02 03:08 PM
رد: فى بومه بتبات عندى
 
شكرا لكل من استجاب لى شخصا بشخصه
وفعلا انا قررت اسيبها لحالها لنها بردو هتحمى الحمام من الفئران شكرا جزيلا

Consul 10-12-02 03:20 PM
رد: فى بومه بتبات عندى
 
إخوتي الأعزاء الأفاضل...الأستاذ مينا...الأستاذ eng.gaith...بارك الله فيكم أحبتي...هذا هو عين الصواب والعقل...وأشكركم لاستجابتكم ولردودكم وتعقيباتكم وتعليقاتكم العطرة...خالص تحياتي واحترامي للجميع...

محمود القاضى 10-12-02 04:04 PM
رد: فى بومه بتبات عندى
 
أنا مع القنصل فى رئيه الاول و الثانى
ائيد الاستاذ جمال نصر
و بالتوفيق

Consul 10-12-03 02:23 AM
رد: فى بومه بتبات عندى
 
أخي العزيز الأستاذ محمود القاضي...بارك الله فيك أخي الحبيب...شرفنا وأسعدنا مشاركتك معنا بالرأي في هذا الموضوع...خالص تحياتي واحترامي للجميع...

hema777h 11-02-28 09:00 AM
رد: فى بومه بتبات عندى
 
انتم يااا جماعة ان البومة كنت رمز الحكمة

صائد البوم 11-03-15 11:38 AM
رد: فى بومه بتبات عندى
 
انا صراحه بكره البوم جدا جدا ولما بشوفه بتجيلي حاله ابقي عايز اضربها في دمغها وانا اكتر هواياتي صيد البوم باليل بالخرطوش وبالنسبه للسبب لاني عندي برج حمام والبوم مش راحمني بس علي مين ونفسي الي يشوف بومه يديها علي دمغها وعلي فكره هي في النهار مبتشوفش اوي ممكن تقرب منها لحد3 متر

oteote2010 11-03-28 07:08 PM
رد: فى بومه بتبات عندى
 
[b]علي فكره يمكن البومه دي خير ليك

بمعني

انها ممكن تكون قضت علي عرس وفئران كاانت ممكن تقضيلك علي كل الطيور اللي عندك .
واسالني انا في موضوع العرس ده كنت زمان مربي ارانب . والعرس خلصت عليهم كلهم لانهم بيحبو يمصوا الدم من الدماغ .

فا مافيش مشكله لما تاخد اجر تعبها .ههههههههههه

اقصد يعني اني عاوز اقلك لعله قضي اخف من قضي.

فاتركها لحالها.[/B]


الساعة الآن 09:52 PM

Powered by vBulletin® Copyright ©2000 - 2026, Jelsoft Enterprises Ltd. TranZ By Almuhajir